Band 2水平女兒意外獲派Band 1中學 港媽最後咁決定引網民爭議

日前小學升中派位公布，得知結果後的學生和家長有喜有悲。有港媽發文分享，指街坊的女兒只有Band 2水平卻意外地被派獲Band 1中學，母親得知後即帶阿女往Band 2中學叩門，令她感到震撼！

教育局。政府新聞網圖片

街坊感意外：明明排到四十幾嘅點會派中

9日教育局公布小學升中派位結果，有港媽於社交平台Threads發帖，說她聽聞有街坊的女兒只有Band 2的水平，但卻出乎意料地被派往Band 1 中學，該名女兒的母親得知後，甚感意外，更擔憂得哭了出來，因為已將該學校刻意排到很後的志願，「家長覺得莫名其妙，明明排到四十幾嘅學校點解會派中咗」。

打算帶女兒到Band 2學校叩門

其後此名母親打算帶女兒到Band 2學校叩門，並指不想女兒讀得太辛苦。樓主表示「第一次見到因為派太好嘅家長喊，見識少被震撼到，呢個女有個好媽媽！祝你哋叩門成功。」她認為此位媽媽是因為愛惜女兒才會做出此決定，不過料冷靜過後可能會有其它打算。

資料圖片

網民支持：媽媽嘅選擇係明智！ 

帖文一出即引來網民熱議，不少網民都同意樓主看法，支持街坊的決定「我覺得媽媽嘅選擇係明智！ 如果清楚知道個女會跟唔上，俾佢讀Band 2會好好多」、「我覺得要尊重個女意願但睇得出好錫個女」、「我仔嗰班嘅同學仔又係咁，B2尾派咗去B1校，佢諗住叩返原本想報嗰間，怕個女讀唔掂，驚佢讀得辛苦」。

資料圖片

有網民擔心：Band 2至3考入大學真係難好多

不過亦有網民認為街坊應該讓女兒嘗試一下先「Band 1賣點係學習氣氛，敎學環境，成績都係次要」，「既然都派咗，點解唔嘗試下先？Band 1唔啱可以轉返出去，但Band 2至3考入Band 1甚至大學真係難好多」。亦有網民指出Band 1中學也分很多水平，「有啲Band 1A太勁，所以冇人敢揀」、「前兩年，聽過B3派1A」，樓主則表示街坊的女兒派入的中學屬「Band 1A」。

示意圖 

CCTV曝光旺角大廈內出現一名陌生男子，徘徊在各層走廊足5小時，其間偷聞和偷走住戶放在走廊的鞋履。有住戶報案，警察到場後卻無所獲。

旺角大廈出現「聞鞋」怪男

有旺角某大廈的住戶於Facebook群組「香港突發事故報料區」發文，指早前發現有陌生男子在住宅門外偷聞和偷走鞋履，並公開閉路電視片段，提醒居民小心防範。

FB圖片

男子聞鞋更做出許多詭異動作

片段顯示，一名戴眼鏡、肩上揹著一袋東西的男子從升降機步出，轉向右邊的單位，低頭觀察地面的兩對深色皮鞋。男子多次撿起皮鞋查看，將鞋底拿近面部「聞鞋」，聞到「索索聲」。隨後，他到對面單位，重複同樣動作，之後拿出紙巾抹鼻涕，又低頭查看電話。整個過程約持續約分半鐘，最後男子乘同一升降機離開，期間疑似發現閉路電視鏡頭。

FB影片截圖

徘徊大廈5小時疑偷鞋 與警察擦身而過

樓主表示「佢在大廈徘徊了五個小時⋯ 全部鞋都畀佢著到鬆曬」。因為有住戶發現放在門外的鞋不翼而飛於是報案，可惜警察到場時，竟與男子擦身而過，最終未能將男子拘捕「真係有咁啱得咁橋， 佢離開大廈時， 咁啱警察到場， 係佢開門畀警察進入大廈添(看更收咗工)， 警察冇理佢佢又好淡定咁離開，高手！」

FB影片截圖

網民：「好變態！」

帖文引熱議，有網民表示「個樣斯斯文文，真係估佢唔到」、「一睇就知道變態」、「個cam都幾清！好變態！」、「係唔係緝毒犬？」、「如果係白卡，其實報警已冇用」、「佢應該隻隻都奶下佢，咁先試得真」、「似係追求咸魚蝦醬嗰種咸鮮風味」、「佢知唔知道有CCTV呢樣產品㗎」。有眼利網民則指「鞋帶都冇綁，可能都系偷返嚟」。

FB影片截圖

帖文來源：Facebook群組「香港突發事故報料區」