《二月廿九》好評如潮吳海昕：係我最俾心機嘅一次

HotTV

《二月廿九》好評如潮吳海昕：係我最俾心機嘅一次

2020年03月12日 13:00 最後更新：18:46

演員付出的血與汗，成就劇集好口碑。

吳海昕、徐天佑及劉俊謙主演的ViuTV愛情穿越劇集《二月廿九》熱播中，劇集好評如潮，吳海昕（Sofiee）剖白拍攝當中辛酸，並分享與劉俊謙飾及徐天佑合作的體驗。

點擊看圖輯

《二月廿九》劇照

吳海昕 (本網記者攝)

《二月廿九》劇照

吳海昕劇中飾演懂得穿越時空的張麗紗（Yeesa），角色性格一貫率真，愛幻想，當面對「神聖幾何學會」會長余家聰（劉俊謙飾）以及「暖男」Ryan（徐天佑飾）時，Sofiee坦言是一個相當難忘的合作體驗。「徐天佑係一個好有喜感嘅男仔，就算係講一句平常嘅說話，都會覺得佢好戇真、好單純，呢種男仔喺香港比較少見。佢好有鄰家男孩、暖男嘅感覺；至於劉俊謙，佢本身係一個開朗活潑嘅男仔，但佢在劇入面係一個心智成熟，理性思考嘅人，同真人好大分別。拍攝時，大家一齊喺北海道拍劇，大家都好凍，拍攝之前會一齊討論買暖包、著幾多件衫嘅事情。」

面對北海道非一般的凍，Sofiee表示拍劇時要做足保暖措施，「當時手腳痺晒，我本身都好怕凍，所以同導演要求著多幾件衫，我算好啦，男仔嘅戲服比較單薄，要比較強壯先得！另外，我有一場戲，第二日跑步就「拗柴」，左腳裂咗3條帶，好多追逐戲都係頂硬上，回到香港都即刻發炎。」

《二月廿九》令觀眾再一次認識吳海昕，Sofiee坦言對每一次拍劇的角色都非常珍惜，她認為「Yeesa」這個角色最立體，「呢次係我最俾心機嘅一次，事前一年同導演傾呢個角色，原本角色無咁多嘢。有一次，我同導演講想Yeesa畫余家聰同Ryan，之後導演真的請來了畫家描繪他們嘅肖像，好開心遇到一些導演唔會夜過塑造人物性格嘅機會，所以Yeesa呢個角色有我自己嘅影子，佢係鍾意幻想嘅女仔，唔喜歡現實，好樂天，希望透過劇集鼓勵大家勇敢踏前一步，選擇自己覺得啱嘅路。」

Make up: Fiona To
Hair: Zap Tang @Essensuals.hk
服裝提供: agnès b.

往下看更多文章

專訪｜親揭2025年個人大計盧瀚霆李駿傑將舉行個人騷

非常期待2025嘅Anson Lo同Jeremy！

香港人氣男團MIRROR各成員在龍年都有不同的舞台演出，來到蛇年，成員盧瀚霆（Anson Lo）與李駿傑（Jeremy）將尋求突破，準備跟韓國舞后宣美（Sunmi）在2月13日及16日，於亞洲國際博覽館Arena舉行《Katch the Pop SUNMI x ANSON LO x JEREMY》音樂會，以K-POP跳爆亞博。兩人接受《巴士的報》專訪時直指希望除了今次的港韓合作外，日後MIRROR能夠直接攻韓，登上韓國各大電視台頒獎典禮上演出，即使只是上打歌節目也心滿意足！

攻韓計劃指日可待！問到2025年大計，Anson Lo和Jeremy其實經已十分充實。Anson Lo率先透露：「今次我哋各自都會出專輯啦，full album同埋個人演唱會啦！我就會喺年尾舉行，不過未係跨年同聖誕節，太尾喇！聖誕節就留返大家去旅行，聖誕前就留俾我啦！」至於場地就暫未有定案，但他揚言希望能試試新場地表演！

專輯方面，Anson Lo則表示將收錄全新歌曲：「而家都仲不停錄緊音，但係album有幾多首歌嘅數目係有限，所以而家都仲諗緊有一兩首歌擺唔擺落去，啲歌嘅去留好重要呀！我哋做唔到16首full album，所以每首歌都要慎重考慮。呢個都係其中一個挑戰！但今次我哋都好好嘅，我同Jeremy都喺自己album度自身創作，參與程度好高，所以我哋背後返屋企係有好多功課要做。」

Jeremy首次出專輯 MIRROR繼續有新歌
近年積極擠身「上弦」的Jeremy也終於推出他的個人專輯和舉行個人演唱會。Jeremy開心表示：「今次算係自己正式賣飛嘅演唱會，對上一次係由MOOV去搞嘅一個音樂會啦，今次意義上係第一次嘅演唱會，所以自己都好緊張，好重視呢件事，都想買飛入場支持嘅觀眾都可以有好嘅反應，我都希望今次可以盡量俾到一個好嘅視覺或者好嘅音樂，成個體驗係俾到大家一個難忘嘅晚上。」

Jeremy再度補充：「除咗呢個大計，大家都會keep住出solo歌呀！MIRROR都會出歌呀，拍戲嘅就繼續拍戲呀！今年都會keep住好忙啦，希望可以做更加好嘅作品俾大家。」

對於要在過去一年的成績單上，選一項他們最難忘的標誌性演出，兩人都認為首選是MIRROR世巡。Anson Lo表示：「我上年其實係以騷為主，做咗好多唔同嘅表演，所以比較標誌性嘅項目就應該係MIRROR巡演，我哋史上未試過做嘅嘢，可以去到咁多唔同嘅地方，而我都有好難忘嘅嘢，今年嘅西九十首歌單有八首都係跳唱歌，雖然唔係一口氣地未停過咁唱，但都係一個體能嘅挑戰！嗰晚就好開心啦！表演跳唱得得好爽之餘，台下嘅觀眾同神徒都好have a very goodnight，都係我2024最美好嘅一晚！」

Jeremy則表示：「都係Tour，同《MATCHICAL LIVE 2024》，都算係同COLLAR第一次合作，出道咁多年都無同佢哋合作交流過，今次有一次好好機會認識芯駖、Winka同Marf，喺佢哋身上都學到好多嘢，同埋都好唔捨得今次呢個騷，大家都俾咗好多心機喺呢個騷度，都聽到好多好好嘅feedback，所以我覺得係好感動嘅呢件事，都覺得其實我哋咁努力去做呢件事，大家都係睇到嘅！」

因為今次的合作有突破，Jeremy更表示希望公司能給他跟Marf日後有出合唱歌的機會：「因為我好少同女artist咁樣合作，雖然之前都會有，但係偏純唱歌方面，但係今次係同佢嘅合作再close啲，因為我哋兩個一嚟都好鍾意K-POP，大家鍾意嘅嘢接近，所以溝通方面係好快，跟住佢喺身上面真係覺得佢跳舞真係好有型，個氛圍好好，咁我又唔想執輸，所以我又要push自己多啲，唔係想同佢競爭，但係起碼想拍得上佢，係想push自己多啲嘅感覺。」

盧瀚霆聽張繼聰意見上山吸地氣
MIRROR在龍年工作超級忙碌，Anson Lo曾提過希望生活與工作能夠做到平衡，達致Work-Life Balance ，他認為自己這方面做得不錯，甚至聽了前輩張繼聰意見，有時間抽空上山收集大自然靈氣，赤腳行草地十至三十分鐘吸地氣，他稱此舉有助舒緩身體炎症及趕走壓力！