聯合醫院病人鄧桂思因醫療失誤死亡案，涉案兩名醫生原被控誤殺， 律政司在8月29日宣布撤銷控罪，兩名醫生已經復職， 但也引起一些爭議。
2017年聯合醫院病人鄧桂思因乙型肺炎病發，出現急性肝衰竭， 最後死亡，兩名醫生忽略了她的乙肝病歷，漏開乙肝藥物， 病人最後死亡，律政司一度以誤殺檢控兩名醫生，但在8月29日， 詳細審視案件證據及相關法律後，決定終止檢控。 病人組織抨擊醫療系統有流弊，亦有些意見指政府「放生」 兩名醫生。
但事實上，因醫療事故去控告誤殺罪，並非表面那樣簡單， 背後涉及複雜的醫療和法律爭議。
誤殺的「犯罪行為」元素與謀殺相同（非法殺死另一人）， 分別在於「犯罪意圖」。 誤殺缺少殺人或對他人造成嚴重人身傷害的意圖， 只需證明被告犯下以下其中一種過失，已可構成誤殺罪：一、「 非法危險行為誤殺」 （manslaughter by unlawful and dangerous act ），即被告蓄意作出非法而危險的行為，例如襲擊 ; 或二、嚴重疏忽誤殺（manslaughter by gross negligence ），被告1. 對死者有照顧責任（如醫生對病人、家長對子女）；2. 沒妥善履行照顧責任；3. 有關缺失是死者死亡的重大原因；及4. 相關行為可被視為「嚴重疏忽」，使陪審團認為足以構成刑事罪行。
醫生嚴重疏忽照顧病人，確有可能被判嚴重疏忽誤殺罪， 但要符合嚴重疏忽誤殺的4個條件，舉證時相當複雜。在醫學界， 嚴重疏忽誤殺都是非常富爭議的議題，以英國的判例加芭案( Bawa-Garba case)為例，2011年2月18日，6歲男童雅各被送往兒童 醫院，當晚死亡，當時主診的是初級醫生加芭(Dr Hadiza Bawa-Garba)，由當值顧問醫生奧維敦(Dr Stephen O'Riordan)指導。 其後初級醫生加芭與護士同被控誤殺罪名成立，加芭被判入獄2年， 但獲緩刑。 但男童雅各的死亡是由於醫生加芭個人的原因還是系統的失誤， 一直有爭議，醫生加芭亦被罰停牌12個月。
事件顯示，醫療誤殺遠比想像中複雜，特別在公營醫療機構， 醫生面對重大工作壓力，尤富爭議。
香港過去有嚴重疏忽誤殺的醫療個案，如2020年12月， 一名女醫生在美容中心為顧客施用「提升免疫力療程」， 惟注射品受污染導至病人死亡，被判嚴重疏忽誤殺罪成，入獄3年半 。 2010年10月，醫生在美容中心進行抽脂手術，導致病人死亡， 被判監6年。但這些都是私人執業的美容個案， 嚴重疏忽的情節簡單直接。
現在兩名聯合醫院醫生被撤控的個案，涉及幾個問題，一、 聞說律政司是諮詢外間法律意見後，認為證據不足，最後撤控 ; 二、雖然撤控，但由於公營機構人手不足，政府醫生壓力相當大， 案件一度被檢控， 也令人關注公立醫院醫生會否出現過於保護自己的防禦性醫療文化 ; 三、從公眾利益的角度，固然希望醫生高水平執業，治療好病人， 但若管制過嚴嚇怕醫生，令公立醫院醫生進一步流失， 受害的同樣也是病人。
無論如何，在公眾壓力龐大的公營醫療體系內， 醫生要為醫療失誤負上多大責任，並非表面看那麼簡單的問題。
盧永雄
二百幾年嚟美國一向都標榜自己係一個自由、平等嘅國家。不過自從「侵侵」再度封王之後，我零零發發現，超級大國嘅所謂普世價值，原來全部都係得個講字！
「侵侵」一登基之後，就即刻簽署第一個行政命令，去釋放千多名被司法部起訴，發動「國會山莊騷亂」嘅罪犯，包括兩個被判22年同18年監嘅「驕傲男孩」政治組織成員。「國會山莊騷亂」係因為「侵侵」2021年落敗，而發起嘅一場暴亂，令到有5個人死咗(包括1名警員) ；而「侵侵」又同成件事有關，點解可以咁兒戲，簽個名話放就放，唔使有任何司法程序嘅?！ 「侵侵」完全將美式嘅法治，異變為人治！如果喺香港，佢嘅行為，唔係衰「妨礙司法公正」，都「公職人員行為失當」啦！
另外，據媒體報導，有份參與呢單案件嘅檢控官同FBI探員，而家都被 「侵侵」追殺緊， 20多名檢控官已經被炒，至少6名FBI探員收到通知，要提早退休或自動辭職，這種討伐異己的手法在所謂民主國家真係聞所未聞。聽聞「追殺行動」陸續有來，因為「侵侵」上屆落敗後，都牽涉咗好多單官司，包括金融欺詐、逃稅、性侵女作家，推翻2020年大選結果，同不當處理政府機密文件等等。有份負責嘅檢控官同探員，派定散水餅都得啦！
