林奕匡長文細訴BB的出生過程 一波三折：我好驚BB同媽媽會有事

Phil上載長文講述太太生B過程！

林奕匡（Phil）早前宣佈榮升做新手爸爸，太太李靄璣（Rikko）順利誕下兒子Darrien。近日他上載了一篇長文，細訴BB的出生過程，透露今次BB出生的過程「一波三折」：「有一刻我真係好驚BB同BB媽媽會有事。」

今年2月宣布陀龍B

上個星期宣佈順利產子

親手剪臍帶

Darrien好可愛

二人經常夫妻檔出活動

林奕匡表示太太Rikko意志很堅強一直想順產，但在生B過程中complications，經過十幾個鐘後，太太開始發燒體溫也越升越高，BB心跳率同樣地越跳越快，無辦法之下需要開刀做手術，還講到情況危急需要數分鐘內去手術室，最後母子平安，BB順利出生。

po長文講述過程

過程一波三折

緊張的他盡量讓自己保持冷靜

好感動！

母子平安！

 林奕匡長文原文如下：

非常多謝大家所有嘅祝福!

今次生B嘅過程，一波三折，有一刻我真係好驚BB同BB媽媽會有事。

Rikko意志好堅強一直想順產，但今次生B過程遇上complications，經過十幾個鐘後，

佢開始發燒，體溫越升越高，BB心跳率同樣地越跳越快，長時間keep 住升，沒辦法之下要緊急轉做開刀手術。

入到手術室，同之前嘅labor room 完全唔同，同埋多左好多嘅醫護人員，佢地全部都已經準備就緒，嗰一刻我知道我只能相信咁多位嘅醫護人員，將Rikko同BB嘅生命搞妥俾佢哋，而我嘅職責就係要做最「正能量」嘅「唱歌者」，而我嘅觀眾只有一個。

手術期間，我依然keep住好緊張，但我繼續唔理，keep住唱歌，同Rikko傾計。正當播著「一雙手」嘅時候，突然醫護人員講左一句「佢出咗嚟」 ，突然時間好似停止一樣，我一句聲都唔敢出，等候任何BB嘅反應，10秒，15秒，跟住我見到醫護人員從紗布後面抱起BB去檢查，20秒，25秒… 突然間聽到一個喊聲，係我人生聽過令我最開心嘅聲音。知道Rikko嘅角度睇唔到BB，我俾左一個爆喊嘅眼神俾佢，再點頭。

非常感激今次幫我地所有嘅醫護人員！

You guys are real angels 🥹🥹🥹 Thank you thank you thank you!!

They say that being a parent is difficult. Yes, but being a mother is much more difficult. My dearest wife, Rikko, you have sacrificed sooo much. You have been so brave, and so loving. I love you so much, and I look forward to walking every step of the way with you to raise this beautiful baby.

#DarrienLam #BabyDarrie #Rikko媽媽

林奕匡囝囝出世眼仔睩睩似媽媽！

Sony Music家族再添新成員！林奕匡Phil的太太李靄璣Rikko於前晚（8月23日）誕下兒子Darrien，母子平安，Phil亦正式成為林爸爸，恭喜恭喜！

Darrien出世時重2.84kg，在入產房前Rikko一直打算順產，但怎料在醫院經過十多小時後開始發燒，Rikko道：「我開始發燒，BB嘅心跳都去得好快，冇辦法之下要緊急轉做開刀手術，當時雖然好攰，但我好驚瞓著，瞓咗就見唔到BB，甚至瞓咗以後都唔醒。」Phil當時亦同樣感到驚惶失措，他道：「 我差唔多全程都陪住Rikko，希望俾多啲support佢，同埋分散佢嘅痛楚感覺，但睇住Rikko體溫不斷上升，BB心跳又不斷上升，都愈嚟愈擔心。」

林奕匡（Phil）的太太李靄璣（Rikko）於前晚（23 日）誕下兒子Darrien。

當確定要做手術後幾分鐘，Rikko先入手術室，Phil在外面辦理手續後，隨即進入手術室，Phil回憶說：「當時我望住醫生俾我嗰一張開刀手術嘅風險資料，我突然好驚，人生從來冇試過咁驚，好驚Rikko同BB會有事，但係我知道我入到去，我一定唔可以俾Rikko feel到我驚，我要distract佢，於是我整定個playlist，全部都係我最柔和嘅歌曲俾佢聽。」隨後，當護士告知Phil及Rikko BB出來了，二人依然緊張，直到聽到BB的哭聲，他們終於鬆一口氣，一直在旁的Phil隨即也幫忙為BB剪臍帶。當看到Darrien後，Phil也流露一臉慈父的笑容，說：「佢同我一樣咁多頭髮，眼仔碌碌就似媽媽。」

Darrien還未有中文名，但Darrien這個英文名字就是由Phil想出來，有「Gift（恩賜）」、「Rich（豐盛）」及「Kindly（仁慈）」的意思，Phil道：「Darrien呢個名係對囝囝嘅祝福同期望。其實都考慮咗好耐，想改一個『D』字頭嘅名，因為Rikko 嘅『R』 同 Phil 嘅『 P』都有個『D』字喺裡面。之前上網search，參考過過千個名都唔合心水，最後係自己諗出嚟，又幾好聽，上網check完，原來個名嘅意思又咁好，就確定用呢個啦！」

初為人父的Phil剪完臍帶既興奮又感動！

願Darrien快高長大、身體健康！

其實在Darrien出世之前，Phil與Rikko都為小寶寶未雨綢繆準備了很多，亦遇上很多驚險事故，好似Phil在Rikko懷孕期間試過打波拗柴受傷，幸好未有骨裂，痊癒過程亦比想像中快，另外因為Rikko選擇順產，所以都難以預知囝囝的出生時間，早前Phil前往澳門演出，他都擔心撞正囝囝出世，Phil說：「所以我離港之前幾日，日日都同BB講，要等埋我返嚟先出世呀！結果BB好乖，真係等埋我！」

BB出世了，Phil與Rikko當然也忙於湊仔了！不過他們早就有心理準備，Phil更道：「因為係有計劃嘅懷孕，所以心態上，我哋都好ready、好期待。我哋亦一早安排好BB 用品、衣服、傢俬等等，亦學習咗點樣餵母乳同照顧BB，而家反而需要學習嘅就係BB將來嘅教育基金、健康保險同埋醫療保障等等。現今世代要好好養育一個小朋友真係唔容易，所以都要深思熟慮好好地安排！」想不到Phil早就為Darrien考量得這麼仔細，果然是一個好爸爸！

林奕匡榮升新手爸爸 太太李靄璣誕2.84kg囝囝