林奕匡晒太太孕照 臉露幸福眼睛笑成一線

一家三口好幸福。

現年38歲男歌手林奕匡（Phil ），2017年與太太李靄璣Rikko結婚，今年2月宣布喜訊，太太成功陀B仔，迎接金龍BB。二人昨日（27日）分別在IG po出唯美孕照，表達對即將成為父母的緊張又期待的心情。

今年2月宣布陀龍B

Phil 晒出與太太37周的孕照，並寫﹕「快要進入直路階段，開始有點緊張 希望可以記載這美麗一刻」而太太Rikko在IG亦寫﹕「認識二十年，雖然一直好嚮往我哋自由嘅二人世界，the right time has come!真係好期待迎接我倆嘅小天使。未來世界將會繼續佈滿荊棘，但我哋會盡力保護你，等你可以置身於愛與快樂嘅氛圍成長，長大後能夠勇敢地追尋你嘅夢想及建立你自己的世外桃源。」二人於相中都流露出幸福的笑容，而阿Phil 的眼睛更笑成一線。

阿Phil笑到眼睛得返一條線

兩位對即將成為父母都覺得好期待

原來二人的愛情故事亦經歷過高山低谷，剛從加拿大回港發展的Phil起步時未及Rikko順利，歌唱事業處於不進不退的狀態，而Rikko為了Phil更從大好前景的幕前退至幕後，更對Phil說出：「如果下張專輯都唔成功，我哋可以一齊返加拿大重新開始，我可以同你一齊捱！」令Phil大受感動，認定Rikko。

二人經常夫妻檔出活動

Rikko 對Phil一直不離不棄

林奕匡是名副其實的「超級奶爸」！

林奕匡（Phil）接受程凱欣和麥卓華主持的《原來生活好快樂》訪問，Phil的太太李靄璣今年8月誕下兒子Darrien，剛榮升爸爸的Phil被兩位主持踢爆話題總是離不開兒子，是名副其實的「超級奶爸」。

林奕匡（Phil）接受程凱欣和麥卓華主持的《原來生活好快樂》訪問

林奕匡是名副其實的「超級奶爸」

林奕匡

Phil雖然只做了爸爸兩個多月，但他絕對是太太的「神隊友」，跟太太和岳母組成「湊B鐵三角」，每人負責一個更份照顧BB，「做爸爸乜都要識，例如點樣抱佢、餵奶、掃風，基本上我每件事都要識，因為做爸爸一定要畀佢有一個倚靠，可以照顧到佢。」Phil十分享受湊B過程，更自爆囝囝最愛對住自己大便，「BB要去便便嘅時候，唔知點解同我特別有緣，十次有八次都係同我有關。（你一湊佢就便便？）可能同我抱佢坐喺大髀有關，個位置太舒服，我又會幫佢搓吓肚仔。」

林奕匡跟太太和岳母組成「湊B鐵三角」

Phil直言比預期中辛苦

一家三口

剛榮升爸爸的Phil被兩位主持踢爆話題總是離不開兒子

雖然要照顧兒子以致長期睡眠不足，Phil直言比預期中辛苦，但亦比預期中更加開心，「有咗小朋友之後，我每隔兩日就喊，因為太開心，最感動係佢係我個仔，佢係無價嘅，同埋佢每日都變緊，我真係唔想錯過佢任何一分每秒，因為佢兩日後嘅性格或者習慣又會唔同咗。」問Phil滿心滿眼都是兒子，會否擔心太太呷醋？他大爆：「佢有時都會呷醋，佢會話『BB咁，咁大BB呢』，佢都好辛苦，喺生小朋友過程中佢最辛苦，所以我每日都要提醒自己要去稱讚佢，因為佢有時會責怪自己有乜做得唔夠，我都會同佢講已經做得好好，等佢唔好咁大壓力。」