港鐵中環站一名金髮港女疑於繁忙時間打尖上車,其他乘客勸排隊,她反發爛渣兼踩人腳。有人拍片公審引發爭議。
FB影片截圖
港女繁忙時間搭港鐵拒排隊「打尖斜cut攝入車廂」
有乘客於Facebook群組「香港突發事故報料區」上載一段影片,影片中一名身披黑外套、穿粉紅色裙的金髪女子,站立在港鐵車廂內打電話,當時車廂內有很多乘客。樓主表示日前傍晚6時許,正值下班繁忙時間,當時很多乘客在港鐵中環站月台排隊等車,列車到站後片中女子竟「唔使排隊,打尖斜cut攝入車廂」。
FB截圖
乘客要求排隊 港女發爛渣兼踩人腳
其他乘客見狀立要求女子排隊,但女子非但沒有歉意,更「發爛,上車時追住啲人隻腳踩,之後仲大聲鬧啲人阻佢上車」。該女子上車後即打電話向友人訴苦,聲稱自己被人「恰」。樓主難忍其有欠公德的行為,於是拍片公審,並提醒其他乘客在中環站上車時要小心這名女子「小心被佢踩中,被佢啲魔甲刮親都唔好啦」。
FB影片截圖
網民不恥港女打尖行為
影片一出,不少網大罵片中女子「呢D情況我會伸隻腳出嚟cake佢」、「見到啲鳳爪唔開胃,好少港女會留咁長,估計唔係港女,係大媽」、「大人大姐~真肉鬼酸」、「你唔報警?」;不過,也有網民質疑影片的完整性,認為樓主可能斷章取義,「樓主唔使作個故仔去偷影條女喎」。
FB影片截圖
帖文來源:Facebook群組「香港突發事故報料區」
以往市民坐車都好驚遇到「亡命小巴」但最近竟有網民發文,竟坐上一駕「龜速」行駛的專線小巴,車速一度慢至16公里行駛,讓原20分鐘的車程翻倍,增至40分鐘!
網上圖片
司機一邊睇手機一邊揸車
樓主在社交平台發文,且附上影片,片中一位小巴司機一手控製軚盤,一手拿着手機,期間他一度看了看手機熒幕,片中可見車速約在時速26公里,而另一影片更離譜,小時正以16至17的時速行駛,慢到一個點,樓主笑言「係咪冇油?」、「我真係坐到問晒號」。他指自己從來沒有坐過如此「龜速」的小巴,讓原本20分鐘的車程變成40分鐘,更問到「(司機)可唔可以專心小小」。
網上圖片
網友力勸報1823告發司機
樓主補充是次車程為18元,他表示「佢最低(車速)16,仲要keep住好耐,真係我行都快過」。有不少網民都建議樓主可以就司機在駕駛途中使用電話一事,向有關部門投訴,「影到清晰嘅司機證同埋影到佢玩電話,理論上已經可以報1823,有埋車牌更加好」、「告發佢啦!揸車玩電話」,最終樓主亦在大家的力勸下,經1823作出投訴,不過他指也彌補不到,他已經遲到的事實。
網上圖片
網上圖片
網友笑言:你呢個真係特別經歷
有網民分享自身經歷,「以為搭過27已經好誇張,點知你26仲要玩緊電話」、「之前仲見過的士司機前面有四部手機都係睇緊抖音靚女主播,更誇張嘅係四部手機都睇同一個主播」,亦有網民表示「唔響超速嘅小巴冇搭嘅價值」、「第一次見,通常小巴都係坐到超速係咁喺度響,你呢個真係特別經歷」。
網上圖片