李幸倪、林奕匡、黃淑蔓及洪助昇擔任主角。
由大家樂、Circle K 即磨咖啡、青見田木（日本水果專門店）聯合贊助的「新城廣播劇团」《不如見一面》廣播劇，相隔10年重新啟動，並由知訊台台長程凱欣擔任團長、項目總監葉碧梅則任副團長。頭炮廣播劇《不如見一面》今日（7月8日）下午2時30分在知訊台節目《QK玉瑛室》隆重首播，即星期一至五連續兩星期播出共10集，並於《Bilibala開大喇叭》節目時段重溫。網址：https://www.metroradio.com.hk/MetroInfo/
「新城廣播劇团」《不如見一面》廣播劇今日 （7月8日） 首播。
Gin Lee和林奕匡已第4次合作錄廣播劇， Gin Lee大讚洪助昇：「佢係讀表演系，所以佢錄廣播劇好得心應手。」林奕匡就表示雖然曾錄過廣播劇，但錄10集之多則是第一次，笑言很多對白，他稱：「錄呢個劇要考大家創作力，例如點樣可以用把聲表達出打邊爐同跑步聲。」
由李幸倪、林奕匡、黃淑蔓及洪助昇擔任主角。
Gin Lee表示和林奕匡已第4次合作錄廣播劇。
Gin Lee亦表示所有聲音都沒有畫面，所以說話要比平時誇張，最難忘是要扮跑步聲追趕林奕匡。劇中講及90年代初的長途電話費昂貴，黃淑蔓驚訝說：「估唔到90年代長途電話咁貴，因為我冇經歷過呢個年代，只係掹車邊，同埋我個角色幾活潑，雖然幾鍾意自己把聲，但又驚會變咗好巴渣。」
《不如見一面》故事內容講述Gin Lee和林奕匡青梅竹馬，自小已默許對方是自己的理想伴侶，成長過程當中，各自遇上不同的經歷。自從踏入社會職場開始，二人為了堅守愛情，在奮鬥的路途上，雙方都定下了「守住愛情十誡」，彼此之間都承諾對方，無論怎樣都不能越過這「愛情十誡」的底線。而洪助昇和黃淑蔓分別飾演男女主角的好友，馮允謙則演繹唱片公司老闆、范振鋒飾演唱片公司保母，一同演出一段愛情與奮鬥角力的故事。
眾人互相幫忙解決聲演難題。
踏入4月，DSE開鑼，寰亞音樂MediaAsia Music與KK Box聯手「DSE 一定要得！」網上節目，歌手們以不同形式為同學們打氣、陪伴溫習、分擔壓力。首先由「寰亞孻女」黃淑蔓（Feanna）與唱作歌手陳健安打頭陣，開考前夕在寰亞音樂的YouTube Channel開Live唱歌，還即場回應留言，點唱更是有求必應。
黃淑蔓與陳健安打頭陣，在DSE開考前夕開Live唱歌，為考生打打氣。
VIDEO
觀看相關影片按連結：https://youtu.be/YP8WcFHpZmE
Feanna在2019年考DSE，當時她推出為考生打氣的歌曲《一定要得》，亦是今次節目的主題，所以由她唱此歌為節目揭開序幕。她自爆當年考試難忘事，「我考聆聽嗰日喺試場戴上耳機，聽到電台喺考試前播緊我唱嘅《一定要得》，我嚇到呆咗。」安仔問：「你身邊啲考生有冇望住你？」Feanna說：「唔知呀，我耷低頭唔敢望其他人。本來考試已經好緊張，聽到自己嘅歌就更加大壓力！」又說：「因為當年我要應付考試，所以呢首歌係我唯一一首無參與拍攝嘅MV。」而安仔最難忘考試暫住家姐屋企閉關讀書，還有媽媽的愛心靚湯打氣，感到很溫暖。
Feanna唱出打氣歌《一定要得》為節目揭開序幕。
Feanna分享當年試場突然聽到自己歌，而嚇到呆咗。
安仔則分享自己當年考試時暫住家姐屋企閉關讀書，還有媽媽的愛心靚湯打氣。
Feanna和安仔都是卡通片Chiikawa的粉絲，節目中他們選唱日語歌 《睡衣派對》，還用卡通腔，非常有趣。安仔說：「Chiikawa 就係講朋友之間嘅陪伴，希望用呢首歌去陪伴大家。我哋喺網上搵到有人填咗粵語歌詞，有幾句同考試有關，所以就唱埋。」他更帶來樂器Kazoo表演一小段助慶。期間又唱中學生洗腦歌《SAS》（sin angle sin）還做埋動作，好搞笑。除了唱歌，他們更即場回應留言，尤其點唱都有求必應。安仔將自己的歌《煉獄健身室》部份歌詞改成「自修室」和「操卷」配合主題，還讚自己有急才，Feanna在旁大笑。
兩位Chiikawa粉絲選唱日語歌 《睡衣派對》。
安仔帶來樂器Kazoo表演一小段助慶。
又唱中學生洗腦歌《SAS》。
接著整個4月，逢周一晚9至10時，Feanna邀請歌手朋友一齊開Live為考生唱歌打氣。安仔就會逢星期六晚10至11時現身「KKBOX一起聽」，化身DJ為同學們播歌傾偈，安仔說：「我會為大家揀歌，唔一定係考生，都歡迎佢哋身邊嘅家人朋友，喺我度留言點唱。」而其他寰亞歌手們則會不定時於「KKBOX一起聽」上線為考生打氣，今晚（3號）9至10時就有樂隊Nowhere Boys主音Van。
整個4月，逢周一晚9至10時，Feanna都會邀請歌手朋友一齊開Live為考生唱歌打氣。
節目結束，剛好安仔新歌《不遲不早》MV首播，Feanna、主持阿酸和樂手們一同觀賞。安仔說：「第一次同同事一齊睇MV首播，有啲害羞。」Feanna大讚他結他solo有型。安仔自爆：「因為我彈得唔叻，呢8個bar喺錄音室錄咗130幾次，足足三個鐘，多謝小彤（監製）耐心陪伴。
黃淑蔓
陳健安
