無窮之路4｜陳貝兒花2個月時間走訪7國 披黑長袍黑頭巾身處50度高溫拍攝瀕臨中暑

《無窮之路4》再度面對嚴峻考驗！

由無綫新聞及資訊部製作，阮小清監製、岑應編審及陳貝兒主持、一共十集的《華潤集團呈獻：無窮之路IV—一帶一路》（以下簡稱為《無窮之路4》），將由10月6日開始，逢周日晚10點翡翠台播映；而本周日（9月29日）晚10點，將率先播出半小時時長的《華潤集團呈獻：無窮之路IV—一帶一路》製作特輯。

拍攝「麥加朝聖」當日，Janis話佢手上面支常溫水，拎出室外唔使十分鐘已經變咗熱水，高溫程度可想而知。

齋睇相都感受到Janis有幾熱。

度高溫都仲要著成咁，真係能人所不能。

挑戰1—沙特阿拉伯的高溫考驗
《無窮之路4》攝製隊花了兩個月時間、走訪馬達加斯加、埃及、希臘、塞爾維亞、沙特阿拉伯、阿聯酋及肯尼亞一帶一路七個沿線國家進行拍攝。每一季拍攝都要經歷Mission Impossible的攝製隊，這次繼續要面對重重困難，其中一個最大挑戰，就是中東與沙特阿拉伯的「高溫考驗」！陳貝兒（Janis）在製作特輯中透露，攝製隊於沙特阿拉伯拍攝一年一度的大型盛事「麥加朝聖」期間，氣溫一度高達五十多度，最終導致現場千多人熱死。而Janis及攝製隊在現場亦陷入瀕臨中暑狀態，就連攝影器材，也是每隔一至兩分鐘便要自動熄機「抖暑」，可想而知要完成整個拍攝有多困難；在現場披著長黑袍及黑頭巾，熱至滿臉汗珠的Janis，事後憶述道：「我哋不停咁流汗，熱到暈咁滯，基本上係有瀕臨中暑嘅徵狀；加上拍攝朝聖嗰日現場人逼人，同埋我又著住黑袍，確係熱上加熱，我成身係濕晒。好彩有個好友善嘅穆斯林，佢即刻喺我臉上面噴水，同埋畀咗粒糖我。然後我哋啲（攝影）機，roll咗唔夠分零、兩分鐘，都已經全部overheat down晒機。」

Janis感恩現場有好心的穆斯林教徒主動幫她灑水降溫。

攝製隊熱到「紅都面晒」。

當日現場真係好多人。

挑戰2—馬達加斯加的抵抗力考驗
除「高溫挑戰」，攝製隊還要面對第二大挑戰—「抵抗力考驗」！由於「麥加朝聖」現場人多擠逼，攝製隊完成拍攝後紛紛出現疑似中東呼吸綜合症等徵狀，但為了抓緊拍攝進度，攝製隊還是硬著頭皮繼續趕路及拍攝，相當專業。Janis憶述當時情況謂：「我哋拍完朝聖之後大家就相繼病倒，係咁瘋狂地咳，又發冷又發燒咁，感覺就好似中咗covid咁，大家都係病住出發去歐洲。」

當日就連攝影器材，都熱到要隔每兩分鐘左右就抖一抖。

其實喺首站中東嘅拍攝，氣溫都有成40幾度，但Janis依然包到冚拍攝，咪話唔辛苦。

可能因為現場真係太多人嘅關係，攝製隊完成當日拍攝後個個都病晒。

去到馬達加斯加之後，攝製隊要面對嘅新挑戰就係惡劣嘅環境衛生問題。

陳貝兒挑戰高溫拍攝「麥加朝聖」。

經常周遊列國拍攝節目的Janis，原來是次亦是第一次去非洲，為了安全問題，Janis出發前已打了五至六支針確保安全，包括破傷風、黃熱、傷寒及腦膜炎針等，而身處全世界最貧窮國家之一的馬達加斯加時，眾人雖然已相當小心翼翼，但仍敵不過馬達加斯加的超惡劣衛生環境，全軍肚瀉，有工作人員更一度驚現上吐下瀉情況，Janis說：「其實我哋連擦牙都已經用支裝水，沖涼時又唔敢擘大個口同埋對眼，因為有人話如果當地啲水入咗身體入面，就會有機會患上霍亂。雖然我哋咁小心，但我哋個個最後都有肚屙，有啲同事仲上吐下瀉。」

