劉嘉玲半山晨跑狀態極佳纖幼的美腿相當吸睛

Video Player is loading.

Current TimeÂ 0:00

DurationÂ -:-

Loaded: 0%

Stream TypeÂ LIVE

Remaining TimeÂ 0:00

娛圈事

劉嘉玲半山晨跑狀態極佳纖幼的美腿相當吸睛

2025年02月26日 12:00 最後更新：13:40

現年59歲的影后劉嘉玲近期忙於舞台劇《香港式離婚》，一向熱愛運動的她近期被網民偶遇在半山晨跑，狀態極佳，纖幼的美腿相當吸睛！

日前有網民在半山寶雲道晨跑偶遇劉嘉玲，將照片分享社交平台，並留言：「香港偶遇劉嘉玲上周，爬山的間隙，正在欣賞風景，一個美女在我眼前跑過來，定睛一看是：劉嘉玲！姐姐戴著耳機，一身黑衣，好高好瘦(比電視上瘦)，輕盈地跑過去了。回過神，拍了個背影照，沒打擾，也沒見到男神梁朝偉，哈哈。」相中可見，劉嘉玲身穿黑色運動外套及黑色緊身褲，正在跑步的背影雙腿纖幼，驚艷大批網民。網民留言：「Fit到咁！」、「怎麽跑步小腿才不會變粗呢？」、「這雙腿絕了」、「姐姐身材實在太好了」、「又高又瘦」、「腿真好看」、「背影好美」。

往下看更多文章

金像獎2025 | 劉嘉玲頒發「最佳男主角」逐個點名放閃梁朝偉：真係好靚仔

「第43屆香港電影金像獎」頒獎典禮27日在文化中心舉行，今年「最佳男主角」繼續由劉嘉玲頒發，她笑指：「係呀！又係我，我本身係嚟陪梁生嚟頒獎，但就收到小寶打電話俾我，叫我幫手頒獎。佢話『係呀！呢個獎你頒係最適合！』我的確對最佳男主角眼光獨到，嚟緊呢幾年都係我負責頒，所以你哋呢班提名最佳男主角嘅後生仔，記得叫聲嘉玲姐！」她更論盡5位有份入圍角逐影帝的人選，言論非常有趣，即令討論區火速洗版。

劉嘉玲直言演技方面不用來評，她是來評論「樣貌」，她表示自己細細個已經看許冠文做戲，「你已經打扮好成熟，我好佩服你嘅遠見，好有策略性將以前年紀同依家個年紀拉近距離，咁多年都冇見你變個樣，到依家都冇眼紋、頸紋，真係羨慕死人！」

談到劉青雲時，當她想講「異曲同工之妙」時卻罕有講錯「異工同曲」，續指跟劉青雲都是電視台訓練班同學，「我個時已經覺得青雲大過我好多！但咁多年都冇老過，係咪皮膚黑啲襟老啲呢？古仔係咪呀？怪唔知你成日曬燈！」

講到郭富城，她就指城城太靚仔：「你知唔知身上有個缺點？就係你無缺點！你係完美！城城，我話你知，你唯一缺點係太靚仔，太靚仔好阻礙演技。」台下即傳來「梁朝偉都好靚仔」，嘉玲姐即答：「梁朝偉係好靚仔，但梁朝偉好在唔知自己好靚仔，同埋佢唔介唔介意自己好靚仔。」她直言老公不介意自己靚唔靚仔，更指他兩鬢斑白，大爆叫老公染髮都唔肯染髮，續指城城是知道自己好靚仔，亦好介意自己是否靚仔，但今次在電影扮哨牙仔，認為演員要像他一樣勇於突破自己。