森美憶起爸爸背影,並百分百體會到當父親心情。
飲食節目《鄰住買好嘢至抵食特約︰美食新聞報道》今晚(2月10日)的「星級飯腳」請來森美擔任嘉賓,他先帶蔡景行(行仔)到深水埗,重遊跟太太陳雅嫻拍拖時光顧過的麵店。森美表示此店提供免費醃蘿蔔非常開胃,蝦籽撈麵、蠔油冬菇及牛腩牛筋是每次必食。森美笑言首次幫襯,反而是太太帶路,他說︰「嗰時同太太仲拍緊拖,有一日佢話帶我去深水埗食嘢,一個女仔會同你去深水埗,呢啲女仔好呀,直情可以託付終生。」
今集「星級飯腳」嘉賓為森美。
森美同太太拍拖經常光顧深水埗一間麵檔。
森美同太太拍拖經常光顧深水埗一間麵檔。
森美跟太太陳雅嫻不時在社交平台放閃。
森美跟太太陳雅嫻不時在社交平台放閃。
森美跟太太陳雅嫻不時在社交平台放閃。
接住二人來到九龍城一間集茶餐廳與打邊爐於一身的食肆,當年杜琪峯執導電影《PTU》亦曾在此取景。森美自言與此店淵源始於中學時代,是自己跟同學仔的「飯堂」,除了提供學生午市優惠外,還有一鬼馬原因︰「食完之後就會到隔籬街食埋豆腐花,因為好多女學生都會幫襯。」又提到中學時期跟爸爸的一段往事,爸爸駕的士載森美到九龍塘考中學,途中汽車爆軚又下着傾盆大雨,當時情況非常狼狽︰「爸爸驚我趕唔切考試,用膠袋笠住個頭拆咗條軚,推上斜路間軚舖修補,望住爸爸背脊好感動。」
森美帶行仔到九龍城食「學生餐」。
森美帶行仔到九龍城食「學生餐」。
餐廳由九龍城寨開業至今,已傳承到第三代。
森美中學畢業於九龍塘一老牌名校。
到近日森美囝囝出國留學,他更百分百體會到當父親的心情,語調亦變得哽咽︰「囝囝臨去英國讀書前,自己好唔捨得,車咗佢去海邊……」說話間已眼泛淚光,不斷用紙巾拭淚卻不忘自嘲︰「拍戲要喊就喊唔到……之後我打電話畀爸爸,話而家終於明白嗰時你送我去學校,唔捨得嘅感覺。」
森美回想父親帶自己考學校及談到兒子出國讀書。
森美回想父親帶自己考學校及談到兒子出國讀書。
森美回想父親帶自己考學校及談到兒子出國讀書。
森美講起囝囝出國升學時語帶哽咽。
森美講起囝囝出國升學時語帶哽咽。
此外,拍攝中發生小插曲,行仔原本點了墨丸、牛丸河粉,最後卻變成淨魚蛋、牛丸,抵死的森美打趣說︰「唏,學生餐係咁㗎喇,唔好咁多要求。」
沙嗲星級牛肉麵、雙丸麵。
沙嗲星級牛肉麵、雙丸麵。
「星級飯腳」請來唱作歌手林奕匡擔任嘉賓
由一班靚仔靚女倪嘉雯(Carmen)、黃嘉雯(Carmaney)、王嘉慧(Cathy)、廖慧儀(Jessica)、伍倩彤(Gillian),蔡景行(行仔)、范莎莎(Zaza)等主持的飲食節目《鄰住買好嘢至抵食特約︰美食新聞報道》。將逢周一、二及周四、五晚上8點於TVB Plus(82台)播映。今晚(17日)推出全新環節「廚師發辦」,首集請來名廚陳國強擔任嘉賓。他曾任米芝蓮一星餐廳行政總廚,贏過中餐世界錦標賽團體賽總冠軍。平常人都有一個疑問「廚師是否特別識食」,陳國強為我們提供答案︰「對我嚟講廚師應該係好識得享受食物,同埋選料、選食材應該好嚴謹。」
米芝蓮大廚陳國強帶黃嘉雯到尖沙咀搵食。
今集陳國強發辦帶黃嘉雯(Carmaney)到尖沙咀搵食,首站茶餐廳看似平平無奇,事實是老闆榕哥自創的陳皮燒鵝,賣到街知巷聞。陳國強點了原隻燒鵝髀拼叉燒飯,他解釋︰「靚嘅燒鵝要做到皮脆、肉嫩多汁,免切可以鎖住肉汁,陳皮可以解膩提香,老闆用嘅係十年新會陳皮。」面對美食Carmaney不顧儀態,大口咬鵝髀,雖然吃到滿口油,卻顯得大滿足。陳國強對叉燒除要求肥瘦勻稱外,還要「多汁、飽滿及不會過分鮮紅」。接下二人來到一間潮州菜館,陳國強說︰「正宗潮州菜館,一定要有冷檔有齊滷水檔、凍魚、凍蟹檔,畀你一眼睇晒邊樣好食。」今次推介的潮州魚飯,用料有別於大眼雞或烏頭,起用名貴的金目鯛,貪其肉質嫩滑,蠔餅則加入九肚魚成為一道精緻手工菜。
黃嘉雯為嚐美食完全放棄儀態。
餐廳老闆兼大廚榕哥開創陳皮燒鵝。
原隻燒鵝髀拼叉燒飯
靚叉燒要具備「多汁、飽滿、不會過份鮮紅」。
米芝蓮大廚陳國認為正宗潮州菜館要有「冷檔」。
黃嘉雯吃得津津有味。
潮州魚飯
滷水鵝片拼鵝肝
九肚魚蠔餅
明晚(18日)「星級飯腳」請來唱作歌手林奕匡擔任嘉賓,行仔對他的作品《高山低谷》、《一雙手》、《安徒生的錯》如數家珍,明顯是一名忠實粉絲。二人來到太平山頂,重遊林奕匡跟太太拍拖時常到的餐廳,他說︰「嗰時仲同太太拍拖,佢帶我嚟過呢間餐廳食飯。以後凡有周年紀念好似大家嘅生日都會嚟。」林奕匡自爆由細到大都鍾情食蝦,殊不知近年竟然出現敏感,他說︰「食蝦敏感係近幾年嘅事,仲係時有時無,但最近嚴重咗。」雖然如此林奕匡依然點了兩款有蝦的菜式︰甜辣乒乓蝦、炭燒魚柳及鮮蝦配茉莉香飯及檸檬牛油汁,可算是「拚死食蝦」。節目中發現彼此的飲食習慣相近,行仔笑言躍升成為林奕匡飲食及音樂上知音友。
明晚「星級飯腳」是唱作歌手林奕匡。
林奕匡介紹的餐廳跟太太拍拖時經常幫襯。
近年林奕匡對蝦出現敏感。
甜辣乒乓蝦
炭燒魚柳及鮮蝦配茉莉香飯及檸檬牛油汁
林奕匡發現跟行仔飲食習慣相近。
牛油果蛋卷
特色肉腸、煙肉、火腿薄餅
意式檸檬白酒汁燴雞肉扁意大利粉