曾傲棐反轉創作文青feel 玩動漫cosplay獲讚神還原

有潛質做cosplayer！

今年唱作男新人曾傲棐（Arvin）早前為「《Z世代咪高峰Show》@香港動漫電玩節」任表演嘉賓，當日一踏入會場，Arvin已表現興奮，原來平日斯文玩音樂充滿文青feel的他，私下熱衷動漫。剛完滿結束的動漫節，他更與朋友cosplay，到不同攤位打卡、又與youtuber「EG」翻拍動漫片，其中一條短片更達百萬views，反差萌極大，認真估佢唔到。

Arvin早前為香港動漫電玩節任表演嘉賓。

原來Arvin私下熱衷動漫。

與youtuber「EG」拍攝的其中一條短片達百萬views。

今次Arvin cosplay兩個角色，分別是「防風少年 - 十龜条」及「葬送的芙莉蓮 - 欣梅爾」，「自己好鍾意睇啲比較多心靈描寫嘅動漫，《防風少年》同《葬送的芙莉蓮》好多情節都剛好擊中我內心最柔軟嗰部份，所以揀咗Cosplay兩位故事線嘅主人翁。」雖然熱衷動漫，不過原來今年是他首次cosplay，但已表示上癮，「我諗之後有時間有機會嘅話都會繼續玩，哈哈。」

Arvin又cosplay了《防風少年》的「十龜条」。

以及《「葬送的芙莉蓮》的「欣梅爾」。

首次玩cosplay，不少網民都大讚神還原，Arvin坦言自己並非專業coser，所以事前都有翻看動畫參考細節，盡做咁話，更預告「唔算係神還原，只係拎咗角色外形神緒盡做。今次化妝連換衫整頭一個鐘多啲，最耐反而係戴con，今次係我第一次挑戰，戴咗二十五分鐘，第二日用咗兩分鐘就戴到，戰勝恐懼嘅感覺真好！」

Arvin是首次玩cosplay。

獲不少網民都大讚神還原。

至於拍動漫劇情片，原來是即興，亦令Arvin十分難忘，「係突然之間忽發奇想！雖然現場人來人往，俾人望住都唔係話唔尷尬。但見到成品後，我同班朋友都好開心。都多謝我一句今年想Cosplay成班一樣冇經驗嘅朋友二話不說陪我癲。」

影片截圖

影片截圖

影片截圖

影片截圖

影片截圖

影片截圖

Gin Lee李幸倪日前跟今年樂壇男新人曾傲棐（Arvin）開啟「學校巡迴運動比賽」，首站二人到九龍塘真光中學進行羽毛球比賽，劉若寶（Polly）擔任主持。

Gin Lee與Arvin開啟「學校巡迴運動比賽」。

Polly擔任主持。

比賽共有三個回合，第一回合是Gin跟Arvin分別跟一名學生各自組隊，進行雙打比賽中；第二回合Gin跟Arvin繼續對戰，不過數增加到四對四；最後一個回合，Gin跟Arvin組成「EEG All Star隊」對戰「真光隊」進行雙打，總成績將會計入「龍虎榜」，二人將會遊走各區學校巡迴，巡迴比賽完結後，Gin跟Arvin便會到獲得最高分的學校唱歌表演。

比賽共有三個回合。

第一回合是Gin跟Arvin分別跟一名學生各自組隊雙打。

第二回合數增加到四對四。

最後一個回合則是Gin跟Arvin組成「EEG All Star隊」對戰「真光隊」進行雙打。

為了爭取兩位歌手到校演出，真光隊派出羽毛球校隊成員出戰，希望爭取勝利﹐不過當日打的羽毛球是放大版，最後EEG隊險勝。平時做開gym、行山的Gin賽後表示：「琴日學校雖然派出羽毛球隊迎戰，有少少淆底。我即刻喺側邊練吓波、攞吓個感覺。因為我哋打呢個唔係一般嘅羽毛球，唔係咁簡單，哈哈，可能平時唔叻就會ok handle到，平時好叻嗰啲反而會俾你一個巨型嘅羽毛球同埋球拍耽誤咗，所以我哋就誤打誤撞險勝，贏咗少少。」而有打開籃球的Arvin自爆有秘密練兵，「前排有條癮想打吓羽毛球，又真係約咗朋友出嚟打。就當係秘密練吓兵啦。」

EEG隊最後險勝！

比賽時間正值lunch time，雖然眾人於三十四度高溫下作賽，但同學們都在場外落力為大家打氣，氣氣熾熱。Gin跟Arvin均表示未有在曝曬的情況下影響發揮，Gin笑言：「絕對冇！冇發揮就係最好嘅發揮。」Arvin坦言靠隊友carry，「當然下次有番冷氣，我嘅表現應該會出眾啲。」

比賽時間正值lunch time，同學們都在場外落力為大家打氣。

這次的校園比賽，二人都謂勾起學生時代熱血的回憶，Gin回想起自己在田徑隊及排球隊時的訓練，「都係烈日當空、冇怨言咁樣去訓練，所有嘅skills都係咁樣每一日用血汗換返嚟，好多呢啲好開心嘅回憶。」Arvin亦想到以前學校鐘聲一響便衝到籃球場打波，「打到身水身汗又上返去課室晾番乾個人，成日都會因為咁樣攝親。嗰日完全有番嗰種青春揮灑汗水嘅感覺。」

Gin和Arvin不停為同學們簽名然及合照。

Gin和Arvin不停為同學們簽名然及合照。

Gin和Arvin不停為同學們簽名然及合照。

接下來二人將會繼續四出向各學校「挑機」，Gin坦言希望她的出現可以令學生們感受到她為他們打氣，「因為我覺得而家學生嘅壓力實在太大，所以我哋出少少綿力去幫佢哋打氣，呢個都好緊要。賽後感受就係下次我會記得搽防曬㗎啦唔該晒，哈哈。」

Gin表示希望她的出現可以令學生們感受到她為他們打氣。

Arvin則謂本來以為這些玩具羽毛球會「好流」，「點知冇錯真係好流，但係原來好流嘅係我。第一次玩都真係有啲手腳唔協調，但係唔緊要，我會返去偷偷地練習再返嚟復仇、一雪前恥㗎啦！同埋同學們嘅熱情、笑容真係好有感染力。」至於比賽主持Polly，於比賽完結回到家後，即頭暈兼嘔吐，「仲有啲腳步浮浮，我諗我應該中咗暑，哈哈，之後都即刻飲番多啲水，瞓番一晚就冇事啦。」

主持Polly曝曬中暑。