有港女在網上發帖，指旺角中心有一間老鞋店將要結業。由於樓主是熟客，又不忍店主蝕本價清貨，所以想宣傳下。帖文引來網民回應，大家都話鞋店是「童年回憶」！
旺中老鞋店今年3月結業
有港女在社交平台Threads上發文及相，指在旺角中心1樓，一間由伯伯經營的鞋店將會在3月結業。從門面看，已經充滿歷史感，相信在旺中開業多年。鞋款包羅萬有，有學生鞋、平底鞋、波鞋及護士鞋⋯⋯
threads圖片
以蝕本價清貨「平得離譜」
鞋店寫上「結業」、「清貨」等字眼，而店主伯伯因年事已高、身體問題，決定結業，而店內貨品則以蝕本價清倉中。樓主認為「佢嗰邊啲鞋都幾好着」，於是幫伯伯在網上發布消息，希望其他網民來幫襯。
示意圖。設計圖片
網民唏噓：童年回憶
帖文即隨被瘋傳，不少網民留言指鞋店是「童年回憶」，「呢間好似好多年歷史，真是唏噓，要多多支持小店」、「我返工一向着係伯伯到買嘅鞋，真係着咗兩年都仲好耐用冇爛到，同就算有踭都好似踩平地行十幾個鐘都咁舒服，冇吹水，真心推」。
示意圖。設計圖片
網民籲正價幫襯
有網民更立即用行動支持，「睇完即刻買咗對」、「我會去同佢傾下計，問原因同每一對鞋原價」、「次次去都覺得佢平到離晒譜，唔知點賺錢維生」，因此有人提議「最主要都唔想佢蝕呀！希望大家可以俾多少少大家認為原價嘅數目佢，佢基本上而家每一對都平得離譜」。
有網民以行動支持。（Threads圖片）
