公屋贏家首派即畢業！筲箕灣海景單位光猛闊落 附1驚喜贈品至少慳5位數

有網民早前發文表示，輪候公屋8年半，首派就贏得東區有海景的「靚樓」單位，「連阿仔都好滿意通屋走」。點知原來驚喜在後頭，上手留有驚喜贈品更為他至少省下5位數字！

FB截圖

輪候8年半終獲「心水靚樓」

該申請者於Facebook群組「公屋討論區」發相發文，指自己輪候8年半，首派獲筲箕灣愛東邨1間450呎的5人單位。由於很滿意，所以即時接受「畢業」，更笑指「連阿仔都好滿意通屋走」。

FB圖片

無敵海景 間隔闊落 毋須大改已可入住

從上傳照片可見，窗戶一望出去就是開揚無阻隔的大海景！單位有獨立廁廚，間隔闊落，且自然光線充足。加上，單位外觀新簇，未有特別破爛的地方，而且地上地磚都鋪好，基本毋須大執已即可入住。

FB圖片

FB圖片

網民紛紛道喜：一派可以咁完美

網民紛紛恭喜樓主，「恭喜恭喜，你真幸運，不需大裝修」、「好過中獎」、「又大又近地鐵又海景」、「淨係呢個景，在私樓來講，最小要畀多50萬！」、「靚到不得了」、「人生勝利組，一派可以咁完美」。

上手「贈品」即省5位數

同時有不少網民關注上手「贈品」 ── 已鋪設好的地磚，估計至少可省5位數裝修費，大讚「幸運」，「恭喜晒，好大地方，好正海景。地磚已經鋪設好咗，裝修起碼慳4萬」、「免費地磚」、「可以慳返1筆，正」。

FB圖片

樓主揭上手業主身份

咁「高質」的單位都要遷出？樓主回應指，上手住戶是「富戶」要繳交雙倍租金，故抽中居屋後搬走；至於地磚，樓主引述房屋署指「如果上手keep得靚仔，基於環保吾會拆」。

FB圖片

網民聞言再次恭賀，「咁風水一定好好！祝你都住到家肥屋潤」、「我上手都係抽居屋搬走，所以入住後，樣樣都順風順水，非常感恩，原來真係有『沾染旺氣』㗎」。

近日，有市民在Threads上發帖，指位於旺角西洋菜南街與山東街交界的「旺津菓汁小食」已經結業，感嘆「呢個位間小食店終於執咗，算唔算一個時代嘅終結？」。

青春回憶已閉幕

從上傳相片可見，「旺津菓汁小食」的店位已經有大批木板圍封，門店亦已停止營業。翻查資料，「旺津菓汁小食」經營至少10多年，主打燒賣、魚蛋、格仔餅、煎釀三寶、蔗汁、果汁等港式街頭小食，曾是不少人的青春回憶。

Openrice圖片

網民力數黑歷史

然而，網民對這間店的印象似乎多為「暗黑往事」，紛紛留言回憶：「呢間嘢起碼廿年」、「賣到50蚊一兜魚蛋都要執」、「一份牛丸加魚蛋收我50」、「我要淨牛丸，剪到一半先同我講話要50」、「我要淨牛丸，剪到一半先同我講話要50蚊一碗」。

香港街頭小食示意圖。資料圖片

Openrice圖片

網惋惜：真係時代嘅眼淚

雖然黑歷史居多，但無可否認，店鋪仍是一代港人的回憶。有網民指，「印象中呢個位對上一次執都係7至8年前左右」、「當年會去飲崩大碗，佢執咗，無得飲了」、「我人生中第一次飲嘅珍珠奶茶就係呢間。當年附近無咁多專賣奶茶嘅鋪頭，呢間嘢開咗起碼廿年，啲奶茶舖都係呢10年先開得多」，感慨「真係時代嘅眼淚」。

Threads圖片