曾傲棐新歌本色出演 化身毒男做Sona頭號粉絲

Arvin在新歌《頭號粉絲》中繼續愛得低調。

曾傲棐（Arvin）今年第三首派台作品《頭號粉絲》MV日前上架，歌曲由徐沛昕作曲、林若寧填詞、NIXON編曲、廖志華監製。Arvin今年的兩首派台作品《FM 520》及《密友圈之謎》刻劃Arvin愛情上靦腆害羞一面，來到《頭號粉絲》雖赤裸地表達自己內心世界，但繼續愛得低調。

Arvin今年第三首派台作品《頭號粉絲》MV日前上架。

Arvin透露原來在收到這份歌詞前一年，自己已試填過一次，更巧合地題材亦跟今次一模一樣，「收到林若寧先生份詞就覺得，『嘩！』我哋好似冇點溝通，但佢已經寫中咗我好想表達嘅嘢，而且係用一個高好多班嘅手法去寫咗我心入面諗嘅嘢。所以我覺得呢份詞雖然我冇involve太多，但係反而好似大家一click就中。」

觀看相關影片按連結：https://youtu.be/jYC6QtextfE

Arvin又自爆這首歌是今年推出的三首作品中最先錄音的一首，而且亦是花最多時間錄的一首，「由今年三月尾錄到十月。我覺得呢首歌係一路印證住自己唱歌上或者對呢份歌詞理解上嘅變化，我同監製廖志華聽番一開始錄嘅Take到近啲嘅Take，真係變咗好多。原來一步一步都行咗好多路，亦令我覺得有時啲嘢唔使咁心急，望住目標係ok，但唔使迫自己要即刻做到，只要每一日進步少少就可以。」

Arvin指《頭號粉絲》是今年推出的三首作品中最先錄音的一首，但卻是花最多時間錄的一首。

MV找來YouTube頻道FHProduction「熊仔頭」成員Sona（劉曉穎）出演女主角，Sona亦是日系地下偶像團體Ace mode成員。MV中，Sona日間是辦公室接待員，私下卻是地下偶像；Arvin則飾演一個喜歡地下偶像文化、日本文化的內向男同事，一次看了Sona的演出後變成她的fans。Sona指自己是首次以「偶像身份」拍攝MV，覺得十分特別，「最深刻係Arvin嘅角色設定好鍾意我，但我最後連佢叫乜嘢名都唔記得，佢送俾我嘅禮物我隨手劈低就算，嗰下覺得好心悒。」

MV找來YouTube頻道FHProduction「熊仔頭」成員Sona出演女主角。

Sona在MV中日間是辦公室接待員，私下則是地下偶像。

Arvin飾演一個喜歡地下偶像文化、日本文化的內向男同事。

一次看了Sona的演出後變成她的fans。

問到對Arvin的角色造型，Sona評價極高，「十分滿分嘅話佢有十分，真係本色出演！嗰啲開心、失望表情好到位，佢仲有一個好神奇嘅動作，就係永遠都會抹一抹啲手汗，佢好執着呢個動作。」旁邊的Arvin笑說：「 你咁講，我都唔知開心定唔開心好，哈哈。對我嚟講成件事都好難忘，因為我間唔時都會睇呢啲show，雖然我今日飾演一個內向嘅人，但其實我平時再摺好多，我會企喺角落頭。我連螢光棒都唔會用，所以我覺得今日好似包咗場嚟睇。」

Sona讚Arvin是本色出演！

大家都放低偶包去玩！

冤枉娛樂全新綜藝節目《枉推的孩子》第一集昨日（24日）上架，由黃明德（Dark）、曾傲棐（Arvin）及女團VIVA擔任主持，節目每集請來不同嘉賓齊齊大玩遊戲，輸的一隊需接受大懲罰。首集則由歌手主持先落場玩，最後投票選出「誰是老鼠屎？」最後接受大懲罰。

首先Dark及Arvin以猜包剪揼揀選隊友，最後Dark、VALC及Ada一隊；Arvin跟Carina、Macy一隊。完成分組後便開始第一個遊戲「溝tone障礙估歌仔」，每組派兩名隊員將節目組準備的歌詞翻譯成英文，另一名隊友要唱出中文歌詞，最少時間答對最多問題為之勝出。Dark一隊先玩，Ada負責估歌，第一首歌是張敬軒《櫻花樹下》，幾經努力，Ada估中第一句歌詞，去到第二句「無奈已經不可糾正」，Dark及VALC已經無計可施，在形容「經」這個字時，Dark突然說出「When you have period 」，全場立即爆笑，最後幾經辛苦才做中三句砍詞，不過仍然似在發夢的她卻問到：「咩歌嚟㗎？我點解一啲都load唔到？」眾人又再次爆笑。最後Dark一隊以近十七分鐘估中五首歌。輪到Arvin一隊，由於吸收了Dark一隊逐個字以英文讀出來的「失敗經驗」，Arvin隊的策略是以英文唱出來，結果非常理想，以十三分鐘估中六首歌勝出。

估歌仔場面爆笑

用英文歌詞去估真係一頭無緒

努力咁去諗

第二個遊戲「長氣歌手搏命唱」，顧名思義就是以接力方式，以一口氣鬥長氣方式唱歌，完成度最高的一組便贏，比賽歌曲是Gin Lee的《企好》，Arvin首先出賽，然後由Macy接力，不過Macy只唱了兩句便忍不住笑停了下來，之後她「投訴」受到Dark隊騷擾，「我啲氣用咗嚟笑，哈哈。」最後Dark一隊在同樣受到騷擾的情況下追回一局。為分出勝負，節目主理人枉阿姐表示兩個男生自己選一首歌，一口氣唱。二人選了陳奕迅的《富士山下》，Dark先唱，一口氣唱了三十二秒，論到Arvin，當他唱到十九秒便停下來，原來是因為隊友Macy想幫忙阻止敵隊的Ada騷擾Arvin，有「力王」之稱的Macy一手將Ada扯到地上，正在唱歌的Arvin見狀便忍不住大笑起來，結果反高潮地令自己隊敗陣。Dark邊笑邊說：「Ada你係專登仆㗎嘛？為咗贏仆心仆命，我哋呢組就係咁團結。」Arvin一隊已經笑到不行。

Dark先唱，一口氣唱了三十二秒，論到Arvin

互相騷擾

最後，Macy被投票選為「豬隊友」而接受大懲罰，Macy需要在一邊開着強項的吹風機下一邊食麵。願賭服輸的Macy亦玩得投入，不理醬汁被吹風機吹到一面都係兼面容扭曲，她仍不顧靚樣，大口大口地努力食麵，認真厲害。