Cloud今年的生日願望希望自己開開心心、健健康康同埋好自在咁做自己想做嘅事。
雲浩影(Cloud)日前與60位被抽中的幸運兒開Party慶祝生日,「迷雲黨」(Cloud粉絲暱稱)精心佈置場地,門外擺放Cute爆的「小雲」人形紙牌迎賓,Cloud見狀興奮得嘟嘴打卡,非常可愛。場內還展示大量Cloud的靚相,更設有「心事貼貼貼」展版,供「迷雲黨」寫下心底話。Cloud感激大家的支持和陪伴,剖白內心世界時一度感觸落淚,全場報以掌聲支持,場面溫馨感動。
![Cloud日前與60位被抽中的幸運「迷雲黨」開Party慶祝生日。](https://image.bastillepost.com/1200x/wp-content/uploads/hongkong/2024/08/20240812_EN_Cloud05_source-licensed_.jpg.webp)
Cloud日前與60位被抽中的幸運「迷雲黨」開Party慶祝生日。
![「迷雲黨」精心佈置場地。](https://image.bastillepost.com/1200x/wp-content/uploads/hongkong/2024/08/20240812_EN_Cloud01_source-licensed_.jpg.webp)
「迷雲黨」精心佈置場地。
![門外仲有「小雲」人形紙牌迎賓。](https://image.bastillepost.com/1200x/wp-content/uploads/hongkong/2024/08/20240812_EN_Cloud02_source-licensed_.jpg.webp)
門外仲有「小雲」人形紙牌迎賓。
生日會上,Cloud與「迷雲黨」大玩遊戲,於大電視的環節上,「迷雲黨」要演繹不同的情景,包括「小腿抽筋」、「食麵包咬到嘴唇」等等。他們使出渾身解數落力演出,一時跳高、一時倒地,Cloud看得投入笑得開懷,「大家有演戲嘅機會,咁啱我呢排上緊戲劇班,我覺得所有嘢都好夾,好好笑。」
![Cloud與「迷雲黨」大玩遊戲。](https://image.bastillepost.com/1200x/wp-content/uploads/hongkong/2024/08/20240812_EN_Cloud03_source-licensed_.jpg.webp)
Cloud與「迷雲黨」大玩遊戲。
![又有合照。](https://image.bastillepost.com/1200x/wp-content/uploads/hongkong/2024/08/20240812_EN_Cloud06_source-licensed_.jpg.webp)
又有合照。
![又有合照。](https://image.bastillepost.com/1200x/wp-content/uploads/hongkong/2024/08/20240812_EN_Cloud07_source-licensed_.jpg.webp)
又有合照。
![又有合照。](https://image.bastillepost.com/1200x/wp-content/uploads/hongkong/2024/08/20240812_EN_Cloud08_source-licensed_.jpg.webp)
又有合照。
![仲有美食。](https://image.bastillepost.com/1200x/wp-content/uploads/hongkong/2024/08/20240812_EN_Cloud04_source-licensed_.jpg.webp)
仲有美食。
興奮過後就到心底話環節,Cloud讀出「迷雲黨」的打氣說話,並剖白自己的內心世界。她感性表示:「出道第三年,我覺得自己大個咗好多,但我都係之前傻更更嘅嗰個我。呢段時間不斷學習、努力,想成為更好嘅歌手,想令『迷雲黨』感到自豪,我覺得好似慢慢做到。好感激大家一直陪喺我身邊,好開心見到好多新面孔,更加開心好多舊面孔依然喺度。」她一度感觸落淚,全場報以熱烈掌聲支持。Cloud說:「講自己真心說話時,大家全神貫注望住我,Feel到好多愛,係一個好珍貴嘅Moment。」
![Cloud讀出「迷雲黨」的打氣說話。](https://image.bastillepost.com/1200x/wp-content/uploads/hongkong/2024/08/20240812_EN_Cloud09_source-licensed_.jpg.webp)
Cloud讀出「迷雲黨」的打氣說話。
![Cloud讀出「迷雲黨」的打氣說話。](https://image.bastillepost.com/1200x/wp-content/uploads/hongkong/2024/08/20240812_EN_Cloud10_source-licensed_.jpg.webp)
