新歌《青春告別式》上架即登YouTube熱門第一位 張敬軒自言愛情上唔係勇敢嘅人

新歌《青春告別式》於除夕上架，張敬軒坦言歌曲是自己的故事。

剛於《2023年度叱咤樂壇流行頒獎典禮》獲得「我最喜愛的男歌手」及憑全年唯一一首派台作品《隱形遊樂場》贏得「至尊歌曲大獎」的張敬軒，為了兌現跟歌迷的承諾，今年回歸唱作人位置，決定在踏入2024年1月1日前的一刻，派上全新作品《青春告別式》。

觀看相關影片按連結：https://youtu.be/4Ch6C-U6dcs?si=Z21GkFPIdvJPVy2x

歌曲MV一上架，即進駐了YouTube熱門影片首位，歌曲亦立即登上各大音樂串流平台包括itunes、KKBOX、Spotify、MOOV、JOOX的一、二位。同時軒仔亦為了回饋歌迷，將於1月14日舉行官方歌迷會生日會，逾萬名歌迷免費入場，所有費用由軒仔自資，以答謝歌迷一直以來對他的支持。

KKBOX

YouTube

軒仔將於1月14日舉行官方歌迷會生日會。

新歌歌曲延續《隱形遊樂場》的創作班底，由軒仔作曲及監製、黃偉文填詞、Johnny Yim編曲，記錄青春在無聲無息流走的一剎，因此軒仔提大家要將青春狠狠抱緊。滿滿的感觸，軒仔坦言歌曲是自己的故事，「其實亦屬於每一個人嘅故事。每一個人喺佢哋青春嘅時候，都曾經會遇到過嘅事情。但當時佢哋冇捉緊住，錯過咗，之後回望番轉頭就發覺有一種遺憾。所以呢樣嘢無論我又好、所有人都好，都一定有經歷過，只係你哋身邊嘅男女主角係邊一個人。」他透露歌曲只得demo未有歌詞時，播給自己團隊聽的時候，他的造型師已經聽到喊。

《青春告別式》圖片

《青春告別式》圖片

在愛情的道路上，軒仔自言並非勇敢，「嗰陣時比較腼腆，亦都唔係一個social media咁流行嘅年代，嗰陣時嘅告白更多嘅係寫信或者面對面，甚至乎手提電話都未流行，每一次約會、相遇都係一件難能可貴嘅事情，所以當時大家面對面，真係有啲說話未必咁容易講得出口。唔同而家social media流行嘅年代，可能俾一個心或者係emoji仲容易，要將心底說話宣之於口，當其時係相對困難。」

《青春告別式》圖片

《青春告別式》圖片

歌曲製作及拍攝MV時都遇上不少困難，團隊特意飛到日本北海道拍攝MV，但當拍攝團隊拍完第一個location的鏡頭，正在前往下一個location時突然遇上大風雪，團隊被迫折返，加上今次新歌的製作時間亦非常緊迫，這是繼《隱形遊樂場》後，另一首極速製作的歌曲，新歌收到歌詞後以短短的四日三夜便完成拍攝及錄音部份，正在忙於澳門演唱會的軒仔，更是每日都即晚來回香港及澳門，為新歌趕製錄音。

《青春告別式》圖片

《青春告別式》圖片

《青春告別式》圖片

另外，正在舉行《THE PRIME CLASSICS張敬軒澳門演唱會》的軒仔今日（1月3日）宣布再加開一場兼賣飛，門票於一小時內火速售罄。

《THE PRIME CLASSICS張敬軒澳門演唱會》加場門票於一小時內火速售罄。

「最大嫌疑人」細So出po解畫。

日前有二手唱片店在社交平台放售的唱片，發現一張有張敬軒親筆簽名，並寫下答謝句的舊唱片流出。碟上寫着：「Dear 細So，好多謝你一直以來都支持我嘅音樂！希望你會鍾意呢隻碟！」上款寫的細So，令網民聯想是否前商台DJ細So（蘇耀宗）。

有二手唱片店放售張敬軒簽名版《春•夏•秋•冬》舊唱片，其舊唱片原主人疑似是前商台DJ細So。

昨晚（11月12日），「最大嫌疑人」細So於社交平台出Po承認係該舊唱片前物主，又透露：「多謝各位關心！當日冇得返舊公司搬走我啲CD，後來有同事幫我攞返部份碟。其餘仲有好多一路都放喺直播室，諗住留喺度俾（畀）大家用， 點知就唔知俾（畀）邊個攞咗去賣。 如果你要賣，都抹走個名同msg先呀，有我個名唔會值錢啲㗎。」最後他更hashtag了張敬軒，並稱：「今時今日我都仲係一直咁支持你同你嘅音樂！」

細So出Po解畫。

細So稱當日離職，不許返舊公司搬走CD，又隔空忠告賣家：「如果你要賣，都抹走個名同msg先呀，有我個名唔會值錢啲㗎。」

而張敬軒很快作出回覆，為事件打圓場：「🤣其實我以前喺兩間電台出沒獵獵埋埋都好多其他 artist簽畀各位DJ碟🤭我係出咗名嘅cd大盗，查實呢單嘢係唔係我經手嘅，我都唔敢肯定🤣🤣🤣不過應該機會不大，因為我唔係好接受到自己個髮型🐷我會繼續簽碟畀你，不過都要等我有碟先🫣Love you 🫂🫂」」又Hashtag︰「好快有好快有😎」獲軒仔力撐，細So即回︰「等你好耐啦，多謝你先！今次我發達啦 love you🫂🫂」。

張敬軒公開力撐細So。

網民大讚軒公答得好得體。