而美國嘅所謂「新聞自由」，隨著「侵侵」回歸，亦難逃一劫！有消息話，數間與「侵侵」為敵嘅主流媒體，好似《紐約時報》、NBC等，已經被踢出國防部五角大樓嘅新聞採訪室，而《美聯社》由於唔肯跟隨「侵侵」將墨西哥灣改稱為美國灣，就被禁止入白宮同空軍一號做採訪！呢啲咪叫做「美式新聞自由」囉！點解香港「記怯」同黃色媒體咁靜，連作狀吠幾聲都冇嘅！
至於學術自由，「侵侵」就要求所有大學，開除有份參與反以色列，同埋聲援巴勒斯坦嘅校園示威學生，否則就停止聯邦對學校的撥款咁話。其中美國哥倫比亞大學一名巴勒斯坦學生，因曾參與反以色列校園示威而俾警察拉咗，仲話要逮解出境！好彩法官裁決時表示，佢嘅行為係受到美國法律保護，政府唔可以將佢驅逐出境！ 「侵侵」玩到咁癲，好多間大學已經頂唔順就範；但哈彿大學就偏偏唔聽佢支笛，仲反告政府違憲添！ 於是「侵侵」又指哈佛違反聯邦法律，凍結咗數十億元嘅資助，仲話如果哈佛繼續唔聽話，就會剝奪佢接收捐款的免稅嘅地位⋯⋯如果件事係香港發生，就「大鑊」了！唔單止咁，美國嘅科技一路都係領先全世界，但「侵侵」竟然要大幅削減科研開支，而家好多美國嘅科學家人心惶惶。無工做事少，仲隨時會屈你係間諜，咁就大件事喇，所以好多科學家都打算出走「超級大國」，向中國、歐洲、加拿大發展，可能呢啲就係「學術自由」嘅新概念，令知識流通世界囉！
另外，早排網上流傳一張「侵侵」扮教宗嘅相，本來喺網絡世界，呢啲二次創作無乜特別，但奇在呢幅相竟然post咗上去「超級大國」嘅官方帳號！而最激係「侵侵」喺記者會上嘅回應：「乜啲教徒唔喜歡咩？我太太覺得好可愛，好Nice喎！不過我真係做咗教宗，就唔可以結婚，咁就過份咗！教宗係唔鍾意結婚㗎，係咪？」我相信就算唔係天主教徒，睇到都覺得佢實在太輕佻無禮，一啲都唔尊重一個宗教，可能呢啲，就係我哋唔識嘅「宗教自由」啦！
特朗普社交平台截圖。
「侵侵」嘅另一「傑作」，就係任命玩具車老板「馬仔」，設立狗狗效率部 (DOGE) ，去整頓聯邦政府。媒體話「馬家軍」手起刀落，係冇預警之下，停止泵水俾美角國際開發署(USAid)，令到2000名員工即時被停職！ 由於「DOGE」行事都好囂張，周圍樹敵，搞到「玩具車」經銷商都到處俾示威者搗亂。「侵侵」為咗撐「馬仔」，一啲都唔避嫌，企出嚟話個啲暴力示威係恐佈主義，拉到呢班示威者，佢哋就會比死更難受咁話！ 「侵侵」仲即刻係傳媒面前買部「玩具車」表示支持，實行直播帶貨！咁都冇利益衝突？仲唔係活生生嘅官商勾結？如果係香港，佢哋隨時比老廉拉「公職人員行為失當」啦！
講番「間諜」，大家可能覺得只喺電影誇張嘅橋段，現實世界係唔存在嘅。不過最近美國「中情局」（CIA），就發佈兩個中文視頻，去招聘一啲不滿現狀嘅中國官員，向美國提供機密情報！ 講到真係同中國人好交心，幫緊你、幫緊你咁！呢個不但係佢哋一貫卑劣嘅伎倆:挑撥矛盾同仇恨；而且亦好橫蠻咁暴露咗佢哋為所欲為嘅野心！ 呢件事好清楚話俾大家聽，間諜係無處不在！今日「超級大國」可以向中國招募間諜，明天就輪到其他國家，無一倖免！
至於全球關稅戰，「侵侵」一時話加關稅，一時又話暫緩，又話同中國領導人好friend，呢樣嗰樣，但係次次問到佢係咪直接有通話，就講東講西，用語言偽術去誤導世界。其實中國商務部都講咗好多次，中國之前冇同佢溝通㗎啦⋯⋯點解佢哋咁做？高人話「侵侵」政府嘅官員、老友係公司大老闆，生意人，所以「侵侵」推出飄忽同瘋狂嘅「關稅政策」，攪到個股市短時間大升又大跌，咁係過程之中，有冇人賺大錢，就真係得佢哋先知喇！ 如果呢啲事係香港發生， 就算唔拉唔鎖，都起碼開個「特別調查委員會」啦，你話係咪?！
睇返美國歷史上受歡迎嘅總統，好似華盛頓、林肯、羅斯福、列根、奧巴馬……佢哋係個人特質方面，全部都表現出誠實、有親和力同好嘅溝通能力；政績方面，又能夠喺戰爭或經濟危機中展示決斷力；而最重要係，佢哋代表咗美國自由、平等同埋法治嘅價值觀。但睇返「侵侵」，人家受歡迎嘅嘢，佢一樣都冇！佢係上一屆政府提倡嘅「美國優先」，而家已經變成「侵侵優先」！而一向嘅美式價值觀，而家反而成為「侵侵」手起刀落嘅目標，或者係玩弄嘅對象！「侵侵大帝」將無賴、荒誕，人治、弄權同霸凌式統治，演譯得淋漓盡致！係短短一百日，就將「民主自由」無死角咁轉化為「暴政自由」。我零零發最後都係嗰句: 「我都戥佢啲國民好悲哀，竟然俾個咁嘅大帝去管治國家！ 」
鍾情局．零零發
