一名疑腦退化婆婆搭巴士時不斷「口噏噏」，身旁丈夫怕她滋擾到其他乘客，於是伸出自己的手讓婆婆狂搣，更溫柔道：「乖啦，靜靜地搣我啦」，影片令人睇到「眼濕濕」。
Thread截圖
婆婆疑患腦退化 老伴伸手任搣免擾巴士乘客
「無論是順境或是逆境，富有或貧窮，健康或疾病，我將永遠愛你、珍惜你直到永遠」這段結婚誓詞，近日在一段網民分享的影片中得到了最真實的詮釋。有網民於社交平台發文，表示日前搭巴士時，遇見一位疑似患有腦退化症的婆婆在巴士上不斷地喃喃自語，在旁的老伴生怕婆婆發出的聲音滋擾到其他乘客，於是溫柔地對她說：「妳靜少少，妳搣我啦，唔好吵到人呀」，然後伸出自己的手掌，任由婆婆不停地搣。
Thread截圖
老伴強忍痛楚 用行動守護婆婆
樓主於是拿出手機拍下這催淚的一幕，影片中，白髮蒼蒼的婆婆不斷用手大力揉捏一旁老伴的手掌，老伴疑不堪其用力過度更縮了一下，但仍繼續忍痛讓婆婆搣手。樓主感動表示「個伯伯真係唔怕痛咁，由得個婆婆搣佢，仲同婆婆講：『乖啦，靜靜地搣我啦』。全程車伯伯都企係婆婆隔離陪佢，真係好有愛（涙），當另一半連嘢都講唔到嘅時候，你都仲願意陪佢」。
Thread截圖
網民感動落淚 稱讚真愛
影片引熱議，有網民表示「應該係腦退化症，我婆婆都係咁，手要不停搞嘢，口唔停ee er er」；畫面亦令網民動容「睇到眼濕濕」、「我都希望老咗時，我的老公像伯伯一樣」、「呢d先叫真愛，希望我老公老左都似呢個伯伯咁」、「好sweet!希望佢地健健康康」、「有洋蔥⋯呢啲真正做到婚姻誓詞嘅野」、「難能可貴嘅真愛，不離不棄陪伴處對方」。
示意圖片
帖文來源：thread
