女團Me&登寰亞School Tour尾站 釗峰吻賀ANSONBEAN生日

由寰亞音樂主辦的大學《Groove Gala Media Asia School Tour》，尾站於周二（11月21日）在香港教育大學中央廣場舉行。

「唱作王子」馮允謙（Jay Fung）、梁釗峰、雲浩影（Cloud）、ANSONBEAN、樂隊Nowhere Boys，以及首次參與的全新女團Me&表演。數百名師生捧場，企滿兩層校舍，還揮動手機燈打氣，非常熱鬧。

寰亞音樂主辦的大學《Groove Gala Media Asia School Tour》，尾站於在香港教育大學中央廣場舉行。

音樂會由ANSONBEAN打頭陣，他跳唱《CALL ME（Late At Night）》、《RISE》和《GET WILD（feat.AKIKO）》，全場尖叫舉手跳舞，氣氛高漲。當他表演完畢，司儀DJ阿酸拉住他在台上繼續傾偈，眾師兄弟姐妹突然捧出生日蛋糕，為翌日（22日）23歲生日的ANSONBEAN慶祝，大合唱生日歌，他非常驚喜，釗峰更飛撲送上香吻，全場起哄！

ANSONBEAN打頭陣。

跳唱多首歌曲，引來全場尖叫舉手跳舞。

眾師兄弟姐妹捧出生日蛋糕，為11月22日23歲生日的ANSONBEAN慶祝。

釗峰更飛撲送吻。

釗峰緊接出場，他表示心情特別high，滿場飛與圍觀的學生們隔空比心心，演唱《至少還有你取暖》和《愛情難以許何我們回到當初（1717）》後，「籃球女神」譚旻萱（Mandy）、「寰亞孻女」黃淑蔓（Feanna）和「長腿師妹」連家穎（Vian）組成的全新女團Me&登場。Feanna興奮地說：「我哋以Me& 出道咗兩個星期，今日係我哋第二次公開演唱，好開心！」她們跳唱新歌《Eye to Eye》全場high爆，尖叫歡呼！之後她們退到舞台旁邊繼續欣賞師兄師姐Cloud、Nowhere Boys和Jay表演，尤其是Jay演唱時向觀眾狂派心心，全場尖叫歡呼，Me&一同搶接師兄的心心，又跟住大家揮手跳舞，非常盡興。

釗峰滿場飛與圍觀的學生們比心心。

之後到全新女團Me&登場。

跳唱新歌《Eye to Eye》全場high爆。

今次是她們第二次公開表演。

連家穎Vian、譚旻萱Mandy、黃淑蔓Feanna

Cloud

Cloud派心心。

Jay向觀眾狂派心心。

又同觀眾自拍。

再同釗峰比心心。

仲攬攬添！

由十月開始，《Groove Gala Media Asia School Tour》在理工大學、浸會大學、中文大學、香港大學及教育大學等演出，由室內唱到戶外，由天光唱到黃昏，每一站的師生都非常熱情，反應熱烈。終於完成最後一場表演，釗峰說：「最近因為呢個School Tour我哋成日都見面，好開心，不過今日唱到尾站，好唔捨得！」

釗峰坦言唔捨得School Tour完結。

今次校園巡唱，釗峰、Nowhere Boys和Cloud出席率滿分，釗峰自稱「駐場歌手」，Van更笑言他們是「School Tour之霸」，他們指雖然每間大學氛圍不同，但同樣熱情。Van說：「我感受到好多『青春』，校園生活距離我哋好多年啦！」他表示最難忘是到母校香港大學表演，重踏校園回憶湧現，他說：「當日我經過一個建築物，突然好想嘔，因為當年我就喺嗰度經歷過無數通頂衝Final Projert，甚至沖涼和瞓覺，之後每當我經過嗰度，身體就出現特別反應。」Jay說：「其實讀書真係要搵方法釋放壓力，所以今次我哋嘅音樂會，係好好嘅方法，無論喺學業或生活上有咩壓力，都希望佢哋聽到我哋唱歌感到快樂。」他們更表示希望之後到小學，甚至幼稚園舉行School Tour，與小朋友一同唱遊。

