娛圈事
金像名導杜琪峯於4月22日迎接70大壽，於中環一家餐廳舉辦生日宴，現場星光熠熠多位影壇巨星前來祝賀，劉嘉玲梁朝偉周潤發的3人同框相，令網民激動喊「金三角！新紮師兄續集！」又大讚三人在劇集播出後40年後重逢，狀態依舊。
杜Sir與太太黃寶玲與梁朝偉、劉嘉玲夫婦合照
掀《新紮師兄》回憶殺
發哥與劉嘉玲和美術大師張叔平合照
劉嘉玲貼出與梁朝偉及杜琪峯夫婦的合照，送上生日祝福：「相識四十載，由電視劇《鹿鼎記》結緣，生日快樂杜Sir！」此外，影帝黃秋生亦發文，更貼出與張耀揚、林雪碰杯相：「鎗火兄弟，江湖再見。」
黃秋生、林雪、張耀揚亦有出席
「第43屆香港電影金像獎」頒獎典禮27日在文化中心舉行，今年「最佳男主角」繼續由劉嘉玲頒發，她笑指：「係呀！又係我，我本身係嚟陪梁生嚟頒獎，但就收到小寶打電話俾我，叫我幫手頒獎。佢話『係呀！呢個獎你頒係最適合！』我的確對最佳男主角眼光獨到，嚟緊呢幾年都係我負責頒，所以你哋呢班提名最佳男主角嘅後生仔，記得叫聲嘉玲姐！」她更論盡5位有份入圍角逐影帝的人選，言論非常有趣，即令討論區火速洗版。
梁朝偉劉嘉玲夫妻檔亮相（本網記者攝）
劉嘉玲負責頒發最佳男主角
劉嘉玲直言演技方面不用來評，她是來評論「樣貌」，她表示自己細細個已經看許冠文做戲，「你已經打扮好成熟，我好佩服你嘅遠見，好有策略性將以前年紀同依家個年紀拉近距離 ，咁多年都冇見你變個樣，到依家都冇眼紋、頸紋，真係羨慕死人！」
講起許冠文
談到劉青雲時，當她想講「異曲同工之妙」時卻罕有講錯「異工同曲」，續指跟劉青雲都是電視台訓練班同學，「我個時已經覺得青雲大過我好多！但咁多年都冇老過，係咪皮膚黑啲襟老啲呢？古仔係咪呀？怪唔知你成日曬燈！」
續指跟劉青雲都是電視台訓練班同學
講到郭富城，她就指城城太靚仔：「你知唔知身上有個缺點？就係你無缺點！你係完美！城城，我話你知，你唯一缺點係太靚仔，太靚仔好阻礙演技。」 台下即傳來「梁朝偉都好靚仔」，嘉玲姐即答：「梁朝偉係好靚仔，但梁朝偉好在唔知自己好靚仔，同埋佢唔介唔介意自己好靚仔。」她直言老公不介意自己靚唔靚仔，更指他兩鬢斑白，大爆叫老公染髮都唔肯染髮，續指城城是知道自己好靚仔，亦好介意自己是否靚仔，但今次在電影扮哨牙仔，認為演員要像他一樣勇於突破自己。
讚城城靚仔
順便放閃梁朝偉
講起游學修，劉嘉玲大讚前一排見到他都很青靚白淨，並問為何這幾年變得如此殘？她續說︰「呀！你個台唔玩！」隨即令全場爆笑。嘉玲姐安慰︰「唔緊要！最重要諗清方向，向前行，唔好笑！認真做！」她又將王晶金句「人肥歌雞舞賤」改成「人chok歌精舞勁」來形容林峯，並希望他做番自己，繼續chok落去。
游學修
