疑外傭垃圾箱摷垃圾 拎10包「過期肉」滿載而歸 目擊者：煮俾僱主食？

港島垃圾站居然有三名外籍女子摷垃圾箱，仲要從中擸走大批「過期肉」！目擊者猜測她們是外傭，而網民都懷疑她們「打斧頭」！

港島驚見外籍女子垃圾箱「買餸」

該網民在社交平台facebook群組「聘請工人姐姐關注組」發布影片，稱「留意吓係咪自己屋企請嘅姐姐，係個垃圾車內執啲過期食物，唔知係咪拎返屋企煮俾主人食，當係嗰日買嘅餸，好嘔心」。拍攝地點位於港島，拍片者稱，「我只係睇唔過眼，我幫人出Po，希望三個工人姐姐嘅僱主快啲睇到。」

FB截圖

3人包圍垃圾箱 2人落手摷

在影片26秒可見，當時有架回收車停泊在垃圾站內，並且有工人正在扔發泡膠箱。不過三名戴口罩的外籍女子就旁若無人地包圍一個大型垃圾箱，其中兩人甚至落手「摷垃圾」。

FB截圖

多包「過期急凍肉」入袋

兩人找到多包未開封的「急凍肉」，隨即1名女子將疑為「過期肉」放入斜孭袋中。片中三人至少找到10包肉，可以說是滿載而歸。片中聽到目擊者驚呼：「唔係咁X樣買餸呀嘛？！大佬！喺垃圾桶到摷嘢食喎，啲肉你睇吓，呢啲唔係商場丟出嚟定係咩？唔X係呀嘛？！」

FB截圖

網民：唔係為咗打斧頭去到咁盡啩

影片一出旋即惹來熱議，不少人指她們摷垃圾拎凍肉動機可疑，「唔係為咗打斧頭去到咁盡啩，好彩不嬲自己買餸，唔會要工人買」、「佢地真係咩都夠膽死」、「有冇再核突啲」。

中立派叫「咪未審先判」

不過也有網民保持中立稱，「咪未審先判，你點知佢拎啲肉嚟做乜先？」、「唔畀佢慳錢自己食」、「可能拎去喂狗」。

近日1位港男發文苦呻，上水茶餐廳$53豬扒麵的豬扒居然薄過紙！

早餐盛惠$53

近日，一位港男在社交平台上發文苦呻自己食早餐的不快經歷。他指，自己在上水某間茶餐廳叫了碗$53的「豬扒腸仔辛辣麵」。他表示，一個早餐要$50幾已經略貴。然而，更令帖主失望的不是本來就非常一般的服務。

FB截圖

薄片刺身豬扒「太過份」

從帖主上傳照片可見，豬扒並非大家想像中的厚度，而是一塊超薄的豬肉片。據目測，薄度堪比紙巾，難怪發文者嬲爆表示「薄切豬扒咁都出到餐比人食」，更被朋友問「是否叫了煙肉」。

FB圖片

網民同樣嬲爆

帖文一出，旋即引起大批網民熱議，有網民表示身同感受，嬲爆表示「邊區？邊間？開佢名！」。

正常豬扒厚度。小紅書圖片

反讚廚師好刀功

不過同時都有網民笑言，「呢d叫刀功」、「可能切豬扒個師傅原本係刺身師傅嚟嘅，失業之後轉去茶餐廳做姐」；亦有網民質疑現時已轉做切肉機，不需要人手切，「機切的，一點沒難道（度），可以更薄！！！」

示意圖。X圖片