黃明德24小時無間斷Busking挑戰 獲Gin Lee親手沖蜜糖水勁sweet

黃明德零晨擘大眼斷片：「究竟我喺邊度？」

唱作歌手黃明德（Dark）於銅鑼灣時代廣場對出的英皇娛樂期間限定概念店0 e:ffect Concept Store，舉行的「黃明德挑戰24小時無間段Busking之得唔得㗎？」昨日（10月13日）圓滿結束。Dark由前日（12日）下午四時開始，無間斷Busking至昨日下午四時，期間更獲Gin Lee李幸倪、鄧小巧、黎展峯（Andy）、曾傲棐（Arvin）、海兒（Hedy）、EG、姜檸樂、力臻、雞翼@JFFT、Calvin Sir、傑少、KKBOX第六屆校園大使、Tim、十冰、Emiko及Charlie共十六個歌手、KOL單位來撐場。

唱作歌手黃明德（Dark）挑戰24小時無間段Busking。

當真正開始挑戰時，原來不是Dark想的那麼輕鬆！

Dark表示一知道這個挑戰的消息時，沒甚壓力，因為覺得自己還年輕，而且十五、六歲時不時都通宵打機不睡覺，亦試過連續八小時Busking，覺得「碎料」一單，但當真正開始挑戰時，原來不是那麼輕鬆，「一開頭啲時間好似過得好快，因為一個嘉賓接一個嘉賓，輕鬆啦。但去到零晨兩點打後我開始眼瞓，EG同傑少走咗之後，中間有段時間係我自己一個人，然後就係Andy。而家諗番起我同Andy嗰五個鐘嘅記憶我係冇乜，嗰陣時我喺度諗：『做緊乜嘢？我係咪發緊夢呀？究竟我喺邊度？』好似失去清醒嘅狀態。」雖然記憶模糊，但他十分感激Andy，「佢零晨五點嚟到，買咗好多嘢食俾我，好有義氣同我捱咗五個鐘，好多謝佢。」除了Andy，他亦感激壓軸來陪他渡過「最後時間」的師姐Gin，「師姐Gin特登沖蜜糖水俾我，佢親自調較溫度，真係好多謝佢，好sweet。」

獲師姐Gin Lee力撐！

Dark續說：「期間唔知係咪緊張呢，個胃開始唔舒服，胃抽筋，但真心覺得自己一定要完成佢，唔衰得，最後順利完成挑戰。亦都唔知係咪同星座有關呢，因為獅子座有「不甘心」嘅底蘊，當經埋人同我講話可以放棄時，我就喺度諗放棄都幾難睇，完成唔到唔甘心呀。我一定做到！要撐到最後。」除了胃抽筋，失聲亦令Dark十分困擾，「因為之前病咗，咳得太多失咗聲，開始呢個challenge之前啱啱好番少少，加上我平時講嘢好唔愛惜聲帶，唔去control自己去叫。經過今次之後，小巧、Hedy、Calvin sir同埋Gin，所有人都同我講：『你講少啲嘢啦、你靜啲啦。』Arvin都有留意：『其實你講嘢真係唔使咁大聲。』」亦因為失聲，他亦有一番新的領悟，「唱歌係我由細到大，唯一一樣覺得自己係good at嘅一樣嘢，但突然間冇咗，就令到我覺得就算你幾依賴，總有一日會冇，即使嗰樣嘢好似同你出生入死。」

鄧小巧

黎展峯（Andy）

Challenge的難關一一捱過，Dark謂倒數最後一小時是最興奮，「其實去到第二日最後兩、三個鍾已經開始有啲唔捨得，見到條街企滿晒人嚟支持，同埋有十幾個fans真係喺條街陪足我廿四個鐘，真係好多謝佢哋。到最後一個鐘，見到一直擺喺度嘅計時器得番『分鐘』嗰邊有數字，我係由心而發嗰種叫出嚟！終於得返五十九分鐘！最後嗰十秒大家一齊倒數，當個鐘跳到零，嗰刻真係有啲想喊出嚟，估唔到咁多人陪住我，亦都估唔到自己個感受係咁大、咁感觸。」問到完成挑戰後最想做甚麼，Dark即謂：「第一時間最想同fans影相，影完相就pack好晒啲嘢嗱嗱臨返屋企瞓覺，我好掛住屋企張床。」

曾傲棐（Arvin）

海兒（Hedy）

確保獎項的公平性。

新城廣播有限公司自馬浚偉擔任首席營運總監以來，不斷進行優化提升，特別為了籌備今年12月28日舉行的《新城勁爆頒獎禮》。馬浚偉計劃將此次頒獎禮打造成「樂壇金像獎」，據知今年獎項將大量縮減，一洗過往「人人有份 皆大歡喜」模式。

馬浚偉希望把新城頒獎禮打造成「樂壇金像獎」。

馬浚偉早前出席活動時，已透露過今年《新城勁爆頒獎禮》破天荒安排在下午三時舉行，絕對是前所未有。針對今年的頒獎禮，馬浚偉決心整頓評選機制，確保獎項的公平性，決意癈除「分豬肉」的風氣。消息透露今年「勁爆男女歌手」的獎項競爭將更加激烈，勢必是實至名歸的認可。另外，今年的頒獎禮還新增設了「最高榮譽大獎」及「十大卓越歌手獎」，入圍「十大卓越歌手獎」的歌手將有機會競逐「勁爆男女歌手獎」。

有傳近期新城廣播流出競逐「勁爆男女歌手」的提名名單，包括張敬軒、林家謙、張天賦、馮允謙、林奕匡、陳卓賢、姜濤、曾比特、盧瀚霆、呂爵安；而女歌手則有容祖兒、李幸倪（Gin Lee）、炎明熹、鄧小巧、泳兒、陳蕾、雲浩影、黃妍和江海迦。

馬浚偉自上任新城首席營運總監後，不斷為電台作出大改革。

據悉，新城音樂統籌委員會的一些DJ和管理層也參與投票，除了內部投票外，還將保留30%的觀眾投票權，有指提名名單流出後，雖然樂迷尚未進行投票，但參與投票的電台高層和DJ已經出現了分歧，男歌手方面形成了以張敬軒和林家謙的兩大陣營，而「勁爆男女歌手」提名名單各有各支持者，更出現內訌分黨派情況，內部爭拗仲驚動馬浚偉，甚至有人不滿名單被流出，向馬浚偉投訴要求徹查。

日前內部流出男女歌手10強名單，而「勁爆男歌手」將成為張敬軒和林家謙之爭。

林家謙

而事實上，今年的男女歌手都好努力，競爭相當激烈。男歌手方面，張敬軒憑藉去年底推出的《青春告別式》，「單挑」林家謙的《無答案》、《喃嘸師感官漫遊》、《有你聽我的故事》及《free fallin'》，其中林家謙還有兩首合唱作品，分別是與林宥嘉合作的《瑪莉晚安了》及與鄧百哼合作的《了了》，張敬軒的歌曲數量雖然輸蝕，但受歡迎程度卻不遑多讓，可謂勢均力敵。

李幸倪（Gin Lee）撼贏炎明熹（Gigi）奪女歌手。

炎明熹正被TVB雪藏。

至於女歌手獎則以Gin Lee、炎明熹和江海迦之爭，3人同樣呼聲甚高，有傳新城廣播的內部支持者分成了三個黨派，不過由於炎明熹與無綫的合約仍未明朗，工作停滯不前，而江海迦自從傳出秘婚後，明顯放緩事業腳步，相反Gin Lee自加盟英皇娛樂後積極派歌，決心闖一番事業，所以女歌獎極大機會是Gin Lee的囊中物。