媽媽「驚喜」現身令林盛斌自責爆喊難忘97金融風暴父債子還：將所有值錢嘅嘢都拎咗去當

出名無所不談的阿Bob會在節目中暢談親情及事業危機

台慶月綜藝節目《森下仁丹Bifina Si益生菌呈獻：與天地對話》，由鍾鎮濤聲音導航，將於本周一至周五晚十點半翡翠台播出最後五集。昨晚（2日）及今晚嘉賓繼續是踏足澳洲北領地林盛斌（Bob），這兩集阿Bob將勇闖禁地、踏足原住民保護區，並深入了解原住民生活，一嘗原住民「零調味」烹調的惹味燒鵝。阿Bob還採訪了具有不同藝術天分的原住民，了解他們背後特有的故事。而出名無所不談的阿Bob，昨晚及今晚分別會在節目中暢談親情及事業危機，當中除罕有地提及當年太太不幸流產的遺憾、父親破產對自己造成的影響、人生第一次覺得自己演藝事業Game Over的震撼經歷外，還大方回顧了自己當年醉酒鬧事所帶來的傷害及啟示。

阿Bob將勇闖禁地、踏足原住民保護區，並深入了解原住民生活，一嘗原住民「零調味」烹調的惹味燒鵝。

暢談親情及事業危機

娛樂圈馳名「多仔公」阿Bob與太太黃乙頤均十分喜愛小朋友，因為他們覺得小朋友能帶來希望及歡樂，就在他們決定生第四胎時，不幸的事情發生了：「嗰陣同太太商量不如生多一個，跟住就努力造人，然後好彩好快就成孕，但又好唔好彩咁陀咗2-3個禮拜左右，我太太話畀我知小產咗，嗰一刻都係唔開心同失落嘅。」不過向來正面的阿Bob，決定再努力嘗試的同時，並在朋友的佛堂為逝去的小生命進行儀式：「希望佢可以去到佢想要去嘅地方，我好記得我同太太喺喇嘛師傅念緊經時，我哋不約而同喺心入面同BB講：『如果你想返嚟我哋呢一個屋企，你就返嚟啦，我哋隨時歡迎你。』唔知係神明保佑定係點，隔咗大概一到兩個月左右，（太太）真係又有咗，就係依家嘅細佬，我哋好開心、好感恩。」

阿Bob同老婆都覺得小朋友能為家庭帶來希望及歡樂

阿Bob同老婆都覺得小朋友能為家庭帶來希望及歡樂

阿Bob同老婆都覺得小朋友能為家庭帶來希望及歡樂

呢個亦可能係佢成為多仔公嘅原因。

家庭觀念很重的阿Bob，還談及了當年因為1997年金融風暴，令原本生意做得不錯的林爸爸欠債累累，阿Bob亦一度要孭起為家人還債的重任：「有段時間係差到，我記得我讀大學時申請咗兩張信用卡，佢哋係要透支啲錢去維持家庭嘅生活…佢哋仲將所有值錢嘅嘢都拎咗去當。」一直將這件事記在心中的阿Bob，於出來社會工作後的第七年，終於因為得到一筆可觀收入，將人工拿去買了兩隻與父母當年當掉的同款手錶送回給父母，令父母甜在心頭。雖然自覺已是合格的兒子，但直到製作組拿出之前林媽媽拍下的影片，林媽媽在片中提到希望阿Bob多點陪伴自己「食吓飯飲吓茶」時，阿Bob即時淚腺失守，並公開在鏡頭前向父母致歉：「對唔住，我係做得唔夠好。我覺得林盛斌以前係孝順啲嘅，以前會陪伴自己父母多少少，但近呢十年、八年真係少咗。」

阿Bob自覺係孝順乖仔。

但當佢睇片，見到媽咪好懷念自己細個對佢黐身黐勢嘅日子時，阿Bob即自責爆喊。

但當佢睇片，見到媽咪好懷念自己細個對佢黐身黐勢嘅日子時，阿Bob即自責爆喊。

今晚一集，阿Bob則會暢談人生「最大一次公關災難」：「大到令我覺得可能要玩完，就係12、3年前第一次上雜誌封面，我記得封面出街前，嗰晚有個朋友打畀我，話影到我買鹹碟…當時我一睇個封面，條題類似係好男人人設崩壞，買四仔。嗰時我心諗死火，我第二朝打電話畀澳門啲老闆，話我喺香港出咗事，問佢可唔可以收留我？嗰時我直頭覺得係世界末日，嗰陣其實我屋企都已經有兩個小朋友，咁我唔可以冇收入、唔可以唔揾食。」之後決心面對自己錯失的阿Bob，逐一致電當時合作的客戶道歉之餘，還向對方表示可以隨時換人，豈料換來的竟是意想不到的答案，有客戶更表示，預備了一隻儲有三千多套鹹片的usb，叮囑阿Bob「以後唔好再買嗰啲碟」。阿Bob邊說邊感嘆：「真係做錯咗，咪改過咯！」

