短跑健將連家穎 負傷挑戰5K慈善賽 爸爸任私人教練 喜刷出個人最佳成績

寰亞「長腿師妹」連家穎（Vian）日前到香港迪士尼度假區參加「聯合國兒童基金會慈善跑HERO RUN — 超能跑」5公里賽事。

雖然作為拔萃女書院田徑隊隊長的她擅長短跑，但有長跑高手的爸爸做「私人教練」兼陪跑，Vian做出個人最佳成績，約32分半衝過終點。

香港迪士尼度假區參加「聯合國兒童基金會慈善跑HERO RUN — 超能跑」5公里賽事

「聯合國兒童基金會慈善跑HERO RUN — 超能跑」5公里賽事

「聯合國兒童基金會慈善跑HERO RUN — 超能跑」5公里賽事

寰亞「長腿師妹」連家穎

Vian做出個人最佳成績，約32分半衝過終點。

「我自細係短跑選手，今次挑戰長跑感覺好新鮮，加上為慈善籌款，別具意義。賽前跟爸爸練跑，因為佢係長跑好手，今次亦係我哋第一次一齊參加賽跑，我嘅策略就係跟住佢，唔會走失。」Vian坦言比賽前一晚亢奮失眠，晚上10時上床但輾轉到凌晨2時才入睡，腦內全是賽跑的事情，雖然睡眠不足，但有爸爸愛心早餐打氣。

Vian坦言比賽前一晚亢奮失眠

雖然睡眠不足，但有爸爸愛心早餐打氣。

不過，熱身時Vian失平衡不慎跌倒，擦損右邊膝頭流血，負傷上陣，坦言擔心影響成績，結果順利完成，特別興奮。Vian說：「踏入2025年就有好成績，對我短跑人嚟講係好大鼓勵。第一次喺迪士尼賽跑，沿途有好多卡通人物同我打氣，好有趣嘅環境中，不知不覺就跑完5K。之後我都好想繼續玩長跑，因為我發現咗長跑嘅樂趣，加上同爸爸一齊跑，特別開心。賽前擔心腳傷影響表現，但原來我可以，將來希望挑戰渣打馬拉松10K。」她還透露：「我計劃咗好多拍片題材，即將陸續上架，仲有去咗台灣拍攝，希望大家follow我嘅IG和留意YouTube分享。」

熱身時Vian失平衡不慎跌倒，擦損右邊膝頭流血

坦言擔心影響成績，結果順利完成，特別興奮。

計劃咗好多拍片題材，即將陸續上架

恭喜發財！寰亞歌手梁釗峰與樂隊Nowhereboys Boys主音陳維諾（Van）和結他手林宇翔（Ken）、「長腿小師妹」連家穎（Vian）和演員洪瑞珙，以自己的名字融入祝福語互相拜年，個個玩「食字」創意十足，更掀起哄堂大笑，寓意新年人人歡樂，笑口常開！

釗峰與樂隊Nowhereboys Boys主音Van和結他手Ken、「長腿小師妹」Vian和演員洪瑞珙齊齊向大家拜年。

首先是結他手Ken說：「我林宇翔祝各位『腸』（翔）道健康！」身旁Van笑到氣咳，援一援才能繼續：「我陳維諾祝大家『樂』（諾）也洋洋！」Vian說：「我連家穎祝大家『年年』（連）有餘！」身為師兄的釗峰示範一字多用，「我梁釗峰祝大家『超』（釗）美滿、超幸福，蛇年大豐收！」壓軸的阿珙最得戚，因為他全名三個字都充滿喜慶，「我洪瑞珙祝大家『鴻』（洪）運當頭、靈蛇獻『瑞』、福星『拱』（珙）照！」全場掌聲。

洪瑞珙、釗峰、Vian、Van、Ken齊以以自己的名字融入祝福語互相拜年。

新界村民Ken農曆新年特別多傳統習俗，他說：「其中一樣，每年踏入大年初一全村一齊拜土地公公，所有村民都同一時間去同一個寺廟拜土地，然後村民互相拜年，好熱鬧、好開心。」Van表示每年大年初一與家人登山迎新年，他說：「行山係我屋企嘅習俗，出發前會食好多糕，而我屋企興食蘿蔔糕點蠔油，細個以為人哋都係咁，長大後先知道只有我屋企人係咁樣食！」眾人表示驚訝。

Van透露每年大年初一與家人登山迎新年。

Ken分享新界農曆新年傳統習俗。

小師妹Vian自爆每年家人整蘿蔔糕時，她都負責搗亂，「每年我都係負責切蘿蔔絲，但我會一邊一邊偷食，試味，經我手通常無咗一半！」釗峰雖然家裏沒有特別習俗，但他初一第一件事就是向父母拜年，重點是𢭃利是，笑說：「收利是一刻好幸福，感受到父母滿滿嘅心意。」胖胖的阿珙坦言家中習俗與食有關，他說：「我屋企新年會炸好多肉丸，而且會以不同形狀呈現變成不同菜式，食落其實係一樣，好搞笑！」

Vian自爆每年家人整蘿蔔糕時都會搗亂。