陳健安推出新歌《仍然是那個少年》，並回到母校「仁愛堂陳黃淑芳紀念中學」拍攝MV，令安仔憶起最青春、最黃金的歲月。
陳健安（安仔）最近新歌《仍然是那個少年》MV上架，為配合填詞人少爺占和Oscar筆下，一班多年不見卻依然如故的中學同學，聚在一起立即仿如時光倒流的感覺，特別重返母校「仁愛堂陳黃淑芳紀念中學」取景，還邀請《造星V》學員羅子熙（Hei）和王希晉（希晉），以及《造星IV》的何洛瑤（Sica）演出，充滿青春氣息。安仔說：「返嚟母校拍攝對我嚟講好大意義，首歌講青年時候嘅成長經歷，我讀咗呢間學校八年，最青春、最黃金嘅歲月都喺度度過。」
點擊看圖輯
安仔重返母校「仁愛堂陳黃淑芳紀念中學」為新歌MV取景。
邀請到《造星V》學員羅子熙（左）和王希晉（右），以及《造星IV》的何洛瑤（右二）演出MV。
安仔感覺球場好似細咗。
安仔指Sica感覺好日系、阿Hei有種懶洋洋嘅感覺，而希晉外表就似曳學生。
安仔係MV入面飾演老師「陳Sir」。
課室布置成海洋世界，黑板仲畫咗一條巨型鯨魚。
黑板上仲寫住「好好掛住你！」呼應上一首派台歌《好好掛住》。
安仔重返母校「仁愛堂陳黃淑芳紀念中學」為新歌MV取景。
邀請到《造星V》學員羅子熙（左）和王希晉（右），以及《造星IV》的何洛瑤（右二）演出MV。
重遊舊地回憶湧現，安仔特別感激體育科老師葉Sir悉心安排和協助，他興奮地細說從前，對於熱愛足球的他，球場絕對是最多回憶的地方。「剛才問葉Sir，點解個球場好似細咗？其實冇變過，變嘅係我嘅高度，好多回憶湧現。同首歌一樣，見返朋友或者去返一啲地方，就好似時光機咁，所有回憶衝晒返嚟。」
安仔感覺球場好似細咗。
至於點解邀請阿Hei、希晉和Sica演出？安仔說：「Sica感覺好日系，呢首歌好重日系感，所以好想有佢參與，而且好喜歡佢癲癲得得嘅性格；阿Hei有種懶洋洋嘅感覺；希晉外表就似曳學生。導演Oscar認為佢哋三個夾埋會有火花。」而安仔在MV中飾演老師「陳Sir」。
安仔指Sica感覺好日系、阿Hei有種懶洋洋嘅感覺，而希晉外表就似曳學生。
安仔係MV入面飾演老師「陳Sir」。
為配合MV拍攝，在其中一個課室布置成海洋世界，黑板畫了一條巨型鯨魚，還有海豚、水母、海星等海洋生物，並寫上「好好掛住你！」正好呼應上一首派台歌《好好掛住》的MV中，符紀男（Tiger Foo）玩鯨魚玩具的場景，相當有心思。安仔步入課室即驚喜大叫：「好靚呀！」拍攝期間，校內師弟師妹遇上安仔表現興奮，聊天和合照安仔無任歡迎，還勉勵他們努力追夢。
課室布置成海洋世界，黑板仲畫咗一條巨型鯨魚。
黑板上仲寫住「好好掛住你！」呼應上一首派台歌《好好掛住》。
與少爺占相識多年首度在歌詞上合作，安仔表示雖然對方形象搞笑，但筆下的歌詞卻獨有一份情懷，他說：「少爺占用字好直接，第一句已經好有佢嘅特色，『冇有怕，直衝出宇宙，兩隻腳亂闖』，『冇有怕』三隻字好直接得嚟，有種情懷喺度，所以搵佢填呢首歌好啱數，就係我心目中想要嘅感覺！」
