恭喜發財！寰亞歌手梁釗峰與樂隊Nowhereboys Boys主音陳維諾（Van）和結他手林宇翔（Ken）、「長腿小師妹」連家穎（Vian）和演員洪瑞珙，以自己的名字融入祝福語互相拜年，個個玩「食字」創意十足，更掀起哄堂大笑，寓意新年人人歡樂，笑口常開！
釗峰與樂隊Nowhereboys Boys主音Van和結他手Ken、「長腿小師妹」Vian和演員洪瑞珙齊齊向大家拜年。
首先是結他手Ken說：「我林宇翔祝各位『腸』（翔）道健康！」身旁Van笑到氣咳，援一援才能繼續：「我陳維諾祝大家『樂』（諾）也洋洋！」Vian說：「我連家穎祝大家『年年』（連）有餘！」身為師兄的釗峰示範一字多用，「我梁釗峰祝大家『超』（釗）美滿、超幸福，蛇年大豐收！」壓軸的阿珙最得戚，因為他全名三個字都充滿喜慶，「我洪瑞珙祝大家『鴻』（洪）運當頭、靈蛇獻『瑞』、福星『拱』（珙）照！」全場掌聲。
點擊看圖輯
釗峰與樂隊Nowhereboys Boys主音Van和結他手Ken、「長腿小師妹」Vian和演員洪瑞珙齊齊向大家拜年。
洪瑞珙、釗峰、Vian、Van、Ken齊以以自己的名字融入祝福語互相拜年。
洪瑞珙、釗峰、Vian、Van、Ken齊以以自己的名字融入祝福語互相拜年。
新界村民Ken農曆新年特別多傳統習俗，他說：「其中一樣，每年踏入大年初一全村一齊拜土地公公，所有村民都同一時間去同一個寺廟拜土地，然後村民互相拜年，好熱鬧、好開心。」Van表示每年大年初一與家人登山迎新年，他說：「行山係我屋企嘅習俗，出發前會食好多糕，而我屋企興食蘿蔔糕點蠔油，細個以為人哋都係咁，長大後先知道只有我屋企人係咁樣食！」眾人表示驚訝。
Van透露每年大年初一與家人登山迎新年。
Ken分享新界農曆新年傳統習俗。
小師妹Vian自爆每年家人整蘿蔔糕時，她都負責搗亂，「每年我都係負責切蘿蔔絲，但我會一邊一邊偷食，試味，經我手通常無咗一半！」釗峰雖然家裏沒有特別習俗，但他初一第一件事就是向父母拜年，重點是?利是，笑說：「收利是一刻好幸福，感受到父母滿滿嘅心意。」胖胖的阿珙坦言家中習俗與食有關，他說：「我屋企新年會炸好多肉丸，而且會以不同形狀呈現變成不同菜式，食落其實係一樣，好搞笑！」
Vian自爆每年家人整蘿蔔糕時都會搗亂。
樂隊Nowhere Boys五子在復活節假期最後一日（4月21）到旺角T.O.P商場舉行Mini Live，為新歌《給失敗者的一封信》進行宣傳。雖說是Mini Live，但Nowhere Boys一共準備了九首歌與在場樂迷分享，更邀請了兩隊年輕的Busker擔任嘉賓，與他們一起分享舞台。
Nowhere Boys在復活節假期最後一日到旺角商場舉行Mini Live。
並邀請了兩隊年輕的Busker擔任嘉賓。
主音阿Van說：「今日搵咗兩隊busker上台表演，其中一隊1AMJAM，仲唱咗我哋嘅新歌《給失敗者的一封信》，佢哋仲重新編曲，我冇諗過首歌可以咁chill，最終我哋都忍唔住，逐個走埋去同佢哋一齊jam，尤其開場前我幫其中一位成員孭起支結他嘅時候，突然有一種傳承嘅感覺。」
主音阿Van
到Nowhere Boys正式出場，他們連串唱出多首經典作品，包括《我們的航海時代》、《放飛之旅》、《票房毒藥》、《地心吸力》以及《地球候機室》，替在場樂迷熱身，接著唱出輕快作品《掹藤》，全場一起歡呼跟著唱，將現場氣氛推上高峰，阿Van續說：「今日最大感受最好玩嘅歌係《掹藤》，開場一連幾首慢歌，當一唱《掹藤》，現場嘅energy好大，我feel到成個商場都震，有一種去咗紅館開show嘅感覺，所以好開心。」
唱出多首經典作品
唱出多首經典作品。
接著唱出《我們的移動城堡》、新歌《給失敗者的一封信》以及壓軸的《天外飛仙》，樂迷興奮得不斷揈毛巾，就連Nowhere Boys底音結他手Hansun的4歲囡囡Eunice，也跟着音樂起舞。場內氣氛高漲，樂迷跟本唔捨得走，不斷嗌encore，最後Nowhere Boys額外送上《無處遊人》，為Mini Live劃上完美句號，「今日算係acoustic嘅演出，但我哋首新歌《給失敗者的一封信》太重型，當要用木結他去演繹，需要重新編曲，保持番佢原有嘅energy同時，又不失acoustic嘅感覺，其他歌都係，今日最後玩咗十首歌，但呢個都係我哋最擅長，喺冇電腦、冇program底下，用大家手上嘅樂器、用人聲造出聲效，用最真嘅聲音去演繹。」
Hansun的4歲囡囡Eunice都跟着音樂起舞。
樂迷逼爆商場。
不斷嗌encore。
提到近日Beyond成員黃貫中在社交網站發文，感謝Nowhere Boys結他手阿Ken，幫他尋回並維修已失去超過三十年的結他，阿Ken解釋在他發現、維修、物歸原主這個長達一年半的過程，彷彿一切都是冥冥之中，「支結他係我一個同我夾開band嘅村民俾我，但送到我手嘅時候已經好多零件壞晒，連螺絲都甩埋，即使我學過整結他，但呢支估計喺1987年出產嘅Steinberger結他，裡面嘅零件我當年冇學過，最後好好彩搵到間廠肯同我重新生產，但啲零件寄到嚟，我都唔識整，要再花好長時間上網搵呢支結他嘅設計圖，再搵師傅整咗四個月。」
黃貫中日前發文感謝Nowhere Boys結他手阿Ken，幫他尋回並維修已失去超過三十年的結他。
阿Ken解釋在他發現、維修、物歸原主這個長達一年半的過程。
雖然重新更換了零件，但結他的音色還未達標，阿Ken坦言心裡很著急，他希望Nowhere Boys可以與阿Paul的結他做一個紀錄，即使音色未盡完美，阿Ken最後還是將這支結他，帶到五子去年十月在西九舉行《US》演唱會的尾場，阿Ken攞起阿Paul的結他上台彈奏《推石頭的人》以及《逃出阿卡拉》，而身為Beyond歌迷的他，更唱出Beyond作品《海闊天空》。
阿Ken（右一）
阿Ken說：「我當日學結他都因為Beyond，好清楚一支結他對結他手有幾咁重要，所以我花咗好長時間再幫支結他調音，希望可以喺阿Paul三月三十一日生日之前，將支結他交番俾佢，因為好多Beyond嘅經典作品，都係用呢支結他彈出嚟，所以能夠完成呢件事，我覺得好感動。」
Nowhere Boys與粉絲合照
Nowhere Boys與粉絲合照
