同居少女諸事卜丨Cloud雲浩影獻第一次 kayan9896收穫友誼

Cloud與kayan9896因劇集結成好友。

Viu原創劇《同居少女諸事卜》將於今日（8月14日）強勢登陸「黃Viu煲劇平台」！劇集監製伍健雄、導演陳雅莉，演員雲浩影（Cloud）、吳家忻（kayan9896）、郭嘉駿（193）、何啟華（阿Dee）和鄧月平（Larine），昨日（8月13日）齊齊現身北角匯ACX戲院出席劇集試映會，為明日首播先壯聲威！

雲浩影（Cloud）、吳家忻（kayan9896）、郭嘉駿（193）、何啟華（阿Dee）和鄧月平（Larine）昨日（13日）現身戲院為新劇《同居少女諸事卜》宣傳。

Cloud與kayan9896因拍攝劇集結成好友。

《同居少女諸事卜》以時下流行的占卜為題材，講述三位生於1997年至2009年間的「Z世代」女生Sammy（Cloud飾）、Iris（kayan9896飾）和Tracy（Chloe飾）和於同一屋簷下的生活點滴。性格不同的三個女生一邊尋找愛情真諦，一邊探索自我和人生的多樣性，尋找作為女性真正的需求。

阿Dee經驗足帶入戲
繼《#她和她的戀愛小動作》後，kayan9896再度參演Viu原創劇，她笑言在《同居少女諸事卜》最大收穫就是友誼：「今次同Cloud、Chloe經常共處一室，不用埋位時三個女仔就會談天說地，上至愛情問題，下至飲飲食食，增進不少友誼！」Cloud於新劇周旋在「初戀情人」193和「穩交男友」阿Dee之間，首次擔當劇集主角的Cloud坦言拍攝時十分緊張：「第一次要記咁多對白，又第一次拍感情戲，真係好擔心NG，多得演出經驗十足的阿Dee帶住，才令拍攝順利。」

193與阿Dee

Cloud於新劇周旋在「初戀情人」193和「穩交男友」阿Dee之間。

kayan989

鄧月平Man爆初體驗
至於在新劇跟Chloe有曖昧感情線的鄧月平也自揭獻出了「第一次」：「過去我多數是飾演女性化的角色，今次首次挑戰Man爆性格，還要氣場十足，絕對是嶄新嘗試，希望大家會鍾意！」Viu Original本地原創劇《同居少女諸事卜》明日（8月14日）起逢星期三、四中午12時，於「黃Viu煲劇平台」獨家上架，讓香港觀眾免費收看。

鄧月平透露跟Chloe有曖昧感情線。

Viu原創劇《同居少女諸事卜》今天（8月14日）首播。

樂基兒：「佢係我經理人，因為太耐冇喺香港工作，大家唔記得我身邊同事啲樣。」

馮允謙、雲浩影、樂基兒、陳穎欣、衛詩日前出席護膚品LA MER聖誕活動，Jay Fung、Cloud及Jill更為活動獻唱，將節日氣氛推至高峰！

樂基兒出否認有新戀情。

樂基兒配合愛兒假期返港渡假，與家人歡度聖誕！

久未香港露面嘅樂基兒表示，配合愛兒假期返港渡假，與家人歡度聖誕：「仔仔嘅禮物已經準備好，因為佢有佢嘅wish list，我就最想平安、健康，呢個係最好嘅聖誕禮物。」早前有報導指與「肌肉男」同行，更指對方為基兒「新歡」：「佢係我經理人，因為太耐冇喺香港工作，大家唔記得我身邊同事啲樣。（想有另一半？）依家小朋友仲細個，同埋做野都好忙，焦點未到呢個階段。」

樂基兒一提到愛兒笑得甜思思，仲話媽媽早前越洋探孫睇表演：「佢好耐冇嚟探我哋，所以真係好開心！（仔仔有表演天份？比佢入行？）有冇表演天份就未知，因為佢仲細個，仲未識怕醜，但入唔入行就由佢自由發揮，我只想佢做個好人就得啦。」

Jay Fung想收護膚品做聖誕禮物。

Cloud專注工作無時間諗「戀情」。

馮允謙、雲浩影呢日孖住出席活動，二人賣口乖大讚產品好用，Jay Fung仲話想收護膚品做聖誕禮物：「舊時我會借咗媽咪啲護膚品用，但依家佢知我去活動，佢會問我有冇贈品，不過如果冇都會買比佢。今日我剛剛出咗唱片，真係好開心！嚟活動之前我都去咗唱片鋪，自己買咗幾隻，嚟到見到啲Fans已經買咗，真係多謝大家支持！」提到今年頒獎禮有機會「大滿貫」，他笑言獎項「唔好諗太多」，但對自己作品滿意。

Jay Fung提到今年頒獎禮有機會「大滿貫」，他笑言獎項「唔好諗太多」，但對自己作品滿意！

而Cloud就話依家專注工作，無時間諗「戀情」：「今年冇『佳人有約』，就係約咗啲同事開Party，其實最想同工作約會！（有冇人寫深情聖誕卡比你？）我諗我啲Fans會寫比我。」

陳穎欣

同場嘅陳穎欣早前與家人去澳洲旅行，笑言「見動物多過見人」，出席活動感緊張：「可以同屋企人一齊真係好舒服，以前因為工作錯失好多時光。今次旅行食多咗，所以肥咗啲啲，但一返香港就『腸胃炎』病足幾日，即時瘦翻晒！」提到早前Kayan9896 離開「試當真」，Yanny為對方發展送祝福：「每個人發展，去到不同時刻都有唔同方向，我都很替她開心，見到佢做音樂都做得好好，希望她搵到自己喜愛嘅事發展。（到你做一姐？） 我地呢啲網台都有呢啲野咩？我地係男權至上嘅台，我時刻都為女仔爭取一啲位置。」Yanny生日在即，佢就話每年都唔「大搞」Party，仲話想食雞煲慶祝。

衛詩為活動獻唱聖誕歌曲，她表示現自組公司發展，或與家姐再合作：「同家姐都有傾過，依家物色工作人員，好快會再有新歌。我同家姐由細到大都會share所有野，包括衫、褲、鞋、襪都會！（佢啲衫你啱著？）哈哈！我係好鍾意佢啲衫㗎。」

衛詩