李幸倪飛身救波撞傷膝頭 曾傲棐母校作賽「放水」

這次二人去到Arvin母校「天水圍香島中學」。

早前，Gin Lee李幸倪及曾傲棐（Arvin）開啟「學校巡迴運動比賽」，向全港學校挑機大版羽毛球，日前來到第二站，這次二人去到Arvin母校「天水圍香島中學」。

，日前來到第二站，這次二人去到Arvin母校「天水圍香島中學」。

比賽當日Arvin特意比原定的集合時間到達學校，原來是為了爭取時間先跟校長及老師們影相兼傾偈，隨後一眾師弟妹進入禮堂見到Arvin後，亦一擁而上爭相合照。受到師生們的歡迎，Arvin坦言十分幸福，「⁠⁠我覺得我係幸運嘅，亦都係幸福嘅。我成日都覺得離開咗一個地方、暫別咗一個社群之後俾人記得係一種福份。尤其好多都係喺我成長路上對我嚟講好重要嘅老師。我好珍惜呢份緣份，多謝佢哋令到我有種『哎呀你返嚟啦』嘅感覺。」

大合照

羽毛球賽制，共三個回合，分別有歌手跟學生對打、亦有歌手隊對戰學校隊，總成績將計入「龍虎榜」，巡迴比賽完結後，Gin跟Arvin便會到獲得最高分的學校唱歌表演。比賽期間，Gin十分投入，除了「食波餅」，更飛身救波撞瘀膝頭，「而家行路都仲有啲痛。好開心，見到啲同學仔，可以同佢哋一齊互動，佢哋嘅反應又非常之熱情，所以我就興奮得滯，都提咗自己唔好咁搏命㗎啦。」除了因為同學們的熱情，Gin笑說懷疑Arvin有「放水」 之嫌，「由於我嘅隊友Arvin有可能、懷疑佢想偏幫佢嘅母校，想最後可以返嚟唱歌，所以為咗公平多少少，我就出多少少力咁囉，哈哈。」就連比賽主持劉若寶（Polly）亦，「我咁啱企喺Arvin個位，我睇到個波明明喺佢附近，佢係好輕易就接到，但係佢特登打歪少少，因為平時我見佢打波都好勁，啲波基本上佢都接得晒，但係唯獨有幾球無啦啦接唔到，仲要俾啲好驚訝嘅反應，可能真係唔覺意放咗少少水。希望Arvin佢會反省吓啦，哈哈。」面對「指控」，Arvin未不否應，笑道：「回鄉探親點都要讓少少嘅！但係童叟無欺，我向燈火發誓淨係讓咗兩球，其他都係全力以赴㗎，只不過係技不如人、狀態不佳，抱歉各位，嗚嗚⋯⋯」

分別有歌手跟學生對打、亦有歌手隊對戰學校隊，總成績將計入「龍虎榜」

分別有歌手跟學生對打、亦有歌手隊對戰學校隊，總成績將計入「龍虎榜」

分別有歌手跟學生對打、亦有歌手隊對戰學校隊，總成績將計入「龍虎榜」

分別有歌手跟學生對打、亦有歌手隊對戰學校隊，總成績將計入「龍虎榜」

分別有歌手跟學生對打、亦有歌手隊對戰學校隊，總成績將計入「龍虎榜」

巡迴比賽完結後，Gin跟Arvin便會到獲得最高分的學校唱歌表演。

同大家合照

同大家合照

已畢業五年的Arvin回到母校進行活動，感受特別深，「今次我自己行上禮堂，可能因為曾經日日都喺到返學放學。就算隔咗五年返嚟個感覺好似琴日先行完咁，人生真係第一次有呢個咁奇妙嘅感覺。好似乜都變咗好多，但係又乜都冇變。」比賽結束後，Arvin在校園內遊走一遍，「⁠⁠因為驚影響到同學上堂，所以範圍好有限咁行咗一轉學校，仲咁啱撞到自己中學嘅同班同學，有啲係嚟見工，有啲就已經係返番嚟母校做老師，個感覺好奇妙，大家用唔同身份再聚首一堂係有種令人為之動容嘅力量。」

