由於希望「活着」可以跳一個full cover,VIVA又帶來四套白色服裝,希望四子可以跟MV中她們白色的跳舞衫一樣。Macy為黑Gap設計了一字膊的上衣,雖然黑Gap穿上後整個人「硬晒軚」,不過Macy則謂:「女仔(啲衫)係咁㗎。」期間衣服的吊帶更突然斷掉,變成低胸裝,Macy此時已經笑到收唔到聲,到下身部份,黑Gap見Macy不停將褲剪短,似乎並無意識下,忍不住大叫:「Macy好短啦!咁短我點着呀!會變咗法國品牌『Lur JER 』㗎!」弄得全場大笑,黑Gap換好整套歌衫後,又再次大叫,「入面冇褲襠㗎!俾佢剪咗呀!」Macy邊笑邊說:「手起刀落!」
這次歌手們跟「幸福傳聲基金會」合作,到各大院校唱歌表演,目的為讀書壓力大的同學們加油打氣,歌手更以自身經歷,分享如何排解及面對逆境時的自處。Gin Lee坦言自己是一個對於任何事都很認真的人,這樣其實會為自己帶來不少壓力,所以她認為「Work Hard Play Hard」非常重要,「認真工作嘅時候就要全程投入,做完嘢返到屋企我會有個me time,me time你可以做啲伸展又得、影相又得、睇吓書、放空又得,搵一啲你喜歡同埋健康嘅小活動,等自己有個渠道可以抒發,聽音樂都係一個好好嘅方法。」她又謂屋企永遠是最強的後盾,「我覺得溝通非常之緊要,你要俾屋企人知道你經歷緊啲乜嘢,佢哋先可以知道點樣去幫你。」