林奕匡音樂路上重要轉捩之作 《高山低谷》10週年音樂會與歌迷分享及慶賀

由Sony Music主辦，林奕匡《agnès b. Presents: 高山低谷10週年special - Phil Lam The Great Decade Live》將於4月28日假東華三院東蒲胡李名靜體育館舉行。

林奕匡將於4月28日舉行音樂會。

「你快樂過生活  我拼命去生存」，2014年一首《高山低谷》讓林奕匡（Phil）的唱作人身份得到廣大的傳播和肯定，為他帶來無數獎項和掌聲，成為其代表作之一。《高山低谷》對Phil來說，並不單只是一首他筆下之歌，更有極其深遠的意義，它記載其由低沉到重新站起，除人生高低經歷外，更以歌曲鞭策自己，不要放棄繼續走下去，創作出更多觸動人心的歌曲，當中包括為大家帶來鼓勵與共鳴的《一雙手》、《頌讚詩》、《有人共鳴》；觸動感情經歷回憶的《難得一遇》、《愛情小品》、《第一個早晨》、《關於愛的碎念》等等多首不同類型和風格作品。

觀看相關影片按連結：https://youtu.be/VqnpLbr1zJs?si=6sw_PzHWnhqJLHib

為自己創作歌曲外，Phil也為其他歌手帶來多首出色之作，如同公司份屬好友陳柏宇的《別來無恙》和《霸氣情歌》及葉巧琳《難道我還未夠難》；不少得為新世代歌手所寫的歌，如姜濤《Dear My Friend,》、呂爵安與邱鋒澤《一表人才》及魏浚笙《第一個迷》；而最新一首就是他跟黃妍和葉巧琳一同於THE FIRST TAKE演唱的《藝術 與 科學》。

來到《高山低谷》推出十年之時，早前Phil帶同歌曲登上日本著名音樂頻道THE FIRST TAKE成為話題，現在宣布舉行一個對他具意義的音樂會，去跟歌迷一同見證一路走來的成長軌跡。Phil說：「眨吓眼就十年，呢十年經歷咗好多事情，由我最迷惘到開始有啲成績，登上舞台開到個人演唱會，做到好多自己意想唔到嘅事，仲有組織自己嘅小家庭。」

Phil早前帶同《高山低谷》登上日本著名音樂頻道THE FIRST TAKE成為話題。

觀看相關影片按連結：https://youtu.be/lhfOVgSiFoc?si=m018qtUQEgKhOs7-

十年變化之大，令Phil無論是個人或是創作都更為成熟。當然，除了不斷生產「音樂 BB」以外，近來高興地宣布將為人父的他，人生即將迎來更多挑戰和喜悅，「你哋睇住我成長，我嘅歌亦一樣陪伴著大家成長，見證好多歌迷由讀書到踏入社會工作，甚至結婚生兒育女。」和大家相伴著的成長，不少歌曲亦是歌迷的人生印記。4月28日與Phil一同經歷這十年之路的點滴吧！

林奕匡於2月底宣布與結婚近7年的李靄璣「造人」成功！

音樂會詳情如下：

agnès b. Presents: 高山低谷10週年special - Phil Lam The Great Decade Live

日期：2024年4月28日（星期日）

時間：晚上7時

地點：東華三院東蒲胡李名靜體育館（九龍新蒲崗七寶街2號）

票價：$580 / $480

** 門票將於 2024年4月8日（一）上午11時於KKTIX公開發售

林奕匡新歌《搖籃下的歌》歌詞神預言初遇情景。

林奕匡（Phil）初為人父，囝囝Darrien出世，自然感受良多，所以他特別創作了新歌《搖籃下的歌》並於今日（10月14日）上架，但想不到預先寫好的歌詞神預言了Phil的狀況與心聲，完全說中了他初次跟囝囝見面的畫面與心情。

林奕匡（Phil）創作新歌贈愛兒。

Phil新歌《搖籃下的歌》於今日（10月14日）上架。

當初知道要做爸爸的時候，Phil已經靈感如潮湧，他回想道：「知道就嚟做爸爸嘅時候，已經有好多想法，即刻寫咗好幾首歌俾 Darrien，當時一心只係想用嚟記載同送俾佢，至於有冇機會製作成一首歌，我自己都唔知道。」但當決定要做歌之時，Phil考慮到自己的歌庫中，以鋼琴為主的ballad作品為數不少，但以結他創作的則比較少，所以他就想到要以結他創作一首歌送給Darrien，Phil續說：「今次就以寫首歌送俾囝囝為由，邀請咗新加坡音樂人Marcus一齊創作，佢嘅結他有一手，過去佢都同過唔同人合作。寫《搖籃下的歌》嗰陣時我哋隔空合作，但好合拍，個零鐘已經寫好首歌。」

初為人父百感交集。

新歌歌詞神預言與兒子初遇情景。

創作好旋律，交由林寶填詞後，Phil便安排了錄音日程，但人算不如天算，Darrien竟然提早出世！Phil也始料不及，並說：「錄音schedule一早決定咗，但唔知佢幾時出世，呢個就係天嘅安排，啱啱佢出院嗰日我就去錄音。其實好得意，情感上係滿滿，但嗰一刻其實好難錄歌，因為情感泛濫，不停係唱唱下就喊。」Phil感情如此澎湃，全因林寶的歌詞神預言了一切！Phil分享到：「我好鍾意歌詞中嘅幾句：『今晚心情怕你亦也許難聽得懂幾句　唯願我枕邊跟你伴隨』BB啱啱出世嗰陣，我推住BB保護箱行出手術室，當時媽媽仲喺手術室，得我同佢獨處半個鐘，當時我幫佢影咗啲相同影片，其中一條片，我有講到：『知道你唔知而家發生緊乜嘢事，亦都唔會有任何記憶，但係我會幫你拍低記載一下。』呢句歌詞，就好係我嘅心聲、心情，現實生活中我真係實現咗呢個畫面。」

Phil直言成為爸爸後人生轉變了不少。

《搖籃下的歌》製作完成，Phil仍歌不離口，他笑言：「我唔敢話《搖籃下的歌》係佢嘅專屬搖籃曲，但佢應該係聽得最多，因為我成日唱俾佢聽。其實我一早寫咗英文嘅歌詞，都可以話英文版係特別送俾佢，係我打從心底嘅創作，當中包括我嘅期待、盼望、未知、憂心、鼓勵、陪伴，各種嘅心情。中文版就係同大家分享嘅，因為我相信每個做父母嘅都一定有呢啲感受。」除了推出新歌，Phil亦分享了成為爸爸後的轉變，他說：「作為新手爸爸，起初係有啲雞手鴨腳唔知點算，我咁大力，佢咁脆弱，佢成日郁身郁勢，我唔敢同佢鬥力，怕整親佢，驚又抱得佢唔舒服；而家佢硬淨咗，我又多咗經驗，兩個開始有啲默契，佢一日比一日認到多啲我，每日都會俾多少少表情，我哋嘅connection明顯愈嚟愈多，所以每日都愈嚟愈開心。」Phil表示，他已開始習慣當一位爸爸，人生好似大躍進，多了份責任，要懂得照顧人，而身邊親友，亦會叫他做「阿Phil爸爸」，為此他也開心不已。

多了份責任。

林奕匡《搖籃下的歌》將於今日（10月14日）下午1時於各大音樂平台上架，屆時可click入以下連結收聽歌曲：https://PhilLam.lnk.to/JustaLullabyPR