阿Bob當年呢個急口念表演真係好精彩！

阿Bob當年呢個急口念表演真係好精彩！

阿Bob還坦言加入電視台頭兩、三年，因為剛巧遇上管理層變動，有一段長時間沒有工作，除了當時一直主持中的J2節目《兄弟幫》之外，連上節目當嘉賓的機會也完全沒有。直到一次在TVB節目巡禮中，被安排了一段兩分鐘的節目介紹急口令，才令阿Bob的事業得以扭轉：「我收到嗰篇稿係嘩一聲，幾版紙滿晒之餘，啲對白好甩咳、好難講，係好硬嘅料嚟，但我就諗：『唔得，一定要諗吓點樣可別開生面咁樣講出嚟！』」結果阿Bob成功令全場藝人企起身拍晒手掌，阿Bob憶述時感嘆：「唔係因為見到有曙光你先堅持行落去，而係因為你堅持行落去，你先見到個曙光。」想知阿Bob當日嘅表演有幾精彩？以及曾瘋狂醉酒鬧事的阿Bob，是如何克服陋習？密切留意今晚播出的《與天地對話》。

Bob最終靠三大改變與惡霸化敵為友！

台慶月全新綜藝節目《森下仁丹Bifina Si益生菌呈獻：與天地對話》，由鍾鎮濤聲音導航，一共十四集，逢周一至周五晚十點半翡翠台播映。

Bob坐直昇機欣賞巨型紅色岩石。

走進澳洲北領地，探索烏魯魯、卡塔丘塔對阿南古族的「命運」。

第三位登場嘉賓是林盛斌（Bob），今、明（29日）兩晚將踏足澳洲北領地，尋找原住民的起源聖地，探索烏魯魯、卡塔丘塔對阿南古族的「命運」。Bob乘坐直昇機從高空欣賞巨型岩石，由於岩石座落於澳洲中間偏左位置，烏魯魯原住民阿南古族人形容似紅色心臟，視為文化起源，Bob見到後感嘆猶如人生：「搵自己最叻、最出色嘅嘢，好好做好佢、好好做到極致，自然有人欣賞。」由電台DJ、金牌司儀，到自設公司做老闆，進駐豪宅、名利雙收；其實Bob人生上半場曾經歷無數失敗，尤其疫情數年間，無論個人抑或製作公司均工作量大減甚至零收入，Bob坦言曾一度「怨社會、怨疫情、怨經濟」，但深明命運掌握手中，思想和行為必須改變，終放下老闆尊嚴求變，才成功渡過難關。

Bob透露疫情數年間零收入，曾一度怨社會、怨疫情、怨經濟。

Bob自爆讀書時期以裝惡保護脆弱內心，曾得罪惡霸被「接放學」毆打！

10年前曾錯失當主角機會 Bob感慨娛樂圈猶如鱷魚潭：危機四伏

在荒漠立足體現原住民堅強意志，Bob憶起讀書時期曾扮惡企圖保護脆弱心靈，有次Bob與學校內惡霸起衝突，結果被「接放學」兼遭毆打，Bob坦言該次痛楚過後換來醒覺：「之後開始笑多啲，願意同人交往多啲同冇咁寸，最後同呢班同學仔反而變成朋友，到依家仲有keep住聯絡。」Bob另外到了澳洲東北面的卡卡杜國家公園，坐船穿梭居住了9千隻鱷魚的鱷魚潭，席間Bob感嘆演藝圈像鱷魚潭一樣危機四伏：「表面歌舞昇平，個個笑笑口，其實都係危機四伏，好多人想你死！」Bob透露約10年到8年前，曾經有一次當男主角的機會，但因有不同聲音指他「未夠班」，最終易角，令他錯失當男主機會：「唔夠勁、唔夠強就冇架喇，所以我同自己講，每日一定要有進步，逐少逐少咁累積，幾年成就已經可以好大。」

Bob自爆讀書時期以裝惡保護脆弱內心，曾得罪惡霸被「接放學」毆打！

Bob回想做電台節目主持時被人睇唔起，背後聽過好多難聽說話。

製作組帶咗Bob當年同電台DJ合作出嘅CD，昔日回憶湧上心頭。

製作組帶咗Bob當年同電台DJ合作出嘅CD，昔日回憶湧上心頭。

難忘大女Faye代向網民平反：My Dad Is Not Rubbish

網絡拉近人與人之間距離，卻造就更多惡意攻擊，對於連續多年登上「十大我最討厭藝人榜」，面對酸民奚落及嘲笑，Bob均一笑置之，但只要牽涉到家人他就無法容忍！Bob指曾有網民在大女Faye社交網站留言：「你爸爸是垃圾」，但感恩當時只有12、13歲大的Faye相當懂事，沒有被打擊之餘，更勇敢為爸爸平反，Bob憶述指：「我個女回覆『No, my dad is not rubbish！he is my hero』，係好感動，個女好生性識得維護爸爸、保護爸爸聲譽。」Bob另外還談及了數年前心臟病發「通波仔」的經歷，直言是最接近死亡一次，到底曾經面臨死亡的Bob，現在對生老病死有何睇法？密切留意今、明兩晚播出的《與天地對話》。

製作組帶咗Bob當年同電台DJ合作出嘅CD，昔日回憶湧上心頭。

Bob坐船穿越鱷魚潭，不諱言直指演藝圈都係鱷魚潭：「表面個個笑笑口，其實好多人想你死！」

Bob感恩大女Faye面對酸民好懂事，冇唔開心之餘仲識維護爸爸。