黃明德作歌「鬧爆」同事 搵同學幫拖封隧道拍MV

唱作歌手黃明德（Dark）今日（9月16日）推出由自己作曲、小克填詞、Jerald監製及編曲的全新作品《框框》。

Dark表示這是他第一百零七首Demo，「每一首Demo我周不時都會聽番，睇吓邊首可以做到、邊首可以令公司揀中、邊首可以令其他歌手揀中，逐漸逐漸而家已經差唔多有三百首。」

Dark推出由自己作曲的新歌《框框》。

觀看相關影片按連結：https://youtu.be/zk0toMUc9l8

以往Dark亦參與自己作品的作曲部份，不過都是跟其他音樂人以合作形式發佈，這次是他真正以個人身份發佈的作品，而且是經過重重的篩選。創作期間，Dark更因為交了多首Demo都未能通過公司A&R同事一關，令二人起衝突，「我記得嗰陣時作咗好多首歌，佢首首都話唔得，有一次我燥燥地話：『咁你想要啲乜呀！』佢就話：『作一首鬧我嘅歌囉！』我記得好似用咗幾個鐘就作到，然後交俾佢，佢就話：『係囉！我就係要呢啲咋嘛！』嗱，講到好似鬧晒交，但其實我哋係好friend嘅，哈哈。」

Dark指今次是他真正以個人身份發佈的作品，而且是經過重重的篩選。

Dark坦言隨着寫歌的數量增加，他的創作方向愈見清晰，且愈有目的性，但當中亦有反思，「例如好想快啲俾人揀中、好想俾人認同自己嘅本事，但慢慢失去咗自己嘅元素，好多都唔係自己想表達嘅嘢。到而家出咗《框框》，先提醒番自己，寫歌最緊要表達到自己，任何創作都係。」

隨着寫歌的數量增加，Dark的創作方向愈見清晰，而且愈有目的性。

為配合歌曲，MV以行車隧道為拍攝的主場景，「有一個好似無盡嘅感覺，亦都好多謝公司嘅努力，可以借到呢條隧道拍MV。」除了隧道，Dark坦言最愛自己困在一個大盒內咪嘴的shot，「新奇又有趣，MV最尾我走出咗一個框框，但其實係走向一個更大嘅框框，所以最後嘅意義除咗係想同大家講要打破框框，其實呢個世界有無限咁多個框框俾你慢慢去打破，呢條路係有排行。」

新歌MV以行車隧道為拍攝的主場景。

MV最尾走出一個框框，但其實時走向一個更大的框框。

除此之外，MV中的演員原來全都是Dark的大學同學，不過由於拍攝時間緊迫，拍攝期間Dark未有太多時間跟同學互動，令他大感遺憾，「因為除咗拍MV，我都會影下啲相，拍一啲IG reels，我冇乜空閒時間同佢哋做一啲互動、傾偈，呢個係少少遺憾。同埋中間我有少少對唔住佢哋嘅，因為真係拍到Over run咗啦喺隧道，要開返條隧道行車，之後我直接走咗，冇同佢哋say Goodbye，本身諗住拍完後同佢哋食個早餐，但最後架車直接去我屋企，所以就冇咗件事，之後我淨係可以短訊同佢哋講：『今日辛苦你哋啦。』不過之後會請佢哋飲咖啡、食吓魚蛋燒賣。」

MV中的演員原來全都是Dark的大學同學。

MV中的演員原來全都是Dark的大學同學。

大家都放低偶包去玩！

冤枉娛樂全新綜藝節目《枉推的孩子》第一集昨日（24日）上架，由黃明德（Dark）、曾傲棐（Arvin）及女團VIVA擔任主持，節目每集請來不同嘉賓齊齊大玩遊戲，輸的一隊需接受大懲罰。首集則由歌手主持先落場玩，最後投票選出「誰是老鼠屎？」最後接受大懲罰。

首先Dark及Arvin以猜包剪揼揀選隊友，最後Dark、VALC及Ada一隊；Arvin跟Carina、Macy一隊。完成分組後便開始第一個遊戲「溝tone障礙估歌仔」，每組派兩名隊員將節目組準備的歌詞翻譯成英文，另一名隊友要唱出中文歌詞，最少時間答對最多問題為之勝出。Dark一隊先玩，Ada負責估歌，第一首歌是張敬軒《櫻花樹下》，幾經努力，Ada估中第一句歌詞，去到第二句「無奈已經不可糾正」，Dark及VALC已經無計可施，在形容「經」這個字時，Dark突然說出「When you have period 」，全場立即爆笑，最後幾經辛苦才做中三句砍詞，不過仍然似在發夢的她卻問到：「咩歌嚟㗎？我點解一啲都load唔到？」眾人又再次爆笑。最後Dark一隊以近十七分鐘估中五首歌。輪到Arvin一隊，由於吸收了Dark一隊逐個字以英文讀出來的「失敗經驗」，Arvin隊的策略是以英文唱出來，結果非常理想，以十三分鐘估中六首歌勝出。

估歌仔場面爆笑

用英文歌詞去估真係一頭無緒

努力咁去諗

第二個遊戲「長氣歌手搏命唱」，顧名思義就是以接力方式，以一口氣鬥長氣方式唱歌，完成度最高的一組便贏，比賽歌曲是Gin Lee的《企好》，Arvin首先出賽，然後由Macy接力，不過Macy只唱了兩句便忍不住笑停了下來，之後她「投訴」受到Dark隊騷擾，「我啲氣用咗嚟笑，哈哈。」最後Dark一隊在同樣受到騷擾的情況下追回一局。為分出勝負，節目主理人枉阿姐表示兩個男生自己選一首歌，一口氣唱。二人選了陳奕迅的《富士山下》，Dark先唱，一口氣唱了三十二秒，論到Arvin，當他唱到十九秒便停下來，原來是因為隊友Macy想幫忙阻止敵隊的Ada騷擾Arvin，有「力王」之稱的Macy一手將Ada扯到地上，正在唱歌的Arvin見狀便忍不住大笑起來，結果反高潮地令自己隊敗陣。Dark邊笑邊說：「Ada你係專登仆㗎嘛？為咗贏仆心仆命，我哋呢組就係咁團結。」Arvin一隊已經笑到不行。

Dark先唱，一口氣唱了三十二秒，論到Arvin

互相騷擾

最後，Macy被投票選為「豬隊友」而接受大懲罰，Macy需要在一邊開着強項的吹風機下一邊食麵。願賭服輸的Macy亦玩得投入，不理醬汁被吹風機吹到一面都係兼面容扭曲，她仍不顧靚樣，大口大口地努力食麵，認真厲害。