林奕匡化身巨大松鼠公仔快閃鬧市 Busking宣傳新歌《搖籃下的歌》

《搖籃下的歌》是Phil為囝囝Darrien創作的歌曲。

初為人父的林奕匡（Phil）早前為剛剛出世的囝囝Darrien特別創作了新歌《搖籃下的歌》。為延續MV情節，Phil於上周六（11月9日）打扮成巨大松鼠，快閃銅鑼灣、旺角鬧市Busking，引來大量觀眾及fans圍觀。

林奕匡於今年8月榮升爸爸，太太李靄璣順利誕下兒子Darrien。

Phil為囝囝特別創作了新歌《搖籃下的歌》。

Phil上周打扮成巨大松鼠，快閃銅鑼灣和旺角Busking為新歌宣傳。

《搖籃下的歌》MV講述一隻松鼠的冒險故事，到最後牠除下頭套，揭露松鼠的身份正是Phil本人。為了延續這趟冒險旅程，Phil再次穿起松鼠裝束，將它從MV帶到現實，走入銅鑼灣及旺角鬧市進行快閃Busking。

觀看相關影片按連結：https://youtu.be/sZuNlhlfRL4

「松鼠爸爸」Phil稱：「今日想將呢隻MV主角松鼠仔介紹畀大家認識，佢喺MV入面攀山涉水、周圍探險。其實就好似我哋做父母咁，何嘗唔係要攀山涉水，照顧好自己嘅仔女呢？所以我今次Busking就係想帶住呢個咁有意義嘅message送畀天下間嘅父母同埋佢哋搖籃下嘅BB。」

Phil稱指松鼠仔在MV入面攀山涉水、周圍探險，就好像父母照顧仔女。

Busking當日正懸掛一號風球，卻無阻活動順利進行，Phil對此亦十分感恩：「今日天公造美，天氣好好！咁啱銅鑼灣呢度又有一個mascot活動，我著住呢一身松鼠mascot嚟到呢到真係好適合。」Phil先以充滿正能量的歌曲《一雙手》為現場觀眾打氣；其後演繹《搖籃下的歌》，現場更有不少「一家大細」嘅父母攜同孩子觀賞，Phil也送贈「松鼠」糖果予觀眾，更逐一與他們合照，場面溫馨。

Busking當日正懸掛一號風球，幸好天公造美，活動順利進行。

Phil先以充滿正能量的《一雙手》為現場觀眾打氣。

之後再獻唱《搖籃下的歌》。

Phil更分享了跟囝囝最近的互動，現時已兩個多月大的Darrien越來越多表情反應，他尤其舉例當自己在Darrien面前演唱《搖籃下的歌》時更會隨著歌聲搖擺、露出笑容，十分可愛。

林奕匡新歌《搖籃下的歌》歌詞神預言初遇情景。

林奕匡（Phil）初為人父，囝囝Darrien出世，自然感受良多，所以他特別創作了新歌《搖籃下的歌》並於今日（10月14日）上架，但想不到預先寫好的歌詞神預言了Phil的狀況與心聲，完全說中了他初次跟囝囝見面的畫面與心情。

林奕匡（Phil）創作新歌贈愛兒。

Phil新歌《搖籃下的歌》於今日（10月14日）上架。

當初知道要做爸爸的時候，Phil已經靈感如潮湧，他回想道：「知道就嚟做爸爸嘅時候，已經有好多想法，即刻寫咗好幾首歌俾 Darrien，當時一心只係想用嚟記載同送俾佢，至於有冇機會製作成一首歌，我自己都唔知道。」但當決定要做歌之時，Phil考慮到自己的歌庫中，以鋼琴為主的ballad作品為數不少，但以結他創作的則比較少，所以他就想到要以結他創作一首歌送給Darrien，Phil續說：「今次就以寫首歌送俾囝囝為由，邀請咗新加坡音樂人Marcus一齊創作，佢嘅結他有一手，過去佢都同過唔同人合作。寫《搖籃下的歌》嗰陣時我哋隔空合作，但好合拍，個零鐘已經寫好首歌。」

初為人父百感交集。

新歌歌詞神預言與兒子初遇情景。

創作好旋律，交由林寶填詞後，Phil便安排了錄音日程，但人算不如天算，Darrien竟然提早出世！Phil也始料不及，並說：「錄音schedule一早決定咗，但唔知佢幾時出世，呢個就係天嘅安排，啱啱佢出院嗰日我就去錄音。其實好得意，情感上係滿滿，但嗰一刻其實好難錄歌，因為情感泛濫，不停係唱唱下就喊。」Phil感情如此澎湃，全因林寶的歌詞神預言了一切！Phil分享到：「我好鍾意歌詞中嘅幾句：『今晚心情怕你亦也許難聽得懂幾句　唯願我枕邊跟你伴隨』BB啱啱出世嗰陣，我推住BB保護箱行出手術室，當時媽媽仲喺手術室，得我同佢獨處半個鐘，當時我幫佢影咗啲相同影片，其中一條片，我有講到：『知道你唔知而家發生緊乜嘢事，亦都唔會有任何記憶，但係我會幫你拍低記載一下。』呢句歌詞，就好係我嘅心聲、心情，現實生活中我真係實現咗呢個畫面。」

Phil直言成為爸爸後人生轉變了不少。

《搖籃下的歌》製作完成，Phil仍歌不離口，他笑言：「我唔敢話《搖籃下的歌》係佢嘅專屬搖籃曲，但佢應該係聽得最多，因為我成日唱俾佢聽。其實我一早寫咗英文嘅歌詞，都可以話英文版係特別送俾佢，係我打從心底嘅創作，當中包括我嘅期待、盼望、未知、憂心、鼓勵、陪伴，各種嘅心情。中文版就係同大家分享嘅，因為我相信每個做父母嘅都一定有呢啲感受。」除了推出新歌，Phil亦分享了成為爸爸後的轉變，他說：「作為新手爸爸，起初係有啲雞手鴨腳唔知點算，我咁大力，佢咁脆弱，佢成日郁身郁勢，我唔敢同佢鬥力，怕整親佢，驚又抱得佢唔舒服；而家佢硬淨咗，我又多咗經驗，兩個開始有啲默契，佢一日比一日認到多啲我，每日都會俾多少少表情，我哋嘅connection明顯愈嚟愈多，所以每日都愈嚟愈開心。」Phil表示，他已開始習慣當一位爸爸，人生好似大躍進，多了份責任，要懂得照顧人，而身邊親友，亦會叫他做「阿Phil爸爸」，為此他也開心不已。

多了份責任。

林奕匡《搖籃下的歌》將於今日（10月14日）下午1時於各大音樂平台上架，屆時可click入以下連結收聽歌曲：https://PhilLam.lnk.to/JustaLullabyPR