前年11月初於太古城中心外1名中年漢陳真涉嫌拿刀襲擊多人，該區時任區議員趙家賢上前勸阻時遭咬甩左耳，陳真否認3項有意圖而傷人罪及1項普通襲擊罪，案件今日於高等法院續審。趙家賢戴着人工左耳出庭作供，他在庭上剖白心情，直言從政以來從未受襲，當時聽到「啪喇」一聲「永世都記得」，他到醫院準備接受手術時「情緒失控、爆喊」，當時心想「點解我想來幫手調解件事件，點解會咁暴力被受襲㗎？」
資料圖片
趙家賢交代案發地點太古城商場屬自己時任選區範圍，憶述案發當日本來在家整理文宣，收到助手通知商場內有公眾活動「有啲亂」，自己遂盡議員職責，晚上約6時半到場幫忙。當時大量公眾不滿警員進入私人商場，當中絕大部份為防暴警察，太古城商場間行車路上滿布市民及車輛，又有多名保安遭市民圍住大聲質問，群情洶湧。趙身為資深調解員遂在現場了解訴求排解紛爭，疏導交通容讓警車駛離。趙家賢觀看現場片段認出自己當日衣著，解釋自己偏好Adidas衣物，指自己今天到庭除身穿三間Adidas外套外，「𥚃面嗰件Adidas都係有3間」。
資料圖片
趙家賢續指當日市民情緒躁動，有居民亦有區外市民尖銳地質問，「對保安挑機」，自己認為保安當時不可能有回覆令大家滿意，遂以議員身分致電管理商場的太古地產公共事務部聯絡。趙家賢又提到當時市民之間有糾紛，有人說廣東話，亦有人廣東話帶鄉音，而基於自己政治立場溫和，「有啲來想挑機」，「言語上攻擊佢」。
資料圖片
趙家賢下午續作供指現場情況稍為安頓好後，便聽到商場西門有人大叫「要人呀！要記者呀！過來！」趙遂連同許多人急步趕去。出門後看見有一長髮女子流血，受傷倒地，另外有一名黑衣男「成身都係血，背脊好明顯俾人𠝹咗幾刀」。趙遂吩咐懂得急救的助手前往照顧傷者，右方則傳來「好大糾紛聲」。趙右轉即看見3至8名市民跟被告口角對峙，被告腳前有一把木柄刀。趙於當區服務超過10年，但從未見過被告，上前了解事件時問道「你做咩打人？」被告帶鄉音回應「我唔係打人，我係打狗」，又稱「我認得你，你係議員嘛」。當時現場仍有「好多爭執說話」，被告突然右腳大力「吔」向趙左邊跪地女士。趙隨即叫保安控制被告，將被告拍向牆，自己從後推保安協助。
被告拍牆時本來面向牆，與趙身後市民仍然口角，被告情緒激動，突然「成個身郁動，保安唔夠力，佢轉身向出，想兜過自己左面去打市民」，趙不欲形勢惡化，大聲說「唔好」，攤開身體，手垂低「叉開少少」，盡力阻止被告，但趙指被告「好大隻，阻唔到佢，個身過咗我，但將我拉返去身前面，左手捉住我右邊面，右手掂住我後腦，好似保齡球噉拉我個頭埋身，將我左耳拉近佢個口，咬咗落來，佢身材大隻，鉗住咗我對手，發唔到力推唔開，咬住咗，聽到『啪喇』一聲，咬完扯甩（隻耳仔）」。趙家賢憶述「咬完之後2、3秒先劇痛。佢將隻耳仔『lur』落地，又將我個頭拉埋去，想咬我隻右耳，我再有掙扎，（但）睇唔清楚，眼鏡承托唔到跌咗」。趙家賢又言當時「左手掩住隻耳，用右手推開佢，其他市民拉開咗佢」，二人分開後，大叫「呀！我隻左耳！我隻耳呀！」
趙家賢又交代自己近視逾500度，散光逾700度，描述被告身高比自己略高，又交代自己今年3月因「35+」初選案還柙，還柙前重210磅（95公斤），目前重約75公斤。被咬後趙家賢摸向左耳，感覺「痴立立」，因自己患有糖尿病。當時有義務急救員替趙尋回耳朵，放進保鮮袋內保存，而趙則「流血流到休克咁滯，義務急救員摑咗我幾巴，最後醒返」，其後消防到場包紮治理送院。事後醫生曾嘗試將左耳「駁咗50針，駁上去」，惟「血管駁唔到，一星期後左耳變黑壞死，（拆除後）用37針再聯返（傷口）」。趙家賢交代目前人工耳仍然「多窿罅位」，可即時拆除，無法佩戴掛耳式口罩，「一洗頭一定入水」。
趙家賢庭上剖析案發心情，指自己從政以來從未試過遭受暴力襲擊，當時聽到「啪喇」一聲「永世都記得」，本來「諗住攞身軀擋住佢，佢情緒躁動最多打我幾槌」，事發後趙心想「咩事發生！咩事呀？」，「情緒好迷惘、好驚」。到醫院準備接受手術時「情緒失控、爆喊」，醫生需時安撫自己，當時自己心想「點解我想來幫手調解件事件，點解會咁暴力被受襲㗎？」
被告陳真被控於2019年11月3日，在香港太古城太古城道18號太古城中心外，意圖使溫浩倫Louis、梁碧琪、趙家賢Andrew身體受嚴重傷害，而非法及惡意傷害3人；另被控於同日同地襲擊梁瑩瑩。
趙家賢左耳當晚被人咬甩。資料圖片
