又出奇謀冧粉絲。
歌手雲浩影（Cloud）憑《全民造星III》為人認識，人靚聲甜的她亦積極運營自己的社交平台，分享日常派福利，日前她分享多張靚相冧粉絲，更舉腳晒腳板成功獲2.8萬like。
27歲女歌手雲浩影
Cloud外形清秀
人氣高企
Cloud留言：「瞓多啲，心情會好啲唷。」相中的她一開始雙手托頭盤坐在梳化上，靚到發光，之後她開始派福利，大晒白滑腳板底，面向鏡頭右腳一伸，更呼籲大家：「唔好吱我腳板底Thanks！」粉絲們見偶像派福利踴躍留言：「您應該係第一個artist 喺社交平台show 腳板底」、「小姐 39號鞋啱唔啱」、「邊有人咁矛會出腳」、「根據（腳）掌紋 運勢好好」、「赤腳行石春路練歌，會行氣活血」、「呢個post 有陣味⋯⋯」、「隔住個mon都聞到陣腳臭味」。
派福利
獲Like無數
舉腳晒腳板
女神出腳
笑容甜美
阿Dee笑言：「高大就鑿住靚仔，有才華都冇用！」
由雲浩影（Cloud）、吳家忻（kayan9896）、蘇皓兒（Chloe）、郭嘉駿（193）、何啟華（阿Dee）及林德信等主演的Viu Original本地原創劇《同居少女諸事卜》好評如潮，故事講述三位同居女生所遇到的不同愛情問題，當中Cloud便要周旋於193與阿Dee的三角關係，劇中193更向Cloud求婚，但因Cloud心繫阿Dee，最終193慘食檸檬；然而現實中，阿Dee自嘲沒可能爭女爭贏193 ！
《同居少女諸事卜》劇照
《同居少女諸事卜》劇照
《同居少女諸事卜》劇照
阿Dee與193同屬男團ERROR成員，早已默契十足，今次在劇中他們飾演「情敵」，有不少對手戲，阿Dee笑言：「我同193爭女？代表戲劇，係假嘅，仲要話係我爭贏，邊有可能，現實世界係唔會發生，因為我同3哥出trip，feel到差別待遇，大家都係男仔，但女士們對大家真係有差別待遇，多你20cm係唔同，高大就鑿住靚仔，有才華都冇用。」
《同居少女諸事卜》劇照
193就斬釘截鐵表示二人在現實中絕不會爭女：「現實中我哋唔會爭，佢（阿Dee）鍾意黑人，有紋身、瘦啦、ABC嗰啲，我覺得呢類太激進，我比較鍾意溫文爾雅、白白淨，同阿Dee係相反，我鍾意文靜、乖巧，聽我講多啲，阿Dee鍾意控制佢、鬧番佢轉頭嘅。」
《同居少女諸事卜》劇照
《同居少女諸事卜》劇照
在劇中首次跟Cloud合作，二人大讚Cloud很有演戲天分，更異口同聲指被Cloud「口才」嚇一跳，阿Dee指：「第一次同Cloud合作，估唔到佢表面斯斯文文，其實講嘢都幾寸，不過佢好玩，意外地發現佢幾有天分做戲，佢除咗唱歌之外，可以考慮做多啲戲。」193就指：「Cloud第一次做戲都做得幾好，冇乜NG，睇得出都做足功課，係平時喺戲外搶口咗少少。」
《同居少女諸事卜》劇照
《同居少女諸事卜》劇照
Cloud則自言首次拍劇感覺有點緊張：「之前參與過《深宵閃避球》拍攝，未算係主角，今次拍攝有幾版幾版紙對白，有好多感情戲，亦係第一次有感情戲，所以比較緊張，都擔心會連累對手NG，但好開心，佢哋全部好好，冇畀到壓力我，同阿Dee拍攝更是非常順利，佢係一個好有經驗演員，所以提點咗我好多。最大挑戰係同阿Dee嘅分手場口，因為要拍好多個鏡頭，好難Keep住情緒，但阿Dee好好戲，我好被佢帶動。」問到現實中，可有試過同時被兩位異性追求？她笑說：「自己唔係好多人追，但如果要揀，會以性格行先，講感覺。」
《同居少女諸事卜》劇照
