劉嘉玲「金龍蝦」造型勁搶鏡原來「暗藏乾坤」性感度爆燈

HotTV

劉嘉玲「金龍蝦」造型勁搶鏡原來「暗藏乾坤」性感度爆燈

2024年04月15日 23:00 最後更新：04月16日 14:41

第42屆香港電影金像獎已於昨晚（4月14日）圓滿結束，梁朝偉憑《金手指》第六度奪得影帝殊榮，再創香港電影歷史！不過，梁朝偉因工作未能親身頒獎，便由擔任頒獎嘉賓的影后太太劉嘉玲代為領獎，而劉嘉玲當晚的金色龍蝦Look亦成為焦點，今日（4月15日）她再在社交網分享靚相，原來「龍蝦」下暗藏乾坤！

劉嘉玲昨晚先以白色禮服現身紅地氈，之後換上黑色Tube dress搭配金色耳環，以及金色龍蝦頸鏈上台頒發「最佳新演員」及「新晉導演」，之後再代身處德國拍戲的老公梁朝偉上台領取影帝獎座，兩公婆恩愛又搞笑互動成為全場焦點，但都不及劉嘉玲戴著的龍蝦頸鏈搶鏡，不少網民都指劉嘉玲的龍蝦Look是致敬葉德嫻在《與龍共舞》中的造型。

點擊看圖輯

Schiaparelli 2024春夏新款以海洋生物為元素，除了龍蝦，還有螃蟹頸鏈，以及魚骨、海膽等。

更多相片

ViuTV截圖

劉嘉玲先以白色禮服現身紅地氈。

劉嘉玲與梁朝偉恩愛又搞笑互動成為全場焦點。

ViuTV截圖

葉德嫻在《與龍共舞》中的造型。

「龍蝦」下暗藏乾坤！

原來劉嘉玲的晚裝是「中門大開」的設計。

非常性感！

Schiaparelli 2024春夏新款以海洋生物為元素，除了龍蝦，還有螃蟹頸鏈，以及魚骨、海膽等。

劉嘉玲今日再在IG分享昨晚的靚相，並標籤了老公梁朝偉，留言道：「Well deserved（應得的）。」相中可見，原來「龍蝦」下暗藏乾坤，劉嘉玲昨晚的晚裝是「中門大開」的設計，她將龍蝦拿開後，圓渾酥胸盡現人前，性感度爆燈！

事實上，劉嘉玲身上造型均是出自有接近百年歷史的意大利高級品牌Schiaparelli 2024春夏新款，而這條金色龍蝦頸鏈就價值9,900歐羅（約8.27萬港元）！

往下看更多文章

金像獎2025 | 劉嘉玲頒發「最佳男主角」逐個點名放閃梁朝偉：真係好靚仔

「第43屆香港電影金像獎」頒獎典禮27日在文化中心舉行，今年「最佳男主角」繼續由劉嘉玲頒發，她笑指：「係呀！又係我，我本身係嚟陪梁生嚟頒獎，但就收到小寶打電話俾我，叫我幫手頒獎。佢話『係呀！呢個獎你頒係最適合！』我的確對最佳男主角眼光獨到，嚟緊呢幾年都係我負責頒，所以你哋呢班提名最佳男主角嘅後生仔，記得叫聲嘉玲姐！」她更論盡5位有份入圍角逐影帝的人選，言論非常有趣，即令討論區火速洗版。

劉嘉玲直言演技方面不用來評，她是來評論「樣貌」，她表示自己細細個已經看許冠文做戲，「你已經打扮好成熟，我好佩服你嘅遠見，好有策略性將以前年紀同依家個年紀拉近距離，咁多年都冇見你變個樣，到依家都冇眼紋、頸紋，真係羨慕死人！」

談到劉青雲時，當她想講「異曲同工之妙」時卻罕有講錯「異工同曲」，續指跟劉青雲都是電視台訓練班同學，「我個時已經覺得青雲大過我好多！但咁多年都冇老過，係咪皮膚黑啲襟老啲呢？古仔係咪呀？怪唔知你成日曬燈！」

講到郭富城，她就指城城太靚仔：「你知唔知身上有個缺點？就係你無缺點！你係完美！城城，我話你知，你唯一缺點係太靚仔，太靚仔好阻礙演技。」台下即傳來「梁朝偉都好靚仔」，嘉玲姐即答：「梁朝偉係好靚仔，但梁朝偉好在唔知自己好靚仔，同埋佢唔介唔介意自己好靚仔。」她直言老公不介意自己靚唔靚仔，更指他兩鬢斑白，大爆叫老公染髮都唔肯染髮，續指城城是知道自己好靚仔，亦好介意自己是否靚仔，但今次在電影扮哨牙仔，認為演員要像他一樣勇於突破自己。