香港演藝學院舉辦、太古集團贊助嘅特區成立二十五周年音樂會早前圓滿落幕，但藝術交流計劃未完！佢哋同日宣佈成立「大灣區青年管弦樂團」，將會喺香港、廣州及澳門招募並遴選，揀選約八十至一百位、年齡介乎十六至二十四歲年輕音樂家，藉參與樂團訓練，互相學習觀摩、交流，別具意義。Kelly相信，被揀中嘅年輕樂手，經專業培訓，一定可以提升演奏水平。有興趣嘅朋友要把握機會！
計劃中，被選中嘅優秀樂手，可以喺香港演藝學院接受專業培訓，並獲演出及交流機會，以提升大灣區管弦樂演奏水平。香港太古集團有限公司主席白德利話，能夠透過支持此嶄新計劃，推動香港成為亞洲文化創意，感到振奮。香港演藝學院校長蔡敏志教授話：「榮幸宣佈演藝學院與太古集團成立大灣區青年管弦樂團，為區內優秀的年輕音樂家提供獨一無二的培訓機會，讓他們盡展所長。」
Kelly Chu