郭家麒發文辱警煽動仇恨 前政府高官批評「十分討厭！」

香港經歷過去一年多的社會創傷及反覆的疫情，好多人開始明白到需要團結一致，同心同德，才能重建家園。之但係，總係有人唔搞分化、唔散佈仇恨言論就周身唔自在。

立法會議員郭家麒上周四(10月1日)曾在網上發文，並分享一張防暴警察在示威現場戒備及舉藍旗的相片，並在留言中侮辱警察係「一堆綠色物體」同「奴隷」，又惡意中傷警察，話佢哋係「甘心作為殘暴政權的走狗，打壓的都是香港人」。

警方面對郭家麒如此驚人言論，亦不客氣，在社交媒體發聲明譴責。警方發文指，留意到立法會議員郭家麒於其社交媒體專頁帖文，惡意中傷及羞辱警務人員，煽動仇恨，警隊予以嚴厲譴責。郭醫生理應明白遭受惡意中傷、誣告及侮辱自身專業的感受。為求政治目的不擇手段，肆意貶毀警員，實有違有德者及公職人員應有的道德操守，與醫者應有的高尚品格背道而馳，著實令人遺憾。

警方又指，自去年6月以來，警務人員一方面要應付真槍實彈、土製炸彈和汽油彈等致命武器的威脅，另一方面要面對惡意中傷、羞辱和起底。然而，警隊上下從未忘記初心和天職，一直堅守崗位，日以繼夜守護香港，以保護市民為己任。經歷過去一年多的社會創傷和反覆的疫情，香港現在需要的不是政治掛帥的人身攻擊，而是需要團結一致，同心同德重建家園。面對惡意中傷、羞辱和抹黑，警隊無畏無懼，會一如既往肩負守護香港的重任。

郭家麒的言論唔單止警方譴責，仲引來久未發聲的前政府高官批評。前商務及經濟發展局局長蘇錦樑（Greg So）在社交網站呼籲「給香港一點正能量，可以嗎？」阿Greg話：「離開政壇三年，一直享受著外間清新的空氣，見證各行各業一同在努力工作、抗疫、建設香港這個家。偶爾間看到政客還在兜售仇恨及分化，十分討厭！」Greg So離開政府後，已甚少就社會政治議題發表睇法，今次忍唔住發炮，可見郭家麒言論幾咁離譜。

蘇錦樑批評郭家麒言論

正所謂「良言一句三冬暖，惡語傷人六月寒。」古訓教導我哋要有口德，即係說話的道德，也就是不出口傷人，因為言語之惡，莫大於造誣。政壇八卦友話，郭家麒身為一名醫生，發布咁的言論，難免特別引起關注。

小鯊

** 博客文章文責自負,不代表本公司立場 **

港大校長張翔和校委會鬧得不可開交，校委會發公開函件，講到港大管治問題之後，張翔又馬上出聲明回應。校長這樣同校委會對著幹的情況，認真罕有。小鯊就和政界、高教界人士傾過，講到呢場港大風波，有兩個觀點值得分享。

第一，董事長與CEO。港大校委會主席王沛詩和校長張翔的關係，其實堪比私人機構的董事長和CEO的關係。董事長是董事會負責人，負責公司最高決策；CEO是公司行政首腦，負責日常管理。一般而言，CEO會自主運作，但遇到重大問題，都應該同董事會特別是董事長有商有量，得到董事會同意先至去馬。如果有私人機構的CEO，好似張翔咁樣，同董事長對著幹，相信早已經俾人炒咗魷魚。現在政府拉攏雙方溝通，港大校長張翔應該珍惜溝通協調的機會，不要繼續一意孤行。

哈佛大學校長蓋伊。

第二，外國校長為大局的退讓。有熟悉高校界運作模式人士就提到外國的例子，話作為大學校長，好多時都要面對各種類型的問題，有啲問題解決唔到，左右做人難，堅持做落去嘅話，可能會影響校園聲譽，好多校長會選擇犧牲自己，成全大學。其中一個例子就係哈佛大學校長蓋伊，佢係哈佛歷史上第一位非裔、第二位女性校長，到今年初的時候，上任不到半年，就因為學校內的支持巴勒斯坦示威，受到美國議員狙擊。佢曾經上過美國國會的聽證會作證，被議員圍插；更受到猶太裔的企業家追擊，威脅要停止對哈佛大學的捐款。最後蓋伊選擇犧牲自己、成全大學，喺今年1月初辭職。雖然好多人將佢的辭職同所謂論文抄襲風波扯上關係，其實嗰啲指控本身並無根據，但蓋伊唔想學校陷入困境，就選擇離職。

提到呢個例子，只係想點出，大學校長應該顧全校譽，唔一定要堅持己見，覺得自己啱晒。

呢一次港大風波中，各方人等都出黎做和事佬，但港大校長張翔就越講越激動，最後發佈的聲明更直指校委會「歇斯底里」。好似呢啲激動言辭，不斷同大學校委會對著幹，對大學又有乜好處呢？