借錢黨一直活躍，而近日屯門街坊發現，兩名睡衣少女周街問人借5蚊搭巴士。帖文本想引起街坊注意，但網民都紛紛調侃「少女起碼畀5舊啦」！
示意圖
少女周圍問人拎5蚊搭巴
Facebook群組「屯門友」早前有網民上載兩名年輕女子的背影圖片，並指「下午4時於（屯門）兆康輕鐵站，圖中兩位著睡衫上衣少女周圍問人拎5蚊搭巴士，佢問我，我話無，佢哋就行返入商場，睇衣著外型似住附近」。
FB圖片
身穿睡衣短衫短褲
照片隔著輕鐵站拍攝，可見兩名啡髮女子穿上一藍一黃疑似睡衣，下身穿灰色短褲，其中一人疑穿拖鞋，邊行邊用手機；輕鐵站及路上周圍有其他行人。
網民：居然仲有呢啲
網民見到帖文後熱議，紛紛笑「居然仲有呢啲」、「5蚊有咩巴士搭」、「籌旗夾公仔」；但同時有網友質疑「有錢染髮無錢坐巴士？ 唔係啊？」、「一人比$5，好快夠錢買包煙」、「應該同佢報警處理」、「1毫子都唔俾，唔好怪黑心冷血，點知佢人定鬼？」、「總之各位要小心啦，呢期好多人周圍問人攞錢呀」。
示意圖
網民調侃「起碼畀5舊啦！」
當然，亦有網民見是少女，馬上轉軚，笑言「如果問我，起碼畀5舊啦！」、「做個朋友先」、「請埋佢早午晚三餐交個友也不錯，她缺錢我缺女友，一拍即合，哈哈」、「哎呀琴日錯過咗今日去碰下運氣先」、「少女問拎五蚊同大媽問拎五蚊 可以爭好遠」。
示意圖
近日有的士司機在社交平台Threads發文，指自己在車內執到乘客遺落的電話，她及時聯繫對方約定時間地點歸還，但對方卻多次修改地點，令她不禁苦呻「下次不要做好人」！
的士司機主動歸還遺落電話
Getty圖片
的士司機在社交平台Threads以「好人其實很難做」為題發文，指在的士內執到客人遺落的電話，「我只係唔想人哋冇咗啲資料！」。
當事人帖文截圖圖片
以為乘客打算旅行 約在機場交收
的士司機與對方取得聯繫，本約在機場交收。她以為乘客打算旅行，「冒住抄牌危險係（喺）落客區等咗十幾分鐘」，但對方仍未出現。
Getty圖片
入唔到禁區 再改荃灣交收
及後乘客再聯絡樓主，才知道對方在機場停車場。但樓主指自己「入唔到」，再改為荃灣交收。隨後樓主到達指定地點後，等到下午1點，收到乘客打來的電話詢問「我個電話依家係（喺）邊呀」。
交收地點一改再改
樓主無奈從瑪嘉烈醫院趕往荃灣老圍將電話交還失主。她指「搞到一日都做唔到生意」。而對方「都識做，俾咗六十大元氣錢我」。但樓主仍然不滿地表示「我真係好討厭約人咗改又改，仲要似我欠咗佢咁」。
樓主火遮眼：下次不要做好人
樓主表示「只係唔想人哋冇咗啲資料」，更一時火遮眼地大呻，「下次不要做好人，扔咗郵箱好過」。
Getty圖片
網民稱讚的士司機熱心 批評乘客不厚道
不少網民了解事情後，紛紛在下方留言稱讚她熱心，又批評乘客數度修改時間地點「不厚道」，「感覺失主好無禮貌」、「你太好人啦」、「咁無品，將心比心，自己大意麻煩到人」、「只係你做得太好，太會為人著想，好人有好報」。
的士司機：會繼續服務社會
亦都有網民表示「不要因為依啲xx而改變自己善良嘅心，做好事福係積落自己到」。樓主認同此說法，並表示「會繼續做一個好司機，繼續服務社會，祝大家身體健康！」。
