18歲樂壇新人黃明德 作曲坦承自己反叛的過去

Dark自爆初中兩度留班兼記過。

以唱作人身份加入樂壇的英皇新人黃明德（Dark）昨日（28日）推出首支派台作品《留班同學》。歌曲由Dark及新晉音樂人K Tsang合作作曲、林若寧填詞，算是Dark的自白。

18歲的新人黃明德推出首支派台作品《留班同學》。

觀看相關影片按連結：https://youtu.be/EjghmCB6QGo

18歲的Dark是一名中五學生，曾於中一、中二兩度留班，貪玩、成績差是留班主因，出道的第一首歌，他決定用音樂分享自己，將自己最真實、最羞愧的一面寫進歌曲，更直截了當將歌名改為《留班同學》，「初中嘅我比較反叛，上堂瞓覺、唔交功課，甚至同幾個同學偷偷地喺學校過夜。最後俾學校記過兼留班收場。」

Dark自爆初中時因為比較反叛，所以曾被學校記過兼留班收場。

中學生涯留班兩次，自然被標籤成壞學生，Dark雖然不愛課本，但喜愛畫畫，更在哥哥的薰陶下，學起結他，從而愛上創作和表演，與同學自組樂隊擔任低音結他手。一次歌唱比賽，令他獲唱片公司賞識，簽約成為歌手。一直當低音結他手的他，執起咪高峰後有另一番成功感，坦言珍惜這個機會，並跟公司約法三章，「專注歌唱事業同時要兼顧學業，唔單止要完成中學課程，目標更要係大學大專。我相信大專嘅生活同體驗，可以為我日後嘅創作注入更多養份，為咗成為一個更好嘅創作人，我會盡力。」

Dark雖然不愛課本，但喜愛畫畫。

新歌除了是自己創作及自白，放諸近年香港兩年的抗疫日子，亦令大家產生共鳴，「今年我哋再次經歷兩年前嘅抗疫日子，甚至更令人沮喪，大家就好似喺過去兩年原地踏步，我哋都成為左《留班同學》。」另外，MV則以動畫呈現， Dark笑言自覺樣貌不討好，所以以動畫形式表達歌曲，「對於自己個樣冇自信，同埋演技麻麻。其實最主要係符合番我而家呢個年紀，動畫會比較容易接受同投入。為了令插畫師更了解自己對歌曲的想像和畫面，自己都畫咗啲story board參與。」為了配合動畫MV，Digital Cover亦以手繪畫製作。

Dark笑言自覺樣貌不討好，所以以動畫形式表達歌曲，自己都有畫story board參與。

除此之外，Dark認為自己在疫情期間出道，對於大眾認識自己亦有很多局限，所以逢星期三、六亦於自己社交平台開Live（IG: DarkWong0812），名為Dark Room Live。 提到首次開live，Dark坦言學到不少東西，亦發生蝦碌事，「突然間有啲技術上問題，影響到live嘅運作同埋自己嘅心理質素，不過喺呢件事上亦學識咗teamwork同埋信任。要相信團隊，就算發生問題，作為表演者首先係要專注番表演，其餘嘅事就係要相信同交俾團隊同埋幫自己嘅人處理。」

為了讓大眾認識自己，所以Dark逢星期三、六亦於自己社交平台開Live。

由於拍攝live的studio飼養多隻貓咪，令喜歡貓咪的Dark十分雀躍，「覺得成個氛圍好好，可以同佢哋玩吓，同埋有隻貓係咁拍我腳板底，因為我唱歌時，對腳會跟住拍張郁，可能佢以為我係玩具，所以係咁打我隻腳。」

大家都放低偶包去玩！

冤枉娛樂全新綜藝節目《枉推的孩子》第一集昨日（24日）上架，由黃明德（Dark）、曾傲棐（Arvin）及女團VIVA擔任主持，節目每集請來不同嘉賓齊齊大玩遊戲，輸的一隊需接受大懲罰。首集則由歌手主持先落場玩，最後投票選出「誰是老鼠屎？」最後接受大懲罰。

首先Dark及Arvin以猜包剪揼揀選隊友，最後Dark、VALC及Ada一隊；Arvin跟Carina、Macy一隊。完成分組後便開始第一個遊戲「溝tone障礙估歌仔」，每組派兩名隊員將節目組準備的歌詞翻譯成英文，另一名隊友要唱出中文歌詞，最少時間答對最多問題為之勝出。Dark一隊先玩，Ada負責估歌，第一首歌是張敬軒《櫻花樹下》，幾經努力，Ada估中第一句歌詞，去到第二句「無奈已經不可糾正」，Dark及VALC已經無計可施，在形容「經」這個字時，Dark突然說出「When you have period 」，全場立即爆笑，最後幾經辛苦才做中三句砍詞，不過仍然似在發夢的她卻問到：「咩歌嚟㗎？我點解一啲都load唔到？」眾人又再次爆笑。最後Dark一隊以近十七分鐘估中五首歌。輪到Arvin一隊，由於吸收了Dark一隊逐個字以英文讀出來的「失敗經驗」，Arvin隊的策略是以英文唱出來，結果非常理想，以十三分鐘估中六首歌勝出。

估歌仔場面爆笑

用英文歌詞去估真係一頭無緒

努力咁去諗

第二個遊戲「長氣歌手搏命唱」，顧名思義就是以接力方式，以一口氣鬥長氣方式唱歌，完成度最高的一組便贏，比賽歌曲是Gin Lee的《企好》，Arvin首先出賽，然後由Macy接力，不過Macy只唱了兩句便忍不住笑停了下來，之後她「投訴」受到Dark隊騷擾，「我啲氣用咗嚟笑，哈哈。」最後Dark一隊在同樣受到騷擾的情況下追回一局。為分出勝負，節目主理人枉阿姐表示兩個男生自己選一首歌，一口氣唱。二人選了陳奕迅的《富士山下》，Dark先唱，一口氣唱了三十二秒，論到Arvin，當他唱到十九秒便停下來，原來是因為隊友Macy想幫忙阻止敵隊的Ada騷擾Arvin，有「力王」之稱的Macy一手將Ada扯到地上，正在唱歌的Arvin見狀便忍不住大笑起來，結果反高潮地令自己隊敗陣。Dark邊笑邊說：「Ada你係專登仆㗎嘛？為咗贏仆心仆命，我哋呢組就係咁團結。」Arvin一隊已經笑到不行。

Dark先唱，一口氣唱了三十二秒，論到Arvin

互相騷擾

最後，Macy被投票選為「豬隊友」而接受大懲罰，Macy需要在一邊開着強項的吹風機下一邊食麵。願賭服輸的Macy亦玩得投入，不理醬汁被吹風機吹到一面都係兼面容扭曲，她仍不顧靚樣，大口大口地努力食麵，認真厲害。