學神爸媽Get Set Go丨森美出動「老手爸爸四式」冧掂「䟴腳妹」袁偉豪連環搗蛋辣着張寶兒？

娛圈事

學神爸媽Get Set Go丨森美出動「老手爸爸四式」冧掂「䟴腳妹」袁偉豪連環搗蛋辣着張寶兒？

2024年06月06日 13:00 最後更新：16:48

森美還大拋湊細路心得，「好似追女仔咁！」

育兒真人騷節目《學神爸媽Get Set Go！》本周節目邀來「學神爸媽」袁偉豪、張寶兒，及「老手爸媽」森美齊齊接受連串「育兒」挑戰，並由臨床心理學博士Ming負責即場分析及點評各人表現。

點擊看圖輯

Ben出動搞搞震，森美笑佢留咗鬍鬚似賊反擊，搞到Ben大叫：「我唔係賊呀」，笑咗。

今集嘉賓繼續有袁偉豪、張寶兒。

仲有森美。

本周由臨床心理學博士Ming即場分析及點評各人表現。

「個案主角」係6歲小妹妹Kyra。

Ben同Bowie搞唔掂Kyra。

老手爸爸森美用四招成功氹掂Kyra，但唔係咁易學㗎。

Ben出動搞搞震，森美笑佢留咗鬍鬚似賊反擊，搞到Ben大叫：「我唔係賊呀」，笑咗。

Kyra雖然有啲分心，但最後都喺森美細心調教下完成任務。

Kyra難湊原因原來係專注力不足！

森美話湊小朋友就好似追女仔咁。

要Kyra坐定定寫10張毛筆字，連佢媽咪都話係地獄級難度。

地獄破壞王」Ben連環搞破壞，老婆Bowie都頂佢唔住。

臨床心理學博士Ming都話佢做咗壞榜樣。

最後一個任務到底能唔能夠成功？

今晚（6月6日）一集，「個案主角」是6歲的小妹妹Kyra。三位嘉賓首個任務是陪Kyra玩層層疊及坐定定砌好一幅拼圖，並從中找出Kyra難湊原因—專注力不足。學神爸媽Ben、Bowie率先出動，怕生保的Kyra見到兩人後不敢開口說話之餘，更不時出現䟴腳情況。之後輪到擁有21年育兒經驗的森美大哥出場，身為老手爸爸的森美以「氹細路四招」—「扮搵人」、「扮唔識」、「搞氣氛玩互動」及「事後檢討」成功氹掂Kyra，Ben見狀即化身「魔鬼」搞破壞企圖干擾森美，但卻反被森美笑言似賊：「有鬍鬚嗰個哥哥似唔似賊呀！」再輸一仗，相當搞笑。

最終，完美完成首個任務的森美，大方分享湊細路心得：「小朋友好得意，你以為問佢佢就會答？其實唔係，要問得啱、啱情緒、啱時間、啱氣氛，要好似追女仔咁樣！」

第二個任務是要專注力不足的Kyra寫好10張毛筆字以及不能出界，難度連Kyra媽咪也大嘆是地獄級。率先出動的森美，即使出動「美食誘惑」，也只氹到不斷嗌攰的Kyra寫好2張毛筆字；之後輪到Ben、Bowie上陣，好不容易等到Kyra只差一張毛筆字便完成任務，「地獄破壞王」Ben卻在此時又搞亂檔說：「好嘢，可以去食嘢！」Bowie聞言扮「嬲豬」謂：「佢仲有一張喎，淨係顧住食嘢！

此時，Ben再度錯誤示範：「我幫佢完成埋佢。」就連臨床心理學博士Ming，亦指阿Ben做法不恰當：「（Ben）做緊啲唔好榜樣（意指家長不應代小朋友完成功課／任務）！」三位嘉賓的終極任務，是要陪Kyra吃東西時防止她做出「擘大腳」、「䟴腳」及「用手或衫抹嘴」三個壞習慣，到底他們最終能否完成任務？密切留意今晚一集《學神爸媽Get Set Go！》。

往下看更多文章

中年好聲音3｜黃博孖林智樂超靚聲和音掀開序幕劉洋黃洛妍合唱被笑似「史力加談戀愛」

《香港何濟公止痛退熱散呈獻：中年好聲音3》本周日（4月20日）晚8點翡翠台播出新一集，由車婉婉擔任主持，評審團除了固定班底肥媽、張佳添、周國豐，還有音樂女神海兒以及森美擔任嘉賓評審，見證9強誕生。

本回合主題是「聲夢合唱」，10位參賽者將各自與一名「聲夢」畢業生合唱，演出歌單如下：劉洋／黃洛妍《你那麼愛她》、陳芷盈／何晉樂《誰明浪子心》、王鄭浚仁／趙小婷《美麗的神話》、李金凱／冼靖峰《甲乙丙丁》、占士丁丁／劉芷君《Endless love》、曹越／詹天文《我不離開》、趙浚承／潘靜文《你最珍貴》、張與辰／姚焯菲《許願》、黃博／林智樂《來夜方長》、善玥澄／彭家賢《芳華絕代》。

本周焦點組合，絕對是兩大魔王級組合合唱，分別是本季大熱黃博與有「寶藏新人王」之稱的林智樂Felix，以及兩大實力唱將劉洋及黃洛妍Janees。自封表演是「輕飄飄的歌劇」的黃博及Felix，一開場便各自以超靚聲大玩和音，噱頭十足，Felix出賽前更直指希望可以為「高分王」黃博爭取首個100分。對於二人演出，森美一度被觸動至眼泛淚光，他給予評語時說：「你第一句嘅時候我眼淚爭啲流喇」，至於肥媽亦肯定了二人的靚聲度：「兩個獨自把聲係好靚嘅。」

至於同有「大魔王」美名、被譽「大炮型組合」的劉洋及Janees，則意外因為劉洋的怕醜搶去了評審們注意及焦點，肥媽：「劉洋有啲怕醜，佢都唔夠膽直視Janees，唔好怕醜啦，捉住隻手喇嘛」，張佳添：「佢一對住女仔唱歌時，好似史力加談戀愛咁。」對嚇至僵直的劉洋看不過眼的婉婉，最後更索性教劉洋應如何拖女仔，場面搞笑。至於森美，則自封是劉洋粉，並謂很期待現場看他唱live：「我好渴望live睇佢一次，呢個組合辛苦嘅地方，係因為感覺到兩個都有實力，所以大家都要搵個位放柔番係困難嘅。」

而張與辰與「甜美小公主」姚焯菲Chantel雖然年齡差了一大截，但二人唱出來的《許願》卻異常地有愛情感及火花，配合Chantel近乎無敵的甜美笑容，二人獲得近乎一致好評，肥媽開心到搞爛gag：「好好聽，佢哋係牛油果油溝橄欖油。」張佳添「我feel到有啲真愛喺裏面。」森美笑言投入到一度忘了身邊坐的是肥媽，故回過神來看清事實後一度「嚇醒」，笑爆全場！至於出名手緊的周國豐，亦難得給予高度評價：「淨係聽聲，一路令我信服你哋係一對戀人。你哋每人都要處理好多和音部分，但你哋兩個都處理得好好，暫時為止係今晚表現最好嘅一對！」車婉婉聞言即忍不住寸嘴：「喺周國豐老師冷血嘅世界，係好少咁樣讚人！」