三人合照

Gin係找數真滿子！

李幸倪Gin Lee於半年前為網上平台「JFFLIVE音樂擂台」擔任嘉賓，除了跟主持chit chat吹水，又跟phone in網民battle唱足三粒鐘，玩到凌晨，除了被網民大讚貼地，直播更達萬人收看，打破平台開台以來紀錄。期間周殷廷（YT）「牽紅線」大推素人歌手Rio跟Gin出合唱歌，當時Gin爽快答應會拿自己今年出歌的一個Quota跟Rio合作，網民都紛紛叫好。

Gin兌現承諾，與素人歌手Rio推出合唱歌！

事隔半年，昨晚（11月19日），二人合作的單曲《無彩色》正式上架，網民除了大讚Gin是「找數真滿子」，又留言：「音樂擂台做左咁耐有過咁多個歌手上黎做嘉賓，從來冇一個歌手肯用自己公司資源去同一個素人觀眾出歌，就淨係得Gin Lee做到，Gin Lee令到Rio同我地夢想成真，我地都係時候幫番佢夢想成真」、「真係 全年5首歌quota其中一個比咗Rio」、「多謝ginlee願意用公司資源同rio出歌，多謝YT大哥搭線促成呢個壯舉，兩個到好值得支持 5000人睇咗直播，一人一票送ginlee YT JFYT 上叱吒5強啦！」

網民留言

網民留言

網民留言

觀看相關影片按連結：https://youtu.be/VmM8KKOWx4Y

Gin昨晚又強勢回歸「JFFLIVE音樂擂台」宣布及首唱二人合唱歌曲《無彩色》。Gin表這次身兼兩職，除了負責唱的部份，亦是這次歌曲的producer，她憶述這次製作歌曲經過重重困難，「我、Rio、YT三個經過好多嘅溝通，如果我同Rio合作，究竟會係一首點樣嘅歌？concept、題材、musical style等等。as一個producer，我真係需要了解Rio多少少，所以我哋傾咗好多次電話，甚至乎會傾一啲好Deep嘅嘢，亦都好多謝Rio嘅信任。」

Gin強勢回歸「JFFLIVE音樂擂台」。

歌曲填上全日文歌詞，Gin透露最初的構思是自己唱廣東話、Rio唱日文，但最後決定全日文演唱。為了這首歌曲，錄音前及錄音期間，Gin特別找來日文老師「監聽」，「呢首歌係我史上錄得最不安嘅一首歌，因為我judge唔到自己唱成點，唔知道個韻味或者accent啱唔啱，老實講我都好驚㗎，但係我都盡我所能去錄，錄完即刻send俾老師聽，佢ok我先再move on。」

Gin指由於歌曲是用全日文演唱，所以是她史上錄得最不安的一首歌。

歌名《無彩色》，Rio代表「無」、黑白的部份；Gin代表「彩色」部份，Gin表示跟Rio傾談時，感受到她的恐懼、不安及沒信心，但Gin每一次都盡力給Rio鼓勵，「俾佢大膽去express自己，大膽啲想講自己嘅心底說話。經過半年時間，我哋排除萬難去做咗一首歌出嚟，真係好唔容易。所以我同Yan（YT）都好想Rio明白一樣嘢，就係要相信自己多啲。」Rio表示這次的合作可能是「可一不可再」，十分珍惜這次合作。首唱前，Gin帶定頭盔並笑說：「如果甩咗唔好笑我呀，因為呢首唔係慢歌，我會睇唔切啲字㗎，哈哈。」

Gin透露與Rio傾談時，感受到她的恐懼、不安及沒信心，但她每一次都盡力給Rio鼓勵。

觀看相關影片按連結：https://youtu.be/LSZe3Hof4X0