港媽於二手平台出售奶樽,買家要求「冲埋奶」兼做一事再交收。網民質疑買家動機,力勸取消交易。
港媽於Carousell賣奶樽 買家要求「冲埋奶粉」再交收
該港媽於社交平台發文,指早前透過網上拍賣平台Carousell 出售家中閒置的全新窄口奶樽。日前,一名買家表示有意購買,但對方提出了一個奇怪的要求「沖埋奶粉同佢交收」。
根據樓主上傳的對話截圖,這名使用女性頭像的買家起初詢問樓主是否有奶粉。港媽誤以為對方想購買奶粉,但買家解釋說「其實想請問你屋企有冇奶粉可唔可以幫我沖樽奶俾我」。
買家稱不懂為9個月大的BB冲奶粉
樓主對此感震驚,但在確定買家的要求後,她疑惑表示「我唔介意沖俾你,但交收得嚟支奶都凍咗,另外我隻奶粉都未必啱你個BB飲」。買家聲稱她的孩子已經9個月大,樓主又回應「我嘅奶粉仲係stage 1,唔啱你bb飲喎,而且啲奶凍咗都對BB唔好」。
即便如此,買家仍希望樓主「照沖」,並解釋說因為自己不會沖奶粉。兩人暫定了交收日期,樓主向買家提出由於奶樽是全新的,如果要沖好奶交收,須先轉賬。買家表示可以,樓主則提議因應特別要求需加收20元。
買家要求「搵個無乜人嘅地方交收」
樓主隨後表示「仲夾緊交收時間」,不過對方竟要求「搵個無乜人嘅地方交收」。她覺得買家非常古怪,打算叫老公代為交收「我一定搵我另一半交收,一定唔係我去交收架,佢會手把手即場教點樣沖奶」。樓主又笑言「同賣絲襪底褲要求你着幾日有味嘅概念異曲同工之妙⋯摺係屋企都遇到KAM人」。
網民力勸取消交易
帖文引熱議,不少網民認為買家非常可疑,力勸樓主取消交易「咁唔係kam,似係真變態,唔好同佢玩喇」、「唔好幫佢沖啦,一陣間話BB飲咗有咩事勒索你錢就GG」、「最好唔好同佢玩落去啦…點解要少人ge地方交收?就算搵另一半去交收,如果對方真係白卡變態,人地有刀有武器,男人都打唔贏啦真心」、「搵另一半去交收都好危險,保護自己之餘都要保護埋屋企人啊嘛」、「好危險喎,三九唔識七,交收梗係搵個多人嘅地方啦。你小心啲呀」。
帖文來源:thread