陳貝兒在馬達加斯加拍攝時回憶滿滿。

陳貝兒在馬達加斯加拍攝時回憶滿滿。

陳貝兒自爆經常被媽媽催桃花，但對感情表示隨緣，現在工作排滿至年底，會先專注工作。

為客戶提供完美奢華旅遊體驗的尊賞假期（Premium Holidays）踏入十週年，早前宣佈邀得星級旅遊達人陳貝兒（Janis）擔任年度品牌代言人後，繼續為各位旅行者呈獻不一樣的驚喜旅程 —— 尊賞假期將於10月推出「貝兒遊世界」系列，讓各旅行者與陳貝兒同遊甘肅敦煌，為非凡旅程留下精彩難忘時刻。

旅遊達人陳貝兒（Janis）為尊賞假期擔任年度品牌代言人。

尊賞假期假日前馬哥孛羅香港酒店紫荊廳舉行《10週年矚目巨獻 香港大型旅遊講座》活動，陳貝兒亦親臨現場舉辦兩場「貝兒遊世界」講座，當中包括南意大利、摩洛哥、敦煌、杜拜、沙特、埃及、澳紐及南極多個非凡旅遊景點，與大眾分享她最近的旅遊經歷和未來夢想的旅遊目的地。

陳貝兒舉辦兩場「貝兒遊世界」講座。

陳貝兒說：「由拍《嫁到世界邊端》到《無窮之路》，真係去咗好多地方，每個地方都有佢嘅特色同面貌，當中亦採訪咗好多唔同嘅人，佢哋嘅故事畀咗我好多唔同嘅感受，亦係咁，讓我將『拍旅遊節目』呢件事成為我嘅使命，透過我嘅親身體驗，讓大家認識唔同嘅風土人情。」大會每場講座都設有報名優惠，最高可達HKD32,000，更有現金券抽獎和送出百年瑞士軍刀品牌的特色禮品，讓到場人士專享獨家升級優惠。

尊賞假期將於10月推出「貝兒遊世界」系列，與陳貝兒同遊甘肅敦煌。

陳貝兒透露10月將與母親隨團同行「貝兒遊世界」系列， 她提到是次的甘肅之旅意義重大：「今年好難得可以邀請到媽咪同行，因為佢要照顧我及家中寵物非常忙碌，難得佢有時間， 藉住呢個機會報答佢成日幫我咁勞碌。其實我自己都未去過敦煌，今次靠哂尊賞假期帶我哋出發。」被問到感情事，貝兒自言出道了20年，飛過好多地方，周遊列國仍未遇到桃花：「我媽咪都成日問我，問我有冇（遇到）中東油王同酋長，我自己就覺得隨緣啦！我自己都好照顧到自己，暫時下半年都係工作，嚟緊會拍旅遊及綜藝節目，自己想專注工作先。」

陳貝兒透露母親亦將會隨團同行。

全新的「貝兒遊世界」系列正好體現尊賞假期「尊賞・專享・超越您所想」的服務精神，首個由陳貝兒同行的星級旅行團，將於10月21日出發，並以甘肅的敦煌作為主打景點，與團友們體驗鳴沙山星空晚會、遊走有「千佛洞」之稱莫高窟、穿越時空穿上古裝感受陽關出城儀式、品嚐大漠美食，亦會到訪絲綢之路、欣賞南疆胡楊林的金秋景色及天山等地（視乎所選旅行團），尊賞假期更特意為每團安排「飛天歌舞迎賓晚宴」，屆時陳貝兒將與各位旅者分享旅遊經驗及合照等。

「貝兒遊世界」系列將於10月21日出發。

陳貝兒表示最期待到鳴沙山，在沙漠騎駱駝、參與星空營地晚會：「我知道仲有傳統非遺文化打鐵花同煙花表演，想像吓喺大漠嘅夜空，睇到成天鐵花同煙花，一定好震撼、好難忘。當然每個景點我都好期待，因為每個地方都有它嘅生命力，而且今次係我同媽咪第一個『旅行團』，肯定同平時出外拍嘢嘅感覺好唔同，係真正放鬆、享受嘅假期。」

陳貝兒最期待到鳴沙山，在沙漠騎駱駝、參與星空營地晚會。