今個月26日是Gin Lee李幸倪生日,日前她跟過百歌迷舉行生日會,二百歌迷踴躍參與,場面熱鬧。
生日會以「運動會」為主題,原來全由Gin構思,為了捉住奧運的尾巴,「延續奧運熱潮,同大家一齊做吓運動,健康啲,又可以同大家近距離接觸多啲,我覺得運動係好容易將人同人之間嘅距離拉近。」當日比賽項目包括Gin踩單車、跳舞、射籃球、接氣球及空中飛索等。
點擊看圖輯
當日比賽項目包括踩單車、跳舞、射籃球、接氣球及空中飛索等。
不過Gin嘗試了多次都未能挑戰成功,更忍不住說:「你個嘢壞咗呀。」
Gin希望繼續在「GLFC」這個大家庭中繼續同大家一齊成長。
Gin的生日會以「運動會」為主題。
運動場蛋糕
一眾歌迷積極參與,Gin亦有落場並挑戰跳舞及空中飛索兩個項目,其中「空中飛索」一項,需要坐在座位上沿着鋼索飛到盡頭,然後用腳撐牆回彈,不過Gin嘗試了多次卻未能成功回彈,更拋出網絡金句,「你個嘢壞咗呀。」引來全場大笑,當她再次挑戰,過程中她由頭尖叫到尾,可謂「丹田吶喊界代表」。
當日比賽項目包括踩單車、跳舞、射籃球、接氣球及空中飛索等。
Gin落場並挑戰跳舞。
又挑戰空中飛索。
不過Gin嘗試了多次都未能挑戰成功,更忍不住說:「你個嘢壞咗呀。」
切蛋糕前,Gin分享這一年來成立歌迷會的點滴,「話咁快就一年,我記得上年嘅生日會,我宣佈會成立官方Fan Club,於是我哋有咗『GLFC』。呢一年來真係一啲都唔容易,冇你哋嘅支持係冇可能實現到咁多唔同大大細細嘅目標,所以好多謝你哋。」她表示成立歌迷會,是想給歌迷最好的福利,「其實我十幾年前已經講緊呢個宗旨㗎啦,我嘅口號係『一起變好 一起變老』,我希望繼續喺呢個『GLFC』嘅大家庭裏面,同大家繼續一齊成長。」
Gin希望繼續在「GLFC」這個大家庭中繼續同大家一齊成長。
VIDEO
觀看相關影片按連結:https://youtu.be/_jYHpGjEKkU
Gin Lee李幸倪日前跟今年樂壇男新人曾傲棐(Arvin)開啟「學校巡迴運動比賽」,首站二人到九龍塘真光中學進行羽毛球比賽,劉若寶(Polly)擔任主持。
Gin Lee與Arvin開啟「學校巡迴運動比賽」。
Polly擔任主持。
比賽共有三個回合,第一回合是Gin跟Arvin分別跟一名學生各自組隊,進行雙打比賽中;第二回合Gin跟Arvin繼續對戰,不過數增加到四對四;最後一個回合,Gin跟Arvin組成「EEG All Star隊」對戰「真光隊」進行雙打,總成績將會計入「龍虎榜」,二人將會遊走各區學校巡迴,巡迴比賽完結後,Gin跟Arvin便會到獲得最高分的學校唱歌表演。
比賽共有三個回合。
第一回合是Gin跟Arvin分別跟一名學生各自組隊雙打。
第二回合數增加到四對四。
最後一個回合則是Gin跟Arvin組成「EEG All Star隊」對戰「真光隊」進行雙打。
為了爭取兩位歌手到校演出,真光隊派出羽毛球校隊成員出戰,希望爭取勝利﹐不過當日打的羽毛球是放大版,最後EEG隊險勝。平時做開gym、行山的Gin賽後表示:「琴日學校雖然派出羽毛球隊迎戰,有少少淆底。我即刻喺側邊練吓波、攞吓個感覺。因為我哋打呢個唔係一般嘅羽毛球,唔係咁簡單,哈哈,可能平時唔叻就會ok handle到,平時好叻嗰啲反而會俾你一個巨型嘅羽毛球同埋球拍耽誤咗,所以我哋就誤打誤撞險勝,贏咗少少。」而有打開籃球的Arvin自爆有秘密練兵,「前排有條癮想打吓羽毛球,又真係約咗朋友出嚟打。就當係秘密練吓兵啦。」
EEG隊最後險勝!
比賽時間正值lunch time,雖然眾人於三十四度高溫下作賽,但同學們都在場外落力為大家打氣,氣氣熾熱。Gin跟Arvin均表示未有在曝曬的情況下影響發揮,Gin笑言:「絕對冇!冇發揮就係最好嘅發揮。」Arvin坦言靠隊友carry,「當然下次有番冷氣,我嘅表現應該會出眾啲。」
比賽時間正值lunch time,同學們都在場外落力為大家打氣。
這次的校園比賽,二人都謂勾起學生時代熱血的回憶,Gin回想起自己在田徑隊及排球隊時的訓練,「都係烈日當空、冇怨言咁樣去訓練,所有嘅skills都係咁樣每一日用血汗換返嚟,好多呢啲好開心嘅回憶。」Arvin亦想到以前學校鐘聲一響便衝到籃球場打波,「打到身水身汗又上返去課室晾番乾個人,成日都會因為咁樣攝親。嗰日完全有番嗰種青春揮灑汗水嘅感覺。」
Gin和Arvin不停為同學們簽名然及合照。
Gin和Arvin不停為同學們簽名然及合照。
Gin和Arvin不停為同學們簽名然及合照。
接下來二人將會繼續四出向各學校「挑機」,Gin坦言希望她的出現可以令學生們感受到她為他們打氣,「因為我覺得而家學生嘅壓力實在太大,所以我哋出少少綿力去幫佢哋打氣,呢個都好緊要。賽後感受就係下次我會記得搽防曬㗎啦唔該晒,哈哈。」
Gin表示希望她的出現可以令學生們感受到她為他們打氣。
Arvin則謂本來以為這些玩具羽毛球會「好流」,「點知冇錯真係好流,但係原來好流嘅係我。第一次玩都真係有啲手腳唔協調,但係唔緊要,我會返去偷偷地練習再返嚟復仇、一雪前恥㗎啦!同埋同學們嘅熱情、笑容真係好有感染力。」至於比賽主持Polly,於比賽完結回到家後,即頭暈兼嘔吐,「仲有啲腳步浮浮,我諗我應該中咗暑,哈哈,之後都即刻飲番多啲水,瞓番一晚就冇事啦。」
主持Polly曝曬中暑。