Vian連家穎一腳踢籌備跳舞Challenge跳勻全港 預告Me&將推出全新聖誕歌

Vian透露正在為Me&的新歌排舞、錄音同拍MV。

女團Me&的「舞蹈擔當」連家穎（Vian），除了擁有可愛臉和大長腿，同時也是「舞」林高手，擅長跳講求力度及強勁節奏的韓國男團歌曲，而且她都是無師自通。最近她一腳踢製作跳舞Challenge《Vian In Public》系列，在個人IG reels開播，決心跳勻全香港，挑戰高難度舞蹈，而最大挑戰是她的內向「I」人性格。

Vian擁有可愛臉和大長腿，同時也是「舞」林高手。

最近一腳踢製作跳舞Challenge《Vian In Public》系列。

為了收集香港最佳跳舞地點的民意，Vian走到街上主動訪問途人，其中一站在銅鑼灣，幸好Vian出路遇貴人，她說：「我最想挑戰同訓練自己嘅口才，加上鍾意拍dance challenge，於是結合呢兩樣嘢，就誕生咗《Vian In Public》。我係『I』人，好少主動同人講嘢，仲要做街訪收集民意，對我嚟講係一個好大嘅挑戰。街訪當日好彩遇到KB前輩（人氣鼓手李健宏），佢過咗兩招俾我，佢話最好訪問啲著得好有型嘅人，因為通常呢類人都會較健談，我跟住做，真Work，好多謝KB教路。」

Vian為了收集香港最佳跳舞地點的民意，走到街上主動訪問途人。

期間遇到KB，還得到對方「過兩招」。

今次Vian一腳踢，由選曲、編舞、拍攝、剪接到造型以配合歌曲形象，既有可愛活潑、也有型格帥氣，展現出不同面向的Vian，就連髮型、化妝、襯衫全部不假手於人。她感激各品牌贊助，還有公司團隊全力協助，加上腰患剛全癒，令整個計劃能夠順利進行。

《Vian In Public》的選曲、編舞、拍攝、剪接到造型都是由Vian一腳踢！

目前《Vian In Public》系列已播出約十集，她分別到了觀塘碼頭、觀塘海濱長廊、荃灣天橋之坊城、汀九灣、迪欣湖、M＋天台花園、屯門兆禧主場天台運動場、西九藝術廣場等地方拍攝跳舞片。她說：「拍攝嘅時候都好多人圍觀，尤其第一條片喺觀塘碼頭拍，當日好多人跑步經過，會停低望，其實我唔好意思，阻到佢哋跑步，但佢哋留步睇住我跳舞，其實俾我好多energy，希望同時我都俾到energy佢哋同埋觀眾啦！」

Vian喜歡跳舞，坦言受到韓國K POP文化影響，昔日愛看MV無師自通學跳舞，從而發現自己的跳舞天份，所以挑選對自己有深遠影響的歌曲。她說：「影響我最深影響係BIGBANG、2NE1等嘅舊作品啟蒙我，所以特別揀咗佢哋較舊代、對我影響好深嘅作品，向佢哋致敬，多謝佢哋令到今日Me&嘅Vian出現。我期望《Vian In Public》有第二季，衝出香港，去日本、韓國等外地拍攝，運用我少少嘅語言天份，同其他國家嘅人做街訪。」

Vian坦言受到韓國K POP文化影響，昔日愛看MV無師自通學跳舞。

並希望《Vian In Public》有第二季，衝出香港，去日本、韓國等外地拍攝。

除了忙於拍攝《Vian In Public》，Vian更透露Me&即將推出新歌，「我哋Me&近排密鑼緊鼓籌備緊新歌，係一首好有節日氣氛嘅聖誕歌，而家進行緊排舞、錄音同埋拍MV嘅工作，大家可以密切留意，因為今次對我係一個好新嘅嘗試，之前《Eye to Eye》係一首英文歌，今次就嘗試廣東歌，希望大家拭目以待。」

Vian又透露Me&即將推出新歌。

會是一首廣東歌。

音樂會吸引Fans和途人逾千人圍觀！

「寰亞音樂」其中兩位唱將，馮允謙（Jay）和陳健安（安仔），一同在12月12日推出個人專輯，日前他們更一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，他們的家人、新碟歌曲班底、音樂人朋友等捧場。在四面台上演出，Fans和途人逾千人圍觀，反應非常熱烈，他們即興encore，全場尖叫歡呼。

Jay和安仔一同舉行「Jay Fung x On Chan MUSIC NIGHT AT THE HARBOUR」音樂會，師妹Me&擔任表演嘉賓。

音樂會由Me&的黃淑蔓（Feanna）和連家穎（Vian）打頭陣，演唱充滿聖誕氣氛的新歌《Me& My Christmas Town》，雖然當日是入冬最寒冷晚上，室外只有13度又大風，但她們穿著短裙大曬長腿跳唱，全場氣溫急升。接著Jay和安仔出場，合唱安仔新碟內作品《我違和但我不糾正》 。

音樂會由Me&打頭陣。

演唱充滿聖誕氣氛的新歌《Me& My Christmas Town》。

Jay和安仔接著出場，並合唱安仔新碟內作品《我違和但我不糾正》 。

之後安仔獨唱《戀愛腦之死》和《我很不愛你》後，安仔分享了兩個故事：「早幾年有一個朋友因病離開咗，佢臨走前一晚，叫晒啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裡尚有象牙白》和《當我們返回現世》。

安仔之後獨唱《戀愛腦之死》和《我很不愛你》。

又分享了兩個故事。

接著Jay出場，一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，分別唱出《在最好的時間做最好的你》和《在錯誤的宇宙尋找愛》，音樂會圓滿結束。

接著Jay出場。

並一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲。

音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水舒緩。Jay帶著新碟《EMO》，安仔亦帶著新碟《PROJECT REJECT》，互相向對方介紹自己新碟的特別包裝設計。Jay說：「你可以轉動旁邊呢個位置，咁封面嘅顏色就會變，代表唔同嘅情緒！」百厭的安仔立即來回狂轉動，笑言：「嘩，情緒波動呀！」而安仔就向Jay講解要撕爛其包裝才可取出唱片，寓意打破既有思想。Jay一邊撕開一邊笑說：「搣爛晒，我好心痛呀！」

安仔、Jay

而表演嘉賓Me&的Vian說：「我第一次喺耳機聽到Jay和安仔唱歌，感覺好神奇，好好聽。」Feanna說：「我覺得最神奇係聽到你唱歌，進步咗好多。其實每次上台表演前我都特別緊張，但你好淡定，幫咗我好多。」她們表示相隔一年，Me&再有新歌表演非常開心，希望有更多表演機會。Vian自爆出場前一邊耳機臨時故障，被Feanna取笑是「機器之鬼」。

全場大合照。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。