顏國樑逝世上月底最後一次受訪曾走過鬼門關談續命經過

Video Player is loading.

Current TimeÂ 0:00

DurationÂ -:-

Loaded: 0%

Stream TypeÂ LIVE

Remaining TimeÂ 0:00

娛圈事

顏國樑逝世上月底最後一次受訪曾走過鬼門關談續命經過

2024年05月26日 19:30 最後更新：05月27日 13:54

顏國樑曾續過一次命。

資深演員顏國樑今日（26日）驚傳死訊，終年71歲。顏國樑曾出演不少經典劇集，飾演角色橫跨四代，當中以《香港81》中飾演「陳積」、《真情》中飾演斬叉燒的陳大勝及《十月初五的月光》的海景叔（全海景）而為人熟悉。前年顏國樑向外界透露患上鱗狀細胞癌，並積極接受治療，上月底他與太太霍潔貞到梁思浩主持的《直播靈接觸》作嘉賓，講述續命經過。

點擊看圖輯

梁思浩今日亦有發文悼念

顏國樑曾出演不少經典劇集

上月底為顏國樑生前最後一個訪問

錄影當日顏精神尚可

太太霍潔貞透露為老公找方法續命經過

梁思浩指聽到非常感動

顏國樑當時逃出鬼門關

顏國樑在節目中出鏡當日，精神尚算飽滿。他講述年初走過鬼門關，當時入院後足足留醫半個月，並陷入昏迷狀態，當時，太太霍潔貞四出求助，希望找到方法為老公續命，霍潔貞在節目中說：「我去咗濟公廟搵廟祝，幫佢祈福。裝香、化寶、誠心求拜，佢（顏國樑）平時抄咗啲《心經》，我拎去化咗佢，總之就係做呢啲。有人提議問會唔會諗吓法科方面，我即刻諗起我娛樂圈好朋友，即刻打畀佢，8點幾，問佢有乜可以做，佢叫我第二朝一早去濟公廟裝塔香，呢15日係一個關。」最終顏國樑奇蹟蘇醒。

而梁思浩表示顏國樑要好好多謝他太太︰「嗰15日真係生死邊緣，你真係要多謝太太，真係令我好感動，佢周圍去拜託人希望你生存續到命。係太太嘅功德，所做嘅一切畀你返嚟，佢只係講咗一句『我唔捨得顏國樑』。我見到你哋咁恩愛，繼續身體健康，有第一次續命，未必有第二次。」

Tags:

直播

往下看更多文章

直播靈接觸︱藉肥媽跟亡夫故事開解喪偶煒烈梁思浩：佢有段時間唔想做人

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（3月25日）播出最後一集，請來肥媽Maria Cordero擔任壓軸嘉賓，主題為「中年好驚陰」。

昨晚節目一開始梁思浩便感激觀眾及網民支持，並宣布未夠一年時間，留言數目已超過一百萬，成績亮麗。肥媽接着登場，她提到丈夫施曉洋離世前最後一段日子，他曾吩咐肥媽要為自己燒金銀衣紙，她說︰「臨走前佢話『雖然我天主教嘅，驚無錢使。我有一日走，你記得燒嘢畀我』所以做足儀式，破地獄都做齊，仲燒咗架紙紮Harley Davidson、Kawasaki電單車、四驅車，全部一比一。另外仲有球拍、樂器，全都係佢生前嘅興趣同嗜好。」肥媽表示跟丈夫的愛很真摯，希望能替對方多做點事。在頭七回魂夜當晚，肥媽預備了丈夫最愛的提子包及叉燒飯，她說︰「第二日個麵包無咗一啖，令我覺得老公喺我身邊。」她形容丈夫像沒有離開般，在身旁守護自己，就好似有趟天氣很冷，房中兩部冷氣忽然開動，肥媽認真的說︰「我知係老公，跟住我話『唔好玩嘢呀』。」事後才知是丈夫希望啟示肥媽要保留相機、鏡頭給孫女。肥媽又透露丈夫雖已離世近5年，但二人仍然存在「聯系」。她笑言但凡在家中有什麼物件找不到時，只要憑空喝一聲，該物件就會輕鬆找到，非常神奇。

思浩自爆曾借肥媽跟亡夫的故事，令甘草演員煒烈走出喪妻陰霾。他表示跟煒烈原本不熟識，但敬重對方跟太太的情義︰「他經歷同太太10幾年癌病鬥爭，兩人依然相愛，可惜太太最後都不敵病魔。」思浩形容煒烈自此仿如失去靈魂，他說︰「佢唔返工、唔拍劇成日以淚洗面，好似行屍走肉。見到佢幾個月都係咁。」最後思浩跟煒烈講了肥媽的故事，解開對方心鎖︰「我同佢講人走咗都仲喺你身邊，你咁愛太太，如果佢企喺度望到你而家咁樣，會唔會好傷心？」思浩直言對方有段時間曾想過「唔做人」。