Grace全程負責揸機所以沒有入鏡。
視帝鄭嘉穎與黃智賢（Ben）向來老友鬼鬼，嘉穎3個寶貝仔更與Ben上契，親上加親！10月20日是Ben的57歲生日，嘉穎一家五口為Ben慶生，而陳凱琳（Grace）全程負責揸機所以沒有入鏡。
陳凱琳鄭嘉穎很恩愛！
Grace與鄭嘉穎四年抱三
鄭嘉穎與黃賢智兩人一向老友
鄭嘉穎向Ben留言：「我真係恭喜你⋯有三個咁錫你嘅契仔生日快樂呀契爺P.s. Grace 話幫手影相冇合照，所以要P返入去。」相中可見眾人享受大閘蟹與壽司刺身，小朋友狂擦大閘蟹，十分可愛搞笑。嘉穎3個仔長子鄭承悅（Rafael）、2子鄭承亮（Yannick）和孻仔Carlos一齊影合照，Rafael表情多多，嘟嘴賣萌仲反埋白眼，古靈精怪好可愛，而Yannick笑到見牙唔見眼。
為黃智賢慶生
囝囝們表情多多
好豐盛
好得意
將Grace P上去
Grace透露嘉穎育兒方面比她嚴肅。
藝人陳凱琳（Grace）與媽咪劉惠嫺（Connie）結伴到新城接受李有毅和兒子李國煒主持的《Ben同Benson Chur到行》訪問，Grace作為三個兒子的媽咪，同時又是藝人和KOL，而老公鄭嘉穎的演藝工作亦十分繁忙，對於如何分工照顧兒子？Grace透露嘉穎育兒方面比她嚴肅，自己則是慈母。
陳凱琳（Grace）與媽媽接受新城《Ben同Benson Chur到行》訪問。
Grace表示：「佢（老公）都唔想做衰人嘅，但做媽咪永遠都係慈母，所以佢就變咗呢個角色，不過我哋都有個共識，有啲嘢唔可以太鬆，例如過馬路一定要拖住，我哋就會較嚴肅去教小朋友，因為關乎危險，我哋就會統一啲。」Connie則大爆三個孫仔精力旺盛，但性格大相逕庭，「大孫仔好活潑，佢見到乜就會聯想到第二樣嘢，個人好有公義；二孫仔好鍾意砌puzzle，佢上嚟我屋企會坐埋一邊自己砌；最細嘅孫仔成日周圍走，又要搵我隻貓，又鍾意淋花，好活躍。」
訪問期間，Grace反客為主訪問媽咪：「你覺得你做咗婆婆之後，會唔會比照顧我時縱容咗呢？我見到有少少，但可能係我偏見！」Connie直言自己不敢縱容，她說：「因為我好想同你同嘉穎嘅步伐差唔多一致，盡力去適應你哋家庭嘅家規同教訓，小朋友咳唔畀食甜嘢，我真係唔畀，我好合作。」Connie補充：「我唔想去混亂你哋嘅思維，同埋你哋點會去害自己小朋友，一定係畀最好，一定有原因先咁做，咁我唔使明白，我去配合就好。」
陳媽媽盼與女兒女婿步伐一致！
Grace指自己非常樂意成為一位母親，但最重要調整好時間，盡量每件事都做好，嘉穎亦經常提醒她，「佢話做人唔可以咁貪心乜都做晒，反而一樣一樣做先可以做滿分。我老公價值觀方面非常好，從小就畀啲仔知道錢唔係必然，係要賺返嚟，喺屋企我哋會比啲家務佢哋做，例如執碗或揼吓骨，畀一兩蚊佢哋，唔係攤大手板就會有錢。」
Grace自認是慈母。
Grace亦希望家中3位公子將來可以互相幫助，兄弟情永不變，「佢哋打交係必然，但打還打，希望佢哋會愛惜對方，將來哥哥或細佬需要幫忙，都要盡量去幫，因為佢係你嘅家人，呢個愛係無可取替。」
節目到尾聲，Grace送上一首《Dancing Queen》給媽咪，而Connie則送《Amazing Grace》給愛女，她稱：「佢出世時又奀又瘦，只得4磅幾，住暖氣箱住咗三個月，我記得護士抱佢出嚟時，佢塊臉發光，我覺得好graceful，即刻加咗英文名叫Grace，所以佢嘅出生係好amazing。」
Grace希望家中3位公子兄弟情永不變。
詳細節目內容，請留意3月1日，晚上11時 – 凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/