Nowhere Boys和Jay表演

Jay

大合照。

Vian透露正在為Me&的新歌排舞、錄音同拍MV。

女團Me&的「舞蹈擔當」連家穎（Vian），除了擁有可愛臉和大長腿，同時也是「舞」林高手，擅長跳講求力度及強勁節奏的韓國男團歌曲，而且她都是無師自通。最近她一腳踢製作跳舞Challenge《Vian In Public》系列，在個人IG reels開播，決心跳勻全香港，挑戰高難度舞蹈，而最大挑戰是她的內向「I」人性格。

Vian擁有可愛臉和大長腿，同時也是「舞」林高手。

最近一腳踢製作跳舞Challenge《Vian In Public》系列。

為了收集香港最佳跳舞地點的民意，Vian走到街上主動訪問途人，其中一站在銅鑼灣，幸好Vian出路遇貴人，她說：「我最想挑戰同訓練自己嘅口才，加上鍾意拍dance challenge，於是結合呢兩樣嘢，就誕生咗《Vian In Public》。我係『I』人，好少主動同人講嘢，仲要做街訪收集民意，對我嚟講係一個好大嘅挑戰。街訪當日好彩遇到KB前輩（人氣鼓手李健宏），佢過咗兩招俾我，佢話最好訪問啲著得好有型嘅人，因為通常呢類人都會較健談，我跟住做，真Work，好多謝KB教路。」

Vian為了收集香港最佳跳舞地點的民意，走到街上主動訪問途人。

期間遇到KB，還得到對方「過兩招」。

今次Vian一腳踢，由選曲、編舞、拍攝、剪接到造型以配合歌曲形象，既有可愛活潑、也有型格帥氣，展現出不同面向的Vian，就連髮型、化妝、襯衫全部不假手於人。她感激各品牌贊助，還有公司團隊全力協助，加上腰患剛全癒，令整個計劃能夠順利進行。

《Vian In Public》的選曲、編舞、拍攝、剪接到造型都是由Vian一腳踢！

目前《Vian In Public》系列已播出約十集，她分別到了觀塘碼頭、觀塘海濱長廊、荃灣天橋之坊城、汀九灣、迪欣湖、M＋天台花園、屯門兆禧主場天台運動場、西九藝術廣場等地方拍攝跳舞片。她說：「拍攝嘅時候都好多人圍觀，尤其第一條片喺觀塘碼頭拍，當日好多人跑步經過，會停低望，其實我唔好意思，阻到佢哋跑步，但佢哋留步睇住我跳舞，其實俾我好多energy，希望同時我都俾到energy佢哋同埋觀眾啦！」

Vian喜歡跳舞，坦言受到韓國K POP文化影響，昔日愛看MV無師自通學跳舞，從而發現自己的跳舞天份，所以挑選對自己有深遠影響的歌曲。她說：「影響我最深影響係BIGBANG、2NE1等嘅舊作品啟蒙我，所以特別揀咗佢哋較舊代、對我影響好深嘅作品，向佢哋致敬，多謝佢哋令到今日Me&嘅Vian出現。我期望《Vian In Public》有第二季，衝出香港，去日本、韓國等外地拍攝，運用我少少嘅語言天份，同其他國家嘅人做街訪。」

Vian坦言受到韓國K POP文化影響，昔日愛看MV無師自通學跳舞。

並希望《Vian In Public》有第二季，衝出香港，去日本、韓國等外地拍攝。

除了忙於拍攝《Vian In Public》，Vian更透露Me&即將推出新歌，「我哋Me&近排密鑼緊鼓籌備緊新歌，係一首好有節日氣氛嘅聖誕歌，而家進行緊排舞、錄音同埋拍MV嘅工作，大家可以密切留意，因為今次對我係一個好新嘅嘗試，之前《Eye to Eye》係一首英文歌，今次就嘗試廣東歌，希望大家拭目以待。」

Vian又透露Me&即將推出新歌。

會是一首廣東歌。