Cloud讀出「迷雲黨」的打氣說話。
![又剖白自己的內心世界。](https://image.bastillepost.com/1200x/wp-content/uploads/hongkong/2024/08/20240812_EN_Cloud13_source-licensed_.jpg.webp)
又剖白自己的內心世界。
![一度感觸落淚。](https://image.bastillepost.com/1200x/wp-content/uploads/hongkong/2024/08/20240812_EN_Cloud11_source-licensed_.jpg.webp)
一度感觸落淚。
![一度感觸落淚](https://image.bastillepost.com/1200x/wp-content/uploads/hongkong/2024/08/20240812_EN_Cloud12_source-licensed_.jpg.webp)
一度感觸落淚
「迷雲黨」精心準備了米線造型的生日蛋糕,Cloud興奮得拍手兼跳起,更連環派心答謝大家。她笑說:「因為我TG(Telegram)個名叫『最愛食米線』,我本人亦都好鍾意食,蛋糕上面仲有牛肉、魚蛋、墨丸同金菇。」驚喜一浪接一浪,「迷雲黨」再為壽星女送上天使造型的「雲寶寶」公仔,Cloud愛不釋手說:「『雲寶寶』係迷你版嘅我,佢有唔同嘅衫可以換,最重要係佢個Pat Pat好翹,有做運動嘅,好搞笑。又一年聚首一堂見到大家,又一次大家幫我慶祝生日。」
![「迷雲黨」為Cloud精心準備了米線造型的生日蛋糕。](https://image.bastillepost.com/1200x/wp-content/uploads/hongkong/2024/08/20240812_EN_Cloud15_source-licensed_.jpg.webp)
「迷雲黨」為Cloud精心準備了米線造型的生日蛋糕。
![Cloud連環派心答謝大家。](https://image.bastillepost.com/1200x/wp-content/uploads/hongkong/2024/08/20240812_EN_Cloud18_source-licensed_.jpg.webp)
Cloud連環派心答謝大家。
![「迷雲黨」再為壽星女送上天使造型的「雲寶寶」公仔。](https://image.bastillepost.com/1200x/wp-content/uploads/hongkong/2024/08/20240812_EN_Cloud16_source-licensed_.jpg.webp)
「迷雲黨」再為壽星女送上天使造型的「雲寶寶」公仔。
今年的生日願望,Cloud說:「希望自己開開心心、健健康康同埋好自在咁做自己想做嘅事。」而9月將首次參演舞台劇的她透露正排練得如火如荼,亦希望明年能舉行個人演唱會,她說:「好多歌曲製作中,希望到時有一個好精彩嘅演唱會帶畀大家。」生日會尾聲,Cloud逐一與「迷雲黨」合照,她細心表示:「知道今次嘅生日會有限額,希望嚟唔到嘅朋友唔好灰心,我哋喺其他活動再見!」
![Cloud希望明年能舉行個人演唱會。](https://image.bastillepost.com/1200x/wp-content/uploads/hongkong/2024/08/20240812_EN_Cloud14_source-licensed_.jpg.webp)
Cloud希望明年能舉行個人演唱會。
![在生日會上四處打卡。](https://image.bastillepost.com/800x/wp-content/uploads/hongkong/2024/08/20240812_EN_Cloud20_source-licensed_.jpg.webp)
在生日會上四處打卡。
![在生日會上四處打卡。](https://image.bastillepost.com/1200x/wp-content/uploads/hongkong/2024/08/20240812_EN_Cloud21_source-licensed_.jpg.webp)
在生日會上四處打卡。
![又有和「小雲」合照。](https://image.bastillepost.com/800x/wp-content/uploads/hongkong/2024/08/20240812_EN_Cloud19_source-licensed_.jpg.webp)
又有和「小雲」合照。
![更逐一與「迷雲黨」合照。](https://image.bastillepost.com/1200x/wp-content/uploads/hongkong/2024/08/20240812_EN_Cloud22_source-licensed_.jpg.webp)
更逐一與「迷雲黨」合照。