林盛斌16歲大女玩「你問我答」大方談戀情正面回應被批衣著暴露

娛圈事

林盛斌16歲大女玩「你問我答」大方談戀情正面回應被批衣著暴露

2025年02月08日 20:00 最後更新：21:28

霏霏大個女啦～

45歲的「金牌司儀」林盛斌（Bob）與太太黃乙頤（Pearl）結婚17年，育有三女一子，一家六口生活幸福美滿！當中16歲的大女林霏兒（Faye），不但越大越靚女，而且衣著大膽，早前更帶了男朋友回家見家長，近日她在社交平台與網民玩「你問我答」，對答自信大方又成熟，獲網民大讚！

點擊看圖輯

林盛斌一家六口。

16歲的大女林霏兒越大越靚女。

完全變成美少女了！

霏霏為慶祝IG超過5000追蹤，和網民玩「你問我答」。

霏霏IG圖片

霏霏大晒性感相。

霏霏IG圖片

霏霏為慶祝IG超過5000追蹤，在Story和網民玩「你問我答」，不少網民都對她的戀情感興趣，霏霏透過男友是就讀國際學校的香港人，男友非自己的初戀，但自己則是對方初戀，又大方分享二人相戀的經過，她指二人是透過好姐妹直播認識，相處的氛圍非常好，然後對方邀請她約會，更邀請她做女朋友。至於男友如何追到她，霏霏笑言：「呢個你要問佢wo，真誠掛？」亦有網民好奇男朋友有否對其星二代身份感壓力，霏霏就貼出與男友的對話截圖，她在截圖中直接問男友：「大唔大壓力？回應下」，霏霏男友即回覆：「唔會，因為我鍾意你嘅原因，係因為你個人，唔係因為你背景。」

有網民又提到早前帶男朋友回家見家長，霏霏表示：「實不相瞞佢係我第一個帶上屋企嘅男朋友，我哋其實一齊唔係好耐，個決定亦都唔係好隆重咁樣要見家長，咁啱嗰日屋企有party我父母喺度，我也好耐冇見就話一齊玩咁。不過想畀佢哋見係因為我覺得呢個男仔真係好好，係一個好人亦都好錫我所以就決定可以～ When you know you know!」更直言父母都好支持她拍拖。

此外，霏霏近日分享了一張性感照，相中她穿上低胸Lace小背心，大騷驕人身材，有網民直接問霏霏為何經常騷胸，霏霏大方回應：「因為我擁有它們，及有些衣服是為了展示乳溝而設計？必須要愛護你的胸部，我們可以一起欣賞胸部兩秒嗎？」亦有人問：「父母介唔介意你着得暴露？」霏霏直言：「一定有少少嘅，但係其實我出街除咗真係好熱之外，真係其實唔會着到好暴露，就算係嗰件粉紅色衫，我都係淨係屋企同個friend影相着，出街着可能都係朋友party或者nightout先會考慮。」

霏霏的對答自信大方，得到不少網民大讚，有人大讚她好成熟，霏霏就表示：「可能因為比同齡人經歷得多少少」，她亦透露由於父母都是名人，以前都會感到有壓力，「但係依家唔會。始終『名人』其實都係普通人一個只係佢，佢哋嘅才能才華展示比世人睇而有人認同，都係佢哋嘅一份工作睹，同樣地我都只係一個普通人，所以平常心態吧〜」

往下看更多文章

越南體驗洗頭洗面服務被笑足30秒林盛斌：唔知佢哋笑乜

45歲的「金牌司儀」林盛斌（Bob）靠接各大小司儀的工作賺到盆滿缽滿，最近他就飛到越南峴港，為一位老闆娘的生日派對主持。去到越南，當然要體驗一下當地出名的洗頭洗面服務，結果一直以光頭造型示人的Bob就被笑足30秒，「去得越南，臨走前唔係唔洗個頭，洗個面呀嘛。當我同經理人同助手入到去話我想洗頭嘅時候，成間舖頭嘅姐姐，喪笑咗30秒，唔知佢哋笑乜….」

影片中可見，雖然Bob沒有頭髮，但幫他洗頭的姐姐依然展現出專業的服務態度，先幫他洗面、敷mask，之後幫他進行頭部按摩，令Bob都忍不住大讚：「成件事玩足成個鐘，除咗洗面洗頭之外，佢係連個耳仔、條頸、心口都幫你洗埋，唔單止洗，仲包埋按摩，手臂同手掌都有按，你見到佢又敷面膜又盛咁，搞咁多嘢，埋單25萬越南盾，即係70幾蚊港紙，之後我俾咗10萬貼士佢，佢一收到嘅時候，好開心，好大聲咁『嘩』咗出嚟，嗰一刻突然之間覺得自己好霸氣土豪。」