濠玩夏水禮2024丨波波遭金剛嫌棄腳短王嘉慧成「新終極老鼠屎」接受冰桶大懲罰

娛圈事

濠玩夏水禮2024丨波波遭金剛嫌棄腳短王嘉慧成「新終極老鼠屎」接受冰桶大懲罰

2024年06月29日 13:30 最後更新：17:09

全新遊戲節目《濠玩夏水禮2024》今晚（6月29日）播出的第二集，「喪玩隊」的林盛斌（Bob）、周吉佩、林鈺洧（Denice）、陳婉衡和王嘉慧，決戰「好玩隊」的金剛、周志康、余思霆、梁超怡和黃婧靈（波波），一眾女神齊齊水著上陣大晒美好身段。

首個熱身遊戲「身體傳真機」笑料百出，玩法是每隊輪流比賽，隊員透過捉住前方隊員的手感受「答案」，再一個傳一個估答案。本回合誕生多名「老鼠屎」，梁超怡和波波恍如「未瞓醒」多次連累隊員，隊長金剛最終忍不住高呼：「呢兩個我唔要，都唔知做乜嘢！」最終「好玩隊」順理成章落敗，波波即主動認衰女並接受「潑水之刑」，相當識做。

點擊看圖輯

梁超怡

波波

林鈺洧

王嘉慧

陳婉衡

余思霆

左起：周吉佩、林鈺洧、王嘉慧、陳婉衡及Bob

（左）Bob同金剛係隊長。

左起：金剛、波波、梁超怡、余思霆及周志康

「喪玩隊」喺第一個遊戲表現落力。

「好玩隊」笑料百出！

金剛嫌棄梁超怡同波波！

波波主動接受「潑水之刑」！

金剛直指波波腳短，認真抵死！

王嘉慧VS波波

睇下邊個中」緊張又刺激！

波波以超強數口KO林鈺洧！

之後的「爬得快好世界」考驗體能兼敏捷度，各隊派出一名隊員鬥快爬過所有其他隊員褲襠並拍走沙灘波為之勝出。遊戲開始前，金剛已投訴指「喪玩隊」褲襠較大，並繼續「攻擊」波波謂：「你哋個窿咁大！你睇我哋呢邊，腳咁短，我點穿過佢呢度呢？」認真抵死！

經過五輪激戰，雖然「好玩隊」扳回一城獲勝，但Bob竟奸茅地提出來個「友誼大對決」，並派出兩隊最弱的隊員一決高下，最後由「長腿女神」王嘉慧VS「短腿女神」波波，並出乎意料地由「馳名老鼠屎」波波獲勝，成為終極老鼠屎的王嘉慧須接受冰桶淋身大懲罰！

講到最刺激必定是遊戲「睇下邊個中」，是《獎門人》經典遊戲「開口中」的瀡滑梯版。該遊戲由Bob和金剛負責主持，「喪玩隊」在沒有「領導」的情況下表現失準，最終只剩下上集全程未瞓醒的Denice，決戰「好玩隊」的波波＋梁超怡＋周志康，最終波波憑超強數口勝出，過程精彩又刺激。今集的減磅比拼，兩組經過兩集超燒脂的體能遊戲後，最終只有0.6kg之差，到底哪組最終成功勝出？密切留意今晚播出的《濠玩夏水禮2024》。

往下看更多文章

中年好聲音3｜張與辰周吉佩自彈自唱《光輝歲月》獲94分王鄭浚仁支嚳儀演出獲85分評語好壞參半

《香港何濟公止痛退熱散呈獻：中年好聲音3》逢周日晚上8點翡翠台播映，由車婉婉擔任主持，評審團除了固定班底肥媽、張佳添、周國豐，還有音樂女神海兒及再度回歸的關心妍，見證14強晉身12強淘汰賽事。

昨晚（3月30日）播出一集，為14強晉身12強上半場競賽，7位參賽者阮慧珊、王鄭浚仁、劉曉昆、占士丁丁、黃博、張與辰和李金凱率先登場，分別夥拍《中1》的李佳、支嚳儀、龍婷、吳大強、羅啟豪、周吉佩及顏志恒演出。當中共有3組獲得9字頭亮麗成績，包括97分的黃博＋羅啟豪《囚鳥》、94分的張與辰＋周吉佩《光輝歲月》及90分的李金凱＋顏志恒《大會堂演奏廳》。

周吉佩讚張與辰專業：3、4個鐘整咗隻full晒樂器嘅編曲出嚟
「男大魔王」張與辰獲《中1》冠軍周吉佩（吉吉）選中為本回合助力對象，與辰得悉被吉吉選中時意外萬分，直言：「腦袋一片空白，好似攞到冠軍咁！」與辰和吉吉自彈自唱演繹Beyond經典歌曲《光輝歲月》，分別彈電子鋼琴和電子結他，帶動觀眾和評審隨節奏揮手，成功將現場氣氛推至高潮！吉吉大讚與辰是一位非常專業的音樂人，短短4小時已完成編曲：「我哋傾完編曲之後，佢喺3、4個鐘之後整咗一隻full晒樂器嘅編曲出嚟，連MMO都send埋畀我，所有嘢好全面，真係好放心，非常之犀利。」

一直有留意與辰表現的關心妍，指其當晚演出有別於之前，並激讚：「平時聽你唱R&B好花巧，今日一開聲好straight forward，畀你吸咗入去！同埋你兩個好相信對方，個氛圍真係好好睇，完全冇任何嘢挑剔你聲音，咩高低你都搞得掂。」周國豐讚與辰在創作及技巧方面均處理得好，更大讚他任何甫士都沒有影響自彈自唱的音準表現：「坐keyboard面前，咩姿勢都影響唔到音準，咁得人驚嘅！」

支嚳儀獲關心妍舉起拇指派Like
有「海豚音王子」之稱的王鄭浚仁，獲師姐支嚳儀（支支）選中為拍檔，演繹《我是不是你最疼愛的人》獲得85分；由於成為本集尾二低分組合，聯同阮慧珊＋李佳及劉曉昆＋龍婷暫跌入「中年危機區」。

王鄭浚仁與支嚳儀的演出評語好壞參半，關心妍給19分幾乎滿分，指浚仁有林俊傑（JJ）影子：「聽到好刺激，今日佢係要駕馭一個咁難度高嘅duet合唱，又高又低，因為好難架，就算我哋歌手要咁樣和音都唔容易。」關心妍更舉起拇指向支支派Like：「你好lucky有支嚳儀，佢真係助人助到不得了，要畀掌聲，做得好好。」張佳添則認為浚仁低音「唔夠靚」，而周國豐亦因這一點罕有給他15分的超低分數：「由一隻獨唱歌變合唱歌，於是key方面某程度上要就支支。頭半段聽得有啲辛苦，雖然我覺得浚仁今日喺感情演繹方面係比以前進步咗，但因為要遷就合唱版本，令平時唔係咁強部分曝露出嚟。」