吃貨橫掃港深珠丨梁超怡廖慧儀水療中心泳衣上陣碧波暢泳彭慧中浴袍Look浸溫泉勁Chill

娛圈事

吃貨橫掃港深珠丨梁超怡廖慧儀水療中心泳衣上陣碧波暢泳彭慧中浴袍Look浸溫泉勁Chill

2024年10月04日 12:30 最後更新：12:49

呢間水療中心入場費只要138元人民幣，就可以玩足24小時！

旅遊飲食節目《吃貨橫掃港深珠》昨晚（10月3日）一集，一班主持為大家介紹一間深圳的水療中心，該水療中心入場費只要138元人民幣，便可以玩足24小時，中心的設施五花百門，泳池、溫泉、岩盤浴等不在話下，廖慧儀（Jessica）和梁超怡齊齊換上泳衣碧波暢泳，畫面唯美，彭慧中（Phoebe）則包上浴巾享受浸溫泉，Chill到爆。

點擊看圖輯

彭慧中同梁凱晴推介呢個兩人餐好正呀，個一品煲勁足料呀，充滿濃濃嘅骨膠原。

咁索，得唔得㗎？

廖慧儀

梁超怡

彭慧中

林秀怡繼續放笑彈。

打卡最實際。

彭慧中同梁凱晴推介呢個兩人餐好正呀，個一品煲勁足料呀，充滿濃濃嘅骨膠原。

喺一間廟入面飲酒，大家試過未？

地道重慶火鍋，又平又抵食！

朝聖最潮打卡Café，三位靚女齊齊着露肩裝，「肩」係索！

煲仔飯「黃金30秒」究竟係乜嚟？

另邊廂，林秀怡體驗了水療中心的付費按摩服務，揀選了泰式按摩的秀怡期間被技師舞來舞去摺埋一嚿，場面搞笑。此外，水療中心提供了打機、唱K、桌球等娛樂設施，早餐、下午茶、水果、飲料更是免費提供，啱晒一家大細玩足一日！

香港美食方面，Phoebe和梁凱晴去到鰂魚涌一間酒樓品嚐精緻手工粵菜，僅以788港元買一送一優惠（另加茶芥和加一服務費），便可以大歎黑蒜花膠燉雞湯、花雕雞油蒸馬友、海味一品煲、煎蛋焗豬扒飯和生磨芝麻卷，當中的海味一品煲最令人驚艷，盅內有齊花膠、鮑魚、刺參等名貴食材，絕對是童臾無欺，難怪Phoebe和凱晴食到舔舔脷！

今晚（10月4日）播出一集，林秀怡、梁凱晴和Jessica去到珠海的北山會館體驗文青之旅，她們去到一間由廟宇改建而成的酒吧Chill一Chill，該酒吧晏晝賣涼茶、夜晚賣雞尾酒，非常特別，之後她們轉場另一間食店品嚐地道重慶火鍋，3個人嗌到成枱嘢食都只要304元人民幣，相當划算。

深圳方面，Phoebe、Jessica和林秀怡去到一間潮爆Café打卡，該店周圍都是花花草草，小橋流水樣樣齊，氛圍感十足，三位靚女不約而同以off shoulder裝上陣，大晒索爆靚肩瘋狂打卡，畫面唯美。該店雙人下午茶餐盛惠238元人民幣（平日）、258元人民幣（周末及假期），包了門票、兩杯特飲、一件蛋糕及羊駝零食。

香港方面， Phoebe、Jessica和梁凱晴去到西環品嚐曾入選米芝蓮的煲仔飯名店，該店是香港少有開24小時的茶樓，食店最近大搞優惠，宵夜時段點心及煲仔飯只要7折，白鱔排骨飯和黃金臘味撈飯折後分別只需71.4港元和82.6港元，相當抵食。老闆Jacky還會現身說法，為大家介紹食煲仔飯的「黃金30秒」，想知道有甚麼竅門？密切留意今晚播出一集。此外，欲知更多密切留意節目，記得掃瞄QR Code留意「吃貨優惠情報」！

往下看更多文章

獎門人｜「復仇女王」楊茜堯玩遊戲勁奸賴獎門人為林秀怡公開招「親」

2024年11月17日 15:00 最後更新：16:33

鏡頭後的楊茜堯同角色「余滿月」反差甚大！

特備節目《鄰住買特約：獎門人台慶感謝祭》昨晚（11月16日）播出，獎門人曾志偉率領「獎老」錢嘉樂、阮兆祥、金剛、麥美恩、林秀怡和林正峰齊齊以藝術人物造型亮相，金剛更再度使出看家本領—講鬼故，不過由於內容太過無厘頭，遭獎門人瘋狂掌嘴。

為迎接台慶，今集嘉賓陣容相當鼎盛，有「黑色月光隊」的楊茜堯、林夏薇、王浩信、楊卓娜、葉蒨文、馬貫東、何廣沛、黃建東，及自封「奬門人鐵腳隊，依家有仔又有女」的「苗僑偉隊」，成員有苗僑偉、湯盈盈、洪天明、姚樂怡、梁靖琪、周家蔚。

抱病上陣的楊茜堯（阿怡），雖然聲音沙啞又虛弱，但玩起遊戲上嚟卻相當狼死，遭錢嘉樂搞笑寸爆：「唔好畀人知道子溢喺屋企咁慘。」事緣阿怡玩「開心無敵啜乒乓」時，除了甫出場即以「黑色月光style」眼神掃射全場，又出手將對手洪天明不斷推開，令洪天明亦忍不住大嗌：「做咩啫」。搞笑的是，縱然阿怡咁奸賴，但可惜「戰績」認真麻麻，不斷玩輸遊戲，而在「開心無敵開口中」環節，阿怡更露出「蛇𠺌膽小」一面，與角色余滿月反差甚大。

本集另一焦點落在「猴擒代表」林秀怡身上，難得獎門人「回歸」，林秀怡把握良機要求與全場男嘉賓玩「傳紫菜」，向來奀皮的獎門人聞言，即加碼為林秀怡公開招「親」，邀請現場男觀眾上台玩埋一份，場面勁級混亂又搞笑。愈玩愈失控的林秀怡，面對對手何廣沛出招飛撲兼喪啜，何廣沛亦「反飛撲」禮尚往來；馬貫東及王浩信則分別拉著林秀怡大擺「gone with the wind」經典甫及公主抱搞氣氛。