黃明德指錄音時純粹地回想以前跟女友拍拖時的種種畫面，又或是跟着歌詞去表達情緒，自以為情感十足，但監製徐浩一點也感受不到。
唱作歌手黃明德（Dark）今年首支派台作品《自我反省》正式上架。剛上大學的Dark正值成長中自我探索的階段，面對戀愛，同樣也是個新鮮人，未有十足經驗。於是Dark便想到《自我反省》主題，在新的一年，跟大家從錯誤中學習，愛一個上一課。
點擊看圖輯
黃明德推出今年首支派台作品《自我反省》。
《自我反省》是Dark第一首的慘情歌。
Dark自言新歌是自己一段感情的記錄。
Dark在錄音時很純粹地回想以前跟女友拍拖時的種種畫面。
不過監製徐浩直言一點也感受不到Dark的傷心。
Dark今次成功向監製爭取後製自己和音。
黃明德推出今年首支派台作品《自我反省》。
觀看相關影片按連結：https://youtu.be/9etRqhHn4N0?si=jJ6DngezTKs6_TYj
第一次擁有自己的一首的慘情歌，Dark自言是自己一段感情的記錄，歌曲是他自己真實的戀愛經驗，「之前中學有一個女朋友，但上到大學就分咗手。喺呢段期間，我發現咗原來自己好多時候有啲好幼稚嘅行為或者做得唔好，突然間覺得好似如果每段關係都重蹈覆轍，冇理由真係等到一個適合自己嘅人㗎嘛，咁之後都係令到對方難受，不如自己每次一段關係完咗之後，都自我反省一下，改變自己，或者令到自己成為一個更好嘅人去prepare下一段感情。」
《自我反省》是Dark第一首的慘情歌。
Dark自言新歌是自己一段感情的記錄。
錄音期間亦發生不少趣事，由於歌曲寫自己的經歷，所以在錄音時，Dark很純粹地回想以前跟女友拍拖時的種種畫面，又或是跟着歌詞去表達情緒，自以為情感十足，但監製徐浩（Terry）一點也感受不到，「監製話：『雖然你唱得好，但你話對呢份歌詞好有感覺，我又feel唔到……』，唱live你會有body movement、表情，會令到觀眾更加投入，但喺錄音嘅時候淨係聽把聲，呢個時候唱歌技巧、dynamic、咬字點樣處理就非常之重要。樣樣嘢加埋一齊，觀眾就真係feel到你感受。我一開頭就好似自high咁，純粹自己覺得好傷心，但係原來聽唔出有乜分別，呢樣就係Terry幫得我最多。」
Dark在錄音時很純粹地回想以前跟女友拍拖時的種種畫面。
不過監製徐浩直言一點也感受不到Dark的傷心。
一直有個幕後人夢、渴望將來能一手包辦歌曲創作的Dark，今次亦成功向監製爭取後製自己和音的機會，「只要唔係一啲好複雜嘅melody，我就好快可以編到和音，Terry都知道我有呢個能力，就交俾我編。和音自己錄、自己編，同埋自己剪，好多謝Terry俾呢個機會我去做後製，因為我覺得呢個都係base on一個信任。」
Dark今次成功向監製爭取後製自己和音。
