美孚住戶大門鐵閘攝神秘紙條稱「MIRROR成員借場拍劇」　街坊：似有伏

有美孚新邨住戶的網友發文，指在自家大門鐵閘發現一張「神秘」紙條，信中自稱電視台代表，有意租借該單位進行拍攝。

示意圖片(圖片來源:星島日報)

有不少導演堅持求真效果，用實景拍攝，有人可能會問，拍戲唔用綠幕，唔通真係起咗個實景？其實好多劇組務求達到理想效果，會盡量借用實景進行拍攝。近日就有相信是美孚新邨住戶的網友發文，指在自家大門鐵閘發現一張「神秘」紙條，信中自稱電視台代表，有意租借該單位進行拍攝，更附有劇集名稱及部份演員資料，當中更包括當紅組合MIRROR成員等。

網上圖片

不過改住戶頓起疑心，覺得事件有可疑，擔心是一場騙局，於是上網詢問一眾街坊，是否遇到同樣情況，網民們集思廣益，更有人質疑大廈保安未盡責，「點解陌生人可以上門？」

IG圖片

IG圖片

IG圖片

該網友於fb群組發文，指日前晚上外出返來，發現單位鐵閘多了一張紙條，信中自稱是ViuTV代表並即將製作劇集，有意借用該單位作拍攝場地。發帖的網友詢問，「唔知點解會睇中我屋企，有冇邨友都收到信？」，他透露不會借出單位，但就自己寓所無故「被選中」感到好奇，「點解會揀中我間屋呢？定係其實佢睇中我屋企嘅座向同埋窗外景色以便拍攝？總之10萬個為什麼？」。

IG圖片

貼文一出，引來一眾街坊熱議，有美孚街坊留言指收到同樣的紙條，內容提及劇集名稱以及演員資料，更寫明演員包括MIRROR成員楊樂文等，還有街坊指懷疑派紙條的人並非針對某一住戶，「應該係掃樓咁派」，不過也有網友質疑，不明為何不將紙條直接放進大堂信箱，「點解佢會入到嚟大廈放入鐵閘裏邊」，並直指擔心是新型騙局，呼籲其他收到紙條的街坊保持警覺。

不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！

影片截圖

醒返時車內空無一人車門被鎖

有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。

港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。

影片截圖

網友同情：睇嚟你真係好眼瞓

不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。

影片截圖

有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。