「柱男」出沒天水圍輕鐵站 熊抱路柱狂舔引網民直呼嘔心

天水圍有「柱男」出沒！一名男子被拍到於輕鐵站熊抱一條路柱忘我狂舔。離奇畫面令網民高呼嘔心！

FB影片截圖

輕鐵站後生仔狂舔路柱

近日，一段長約14秒的影片在網上瘋傳，引發熱議。事發地點為天水圍輕鐵站路軌對出的馬路口位置，影片顯示一名揹著黑色背囊的後生仔，半蹲式熊抱著一條路柱，更由下而上不斷地狂舔柱。後生仔如入無人之境般蠕動着身體，他舔完中間，再舔右邊，然後到左邊，既深情又忘我。當他發現有人拍攝時，驚呆地看着鏡頭，影片至此結束。

FB影片截圖

網民猜「戀柱癖」直斥嘔心

影片引熱議，不少網民對男子的行為感到驚訝及反感：「好癲」、「戀柱癖？好嘔心！」、「嘩咩料，好核突，鄧佢阿媽傷心」、「究竟佢經歷咗d咩會有呢啲行為」、「佢係咪有咩傳染病想傳染畀大家」、「有x病，仲係病得好x交關添」、「鬼上身定撞邪」。

FB影片截圖

網民留言引笑彈

有人則笑言「中左：我愛一碌葛喎」、「好似馬車」、「光頭bob朋友？」、「一個人原來都可以盡興」、「一段偉大愛情故事」、「滿滿鐵銹味！好過食生蠔」、「睇嚟佢咁樣攝取鐵質法，身體應該都好虛弱」、「佢都係幫政府做清潔啫」、「阿嫂棟咗喺到咁耐，終於等到佢嘅愛人返嚟」。

FB影片截圖

帖文來源：Facebook

不少大人小朋友都鍾意玩冒險樂園的「掟彩虹」，但此遊戲曾多次引起爭議！日前有網民在社交平台發文，指在大埔分店玩「掟彩虹」，卻被店員判「唔中」他意氣難平，上載相片希望網友可以一齊評評理！

樓主PO斜角照難以判斷

網友所上載的相片所見，他掟的代幣幾乎落在藍圈大獎範圍內，但卻被職員判「唔中」，於是樓主影了多張不同角度的相片，但張張都是斜線角度拍下的，沒有一張是高空全視覺的。讓網民難以下判斷，惹來爭議。

有網民力撐：個職員要驗眼啦

有不少網民都為樓主抱打不平，留言支持「有冇搞錯」、「報得警」、「邊間？叫職員自己放個中嘅睇吓」、「全中喎，個職員要驗眼啦」、「叫佢影比你睇點唔中，叫埋經理。」有網民就覺得該名職員太過嚴格，質疑：「其實中大獎每月係咪有數，如果唔係點解要咁手緊？」

亦有人覺掂界：要驗眼的係你

不過亦有網民認為，由相片所見代幣確實碰到黑色底界，表示：「底線砸界」、「係唔中，職員可以不用驗眼，要驗眼的係你」、「垂直影落去，應該變砸界」、「應該掂好少，真係睇佢放唔放你」。

樓主：叫職員再擺過都是砸界

其後樓主回覆網民的詢問，表示他未有報警就已離開了，而職員亦表示可致電公司熱線投訴。樓主解釋「佢(職員)用佢部手機影，底界掂咗少少！我叫佢放個唔掂界嘅俾(畀)我睇，佢放咗，(但)都係掂到界」。即是再叫職員示範如何放代幣不掂界，但都